سونىمەن بۇگىن ۇلىقتاۋ ءراسىمىن وتكىزىپ، ەل بيلىگىن جاڭاشا سيپاتپەن قولىنا العان ن.نازارباەۆ تۇستەن كەيىن پارلامەنتتىڭ جالپى وتىرىسىنا قاتىسىپ، دەپۋتاتتارعا جاڭا ۇكىمەتتىڭ قۇرامىن جاساقتاۋ تۋرالى ۇسىنىسىن جەتكىزدى. اتا زاڭ بويىنشا جاڭا سايلانعان پرەزيدەنت ۇلىقتالعان سوڭ ۇكىمەت تاراۋى ءتيىس.
دەپۋتاتتاردىڭ الدىندا ءسوز سويلەگەن پرەزيدەنت ۇكىمەتتى بۇرىنعىداي كارىم ءماسىموۆ باسقارا بەرسىن دەگەن ۇسىنىسىن جەتكىزدى.
ادەتتەگىدەي ەلباسىن ءبىراۋىزدان قولداعان دەپۋتاتتار وسىندايدا كوزگە ءتۇسىپ قالۋدىڭ مۇمكىندىگىن قالت جىبەرمەدى. كەزەك كەزەگىمەن ءسوز العان دەپۋتاتتار زەينوللا الشىمباەۆ، باۋىرجان سمايىلوۆ، نۇرلان ونەرباەۆتار جەلدەي ەسىپ، جەلپىنىسىپ، ماقتاۋ مەن ماداقتىڭ ادامنىڭ ويىنا كەلمەيتىن تەڭەۋلەرىن تاۋىپ جاتتى. سمايىلوۆ ءتىپتى ەسكى دە سۋ جاڭا پرەزيدەنت ن.نازارباەۆتى ءاز-تاۋكەمەن تەڭ كورەتىنىن جاسىرمادى. ولاردىڭ ماقتاۋىنان ءماسىموۆ تە كەندە قالمادى. ءسويتىپ، ەلىمىزدە وركەن جايعان دەموكراتيانىڭ جەمىسىن جۇرتتان بۇرىن جەپ جۇرگەن قالاۋلىلارىمىز دەموكراتيالىق جولمەن بيلىككە جەتكەن پرەزيدەنتتىڭ دەموكراتتىق ۇسىنىسىن ناعىز دەموكراتتارشا قابىلداپ جىبەردى.

سونىمەن بۇگىن ۇلىقتاۋ ءراسىمىن وتكىزىپ، ەل بيلىگىن جاڭاشا سيپاتپەن قولىنا العان ن.نازارباەۆ تۇستەن كەيىن پارلامەنتتىڭ جالپى وتىرىسىنا قاتىسىپ، دەپۋتاتتارعا جاڭا ۇكىمەتتىڭ قۇرامىن جاساقتاۋ تۋرالى ۇسىنىسىن جەتكىزدى. اتا زاڭ بويىنشا جاڭا سايلانعان پرەزيدەنت ۇلىقتالعان سوڭ ۇكىمەت تاراۋى ءتيىس.
دەپۋتاتتاردىڭ الدىندا ءسوز سويلەگەن پرەزيدەنت ۇكىمەتتى بۇرىنعىداي كارىم ءماسىموۆ باسقارا بەرسىن دەگەن ۇسىنىسىن جەتكىزدى.
ادەتتەگىدەي ەلباسىن ءبىراۋىزدان قولداعان دەپۋتاتتار وسىندايدا كوزگە ءتۇسىپ قالۋدىڭ مۇمكىندىگىن قالت جىبەرمەدى. كەزەك كەزەگىمەن ءسوز العان دەپۋتاتتار زەينوللا الشىمباەۆ، باۋىرجان سمايىلوۆ، نۇرلان ونەرباەۆتار جەلدەي ەسىپ، جەلپىنىسىپ، ماقتاۋ مەن ماداقتىڭ ادامنىڭ ويىنا كەلمەيتىن تەڭەۋلەرىن تاۋىپ جاتتى. سمايىلوۆ ءتىپتى ەسكى دە سۋ جاڭا پرەزيدەنت ن.نازارباەۆتى ءاز-تاۋكەمەن تەڭ كورەتىنىن جاسىرمادى. ولاردىڭ ماقتاۋىنان ءماسىموۆ تە كەندە قالمادى. ءسويتىپ، ەلىمىزدە وركەن جايعان دەموكراتيانىڭ جەمىسىن جۇرتتان بۇرىن جەپ جۇرگەن قالاۋلىلارىمىز دەموكراتيالىق جولمەن بيلىككە جەتكەن پرەزيدەنتتىڭ دەموكراتتىق ۇسىنىسىن ناعىز دەموكراتتارشا قابىلداپ جىبەردى.
مۇرتىن شيىرشىقتاي كۇلگەن ءماسىموۆ تە ءسوز الىپ، ءوزىنىڭ ۇستازى  نازارباەۆقا العىسىن جاۋدىرىپ، سەنىمىن اقتايتىن جەتكىزدى. ونىڭ قازاقشا بىلدىرلاتىپ جونەلگەن ءسوزىن ەلباسىن ءبولىپ «بايقادىڭدار ما، قايتا سايلانادى دەگەندە قازاقشانى قالاي ادەمى سويلەپ جاتقانىن» دەپ دەپۋتاتتاردى ءبىر كۇلدىرىپ الدى. بۇگىن عانا يناۋگۋراتسياسى وتكەن پرەزيدەنتتىڭ كوڭىل-كۇيى جامان ەمەس ەكەن. ەسكى دە جاڭا ۇكىمەتتى قايتا سايلاپ تاستاعان دەپۋتاتتاردى «كارىم، مەن 95 پايىز داۋىس جيناپ پرەزيدەنت بولسام، سەن 100 پايىز داۋىس جيناپ پرەمەر بولدىڭ» دەپ تاعى دا كۇلكىگە قارىق قىلدى.

«ماسا-اقپارات»