دەپۋتاتتار - حالىق قالاۋلىلارى. سونىمەن قاتار ەلدىڭ اتىنان "ناز" ايتىپ جوعارىداعى كوكەلەرىمىزگە ارىز شاعىمدارمەن قوسا وكپە رەنىشتەردى جەتكىزىپ وتىراتىن - «التىن كوپىر». ۇكىمەتكە سىن ايتا الاتىن وكىلەتتىلىگى بار، بيلىكتىڭ ءبىر تارماعى بولىپ سانالاتىن زاڭ شىعارۋشى ورگان. «اق دەگەنى العىس، قارا دەگەنى قارعىس» دەپ كوتەرمەلەپ قويساق تا ارتىق ايتقاندىق بولماس تەگى.
ەلدىڭ "ەركەسى" بولعان سوڭ ۇكىمەتتە ولارعا بار جاعدايدى جاساپ قويعان. پارلامەنتكە كىرگەننەن كەيىن سىرتقى كيىمدەرىن شەشەردە نەمەسە تابيعي قاجەتتىلىكتەرىن وتەردە عانا بولماسا، ارتىق قيمىلداۋعا، ەنەرگيانى بوسقا شىعارۋعا ولار دا قۇلىقسىز.
سويتە تۇرا دەپۋتاتتاردىڭ ءبارى بىردەي مۇرىندارىنان شانشىلىپ جۇمىس جاساپ ءجۇر دەۋ قيسىنعا كەلمەس. قولىنا دەپۋتاتتىق ماندات تيگەلى قالعاپ شۇلعىپ، ۇكىمەتكە وكپە-ناز ايتپاق تۇگىلى، "توقتىقتان" تىلەرسەگى مايىسىپ، بۇيرەگىن ماي باسقاندار دا كەزدەسەدى ارالارىنان.   وندايلاردى اڭدىپ وتىرىپ وپەراتورلار ءتۇسىرىپ الىپ كەيدە قىزىق ءۇشىن ەفيردەن كورسەتىپ قالاتىنى بار. سونداي ساتتەردە سەسكەنىپ، وتىرىك بولسا دا قىسىلىپ، سايلاۋشىلارىنان ۇيالىپ، ۇيقىسى قاشىپ، مازاسى كەتكەن بىرەۋىن كورمەيسىڭ. قايتا وقتى كوزىن قاداپ، «قالاعانىڭدى ىستەپ ال» دەپ ەشتەڭەنى سەزىنبەيدى-اۋ، سابازدارىڭ.
ءجا، ءبىز نەگىزگى ايتپاق اڭگىمەمىزگە كوشەيىك.

دەپۋتاتتار - حالىق قالاۋلىلارى. سونىمەن قاتار ەلدىڭ اتىنان "ناز" ايتىپ جوعارىداعى كوكەلەرىمىزگە ارىز شاعىمدارمەن قوسا وكپە رەنىشتەردى جەتكىزىپ وتىراتىن - «التىن كوپىر». ۇكىمەتكە سىن ايتا الاتىن وكىلەتتىلىگى بار، بيلىكتىڭ ءبىر تارماعى بولىپ سانالاتىن زاڭ شىعارۋشى ورگان. «اق دەگەنى العىس، قارا دەگەنى قارعىس» دەپ كوتەرمەلەپ قويساق تا ارتىق ايتقاندىق بولماس تەگى.
ەلدىڭ "ەركەسى" بولعان سوڭ ۇكىمەتتە ولارعا بار جاعدايدى جاساپ قويعان. پارلامەنتكە كىرگەننەن كەيىن سىرتقى كيىمدەرىن شەشەردە نەمەسە تابيعي قاجەتتىلىكتەرىن وتەردە عانا بولماسا، ارتىق قيمىلداۋعا، ەنەرگيانى بوسقا شىعارۋعا ولار دا قۇلىقسىز.
سويتە تۇرا دەپۋتاتتاردىڭ ءبارى بىردەي مۇرىندارىنان شانشىلىپ جۇمىس جاساپ ءجۇر دەۋ قيسىنعا كەلمەس. قولىنا دەپۋتاتتىق ماندات تيگەلى قالعاپ شۇلعىپ، ۇكىمەتكە وكپە-ناز ايتپاق تۇگىلى، "توقتىقتان" تىلەرسەگى مايىسىپ، بۇيرەگىن ماي باسقاندار دا كەزدەسەدى ارالارىنان.   وندايلاردى اڭدىپ وتىرىپ وپەراتورلار ءتۇسىرىپ الىپ كەيدە قىزىق ءۇشىن ەفيردەن كورسەتىپ قالاتىنى بار. سونداي ساتتەردە سەسكەنىپ، وتىرىك بولسا دا قىسىلىپ، سايلاۋشىلارىنان ۇيالىپ، ۇيقىسى قاشىپ، مازاسى كەتكەن بىرەۋىن كورمەيسىڭ. قايتا وقتى كوزىن قاداپ، «قالاعانىڭدى ىستەپ ال» دەپ ەشتەڭەنى سەزىنبەيدى-اۋ، سابازدارىڭ.
ءجا، ءبىز نەگىزگى ايتپاق اڭگىمەمىزگە كوشەيىك.
رەسمي دەرەكتەرگە سۇيەنسەك، استانا قىمبات قالا. رەستوراندارعا تۇستىك ءىشىپ شىعۋ ءۇشىن قالتاڭىزدا كەمى ون مىڭ تەڭگە اقشاڭىز بولسىن. ونى قالتاڭىز كوتەرمەسە، دامحانالارعا ايالداڭىز. قورجىنىڭىزدا بەس، التى مىڭ بولماسا، كىرۋگە اسىقپاڭىز؟ بەكەرگە ۇياتقا قالىپ جۇرەرسىز؟ ال اسحانالارعا ەركىن كىرىپ شىعۋ ءۇشىن ەكى ءۇش مىڭ تەڭگە جەتكىلىكتى. قاراپايىم حالىق پەن قالتاسى جۇقا ستۋدەنتتەردىڭ اقشاسى ارتىلىپ جاتسا، باس قوساتىن جەرى كوپ جاعدايدا اسحانا نەمەسە ءدامحانا عانا.
"اس ادامنىڭ ارقاۋى" بولعاندىقتان، ءبىز ءسوز ەتكەن جوعارىداعى سومالار ءبىر ادامنىڭ تۇستىگىنە عانا جۇمسالاتىن قارجى. ال وسىنشاما اقشانى الپىس مىڭ ايلىق الاتىن ادام كۇندىك "وبەدىنە" عانا جۇمساپ، باسقا ۋاقىتتا قايتىپ كۇنەلتىپ ءجۇر ەكەن دەپ ماسەلە كوتەرگەن ءبىر دەپۋتاتتى كەزدەستىرمەدىك كۇنى بۇگىنگە دەيىن. الدە بۇكىل حالىقتى وزدەرى سەكىلدى كورە مە ەكەن؟ وسى جەردە زاڭدى سۇراق تۋىندايدى: استاناداعى جالاقىلارى جوعارى  دەپۋتاتتار  قالاي تاماقتانادى؟   
ەستىپ جۇرگەنىمىزدەي دەپۋتاتتاردىڭ كوپشىلىگى پارلامەنتتىڭ ىشىندەگى ارنايى اسحانالاردا كوتەرەڭكى كوڭىل كۇيمەن وتىرىپ اس ىشكەندى ۇناتادى ەكەن. وكىنىشتى جەرى قازاق پارلامەنتىنىڭ اسحاناسىنىڭ اس ءمازىرى تازا رەسەي "تىلىندە" جازىلعاندىقتان، اۋدارما جاساپ "وبالىنا" قالعىمىز كەلمەدى. دەپۋتاتتاردىڭ تۇستىگىنە شولۋ جاساماس بۇرىن مەنيۋدىڭ كۇندەلىكتى اۋىسىپ، جاڭارىپ، ءتۇرلى ءتۇستى تاعامدارمەن تولىعىپ وتىراتىنىن ەسكەرتەيىك. باعاسىنا دا نازار اۋدارىپ قويعاندارىڭىز ءجون. سونىمەن، سەگىز ءتۇرلى اس مازىرىنەن (حولودنىە زاكۋسكي، پەرۆىە بليۋدا، ۆتورىە بليۋدا، ديەتيچەسكيە بليۋدا، گارنيرى، مۋچنىە يزدەليا، حولودنىە ناپيتكي، گورياچيە ناپيتكي) تۇراتىن ءدامدى استاردىڭ اتاۋلارىنا دا مۇقيات بولىڭىزدار.

«دەپۋتاتتاردىڭ اسحاناسى» دەپ "سىپايىلاپ" ات قويعاندارىمەن، كەي تاعامداردىڭ جاسالۋى  مەن "اتى-ءجونى" ءھام ءتۇر- ءتۇسى رەستورانداردا ارنايى تاپسىرىسپەن جاسالاتىن دەليكاتەس تاعامداردان ءبىر كەم ەمەس. كەيبىر تاعامداردىڭ اتىن العاش ەستىپ وتىرعانىمىزدى جاسىرعىمىز دا كەلمەيدى. اۋىزدان سىلەكەيدى اعىزىپ، تابەتتى اشاتىن كەرەمەت دارۋمەندەردىڭ قوسپالارىن كورىپ ىشپەي جەمەي تويىپ قالدىق. بارىنەن دە باعاسىن ايتساڭشى! كەز كەلگەن مەكتەپ وقۋشىسى مەن اشقۇرساق ستۋدەنتتىڭ قالتاسى كوتەرەتىندەي ءتيىمدى ءارى ساپالى. مەكتەپتەر مەن وزگە دە وقۋ ورىندارىندا مۇنداي باعا اتىمەن جوق. استاناداعى كەز كەلگەن قاراپايىم ادام تاماقتاناتىن اسحانادان ارزان. قازاقستاندا كۇن سايىن قىمباتتاپ جاتقان ازىق-تۇلىك باعاسى پارلامەنتتى اينالىپ وتەتىن ءتارىزدى.  سودان دا بولار دەپۋتاتتاردىڭ قىمباتشىلىق جايلى كوپ ءسوز ەتپەيتىندەرى. بىزدە ءبارى جاقسى دەپ تامسانىپ وتىراتىندارى. امال قانشا، مۇنداي ارزان اسحانالاردان اس ءىشۋ باقىتى دەپۋتاتتارعا عانا بۇيىرىپ تۇر. قايتەمىز، قالالۋلىرامىزدىڭ قارىنى اشپاسىن.

ww.masa.kz ينتەرنەت سايتى