سوڭعى بىرەر جىلدىڭ ىشىندە سۋ بەتىنە قالقىپ شىققان قابىقتاي بولىپ قوعامنىڭ نازارىنا ەرەكشە شالىنىپ، ەكى ادامنىڭ باسى قوسىلسا، باس تاقىرىپقا اينالعان ءدىني ماسەلە اقىرى اقتوبەدەگى ۇقك-ءنىڭ بولىمشەسىندەگى جانكەشتىنىڭ جاساعان جارىلىسىنا دەيىن شارىقتادى. بيلىك شىرت ۇيقىسىنان ويانعانداي «نە بوپ قالدى، نە بوپ قالدى؟»، دەپ جان-جاعىنا الاقتاي قاراپ، كوزى الاقانداي بولدى. ءاسىلى، بيلىكتىڭ كىناسى جوق. ول قازاقتىڭ بيلىگى بولسا، ونىڭ جايباسارلىعىن تۇسىنۋگە بولادى. ءسويتىپ، اپتا اياقتالىپ، جۇرت جۇمىسىنا قايتىپ كەلمەستەي بولىپ دەمالىسقا شىققاندا مادەنيەت مينيسترىلىگىنە قاراستى ءدىني ىستەر جونىندەگى كوميتەتتىڭ قۇزىرىن كەڭەيتىپ، ءدىني ىستەر اگەنتتىگىن قۇرۋ تۋرالى پرەزيدەنتتىڭ جارلىعى شىقتى.

پرەزيدەنتتىڭ جارلىعىندا ايتىلعانداي، سۋ جاڭا اگەنتتىك ەلدەگى دىنارالىق تاتۋلىق، ازاماتتاردىڭ ءدىني قۇقىعىن جانە ءدىني بىرلەستىكتەر اراسىنداعى بايلانىس ماسەلەلەر مەن جاعدايعا جاۋاپتى بولماق.

سوڭعى بىرەر جىلدىڭ ىشىندە سۋ بەتىنە قالقىپ شىققان قابىقتاي بولىپ قوعامنىڭ نازارىنا ەرەكشە شالىنىپ، ەكى ادامنىڭ باسى قوسىلسا، باس تاقىرىپقا اينالعان ءدىني ماسەلە اقىرى اقتوبەدەگى ۇقك-ءنىڭ بولىمشەسىندەگى جانكەشتىنىڭ جاساعان جارىلىسىنا دەيىن شارىقتادى. بيلىك شىرت ۇيقىسىنان ويانعانداي «نە بوپ قالدى، نە بوپ قالدى؟»، دەپ جان-جاعىنا الاقتاي قاراپ، كوزى الاقانداي بولدى. ءاسىلى، بيلىكتىڭ كىناسى جوق. ول قازاقتىڭ بيلىگى بولسا، ونىڭ جايباسارلىعىن تۇسىنۋگە بولادى. ءسويتىپ، اپتا اياقتالىپ، جۇرت جۇمىسىنا قايتىپ كەلمەستەي بولىپ دەمالىسقا شىققاندا مادەنيەت مينيسترىلىگىنە قاراستى ءدىني ىستەر جونىندەگى كوميتەتتىڭ قۇزىرىن كەڭەيتىپ، ءدىني ىستەر اگەنتتىگىن قۇرۋ تۋرالى پرەزيدەنتتىڭ جارلىعى شىقتى.

پرەزيدەنتتىڭ جارلىعىندا ايتىلعانداي، سۋ جاڭا اگەنتتىك ەلدەگى دىنارالىق تاتۋلىق، ازاماتتاردىڭ ءدىني قۇقىعىن جانە ءدىني بىرلەستىكتەر اراسىنداعى بايلانىس ماسەلەلەر مەن جاعدايعا جاۋاپتى بولماق.

ارينە، كوميتەتتى اگەنتتىككە اينالدىرۋ تىم كەش پە، يا دەر كەزىندە جاسالدى ما، ونى ۋاقىت كورسەتەدى. الايدا، رەسمي بيلىكتى مۇنداي شەشىمگە اقتاۋداعى تۇرمەدەن قاشقانداردان باستاپ، اقتوبەدەگى جارىلىسقا دەيىنگى ارالىقتاعى شيەلەنىسكە تولى ءدىني اعىمداردىڭ قاۋىپتى ءىس-ارەكەتى يتەرمەلەگەنى تۇسىنىكتى. دەگەنمەن، قازاقستان مۇسىلماندارى ءدىني باسقارماسى قوعامدىق ۇيىم بولسا دا، بيلىكتىڭ ىمىمەن جۇرەتىنىن ەسكەرسەك، ءمۇفياتتىڭ ۋاحاب جانە ءسالافي اعىمدارىن تەرىسكە شىعارعان ءپاتۋاسى مەن حيدجابقا بايلانىستى ۇلتتىق ۇلگىدەگى قىز-كەلىنشەكتەرگە ارنالعان كيىمدەرگە بايقاۋ جاريالاۋىنىڭ ءوزى بيلىكتىڭ ءدىني ماسەلەگە شىنداپ كىرىسە باستاعانىن بايقاتسا كەرەك. بۇعان «حابار» ارناسىنان بەرىلگەن «اقيقات» ءفيلمىنىن قوسىڭىز. البەتتە، الىپ-قاشتى اڭگىمە كوپ. بىراق سوڭعى نۇكتەنى تاڭبالانعان رەسمي قاعازدار شەشەتىنى ءمالىم.

«جاماندىق - جاقسىلىقتىڭ جەمىسى» دەگەن ءسوزدى ءبارى بىلەدى. مۇنىمەن ايتپاعىمىز، ءبىزدىڭ ەلدە ەرەجە مەن نۇسقاۋدىڭ جولىنان قيا باسپايتىن قۇزىرەتتى ورىندار جەتەرلىك دەسە، اششى جىميىس تۋدىرار ەدى. مىسالى، جۇرت بۇرىن قارجى پوليتسياسى دەگەن مەكەمەگە «ە،ە،ە» دەپ قارايتىن. قازىرگى كوزقاراس كۇرت وزگەرگەن. ەندىگى جەردە ءدىني ىستەر اگەنتتىگى دەگەندە بەسىكتەگى جىلاعان بالا ۋانسا، مەملەكەت بولاشاعى جولىنداعى ۋايىم ازدا بولسا، ازايار ەدى.

اگەنتتىككە اقجول!

«اباي-اقپارات»