قازىرگى تاڭدا ەلىمىزدە ساياسي ساحناداعى ايەل ادامداردىڭ ۇلەسى ارتىپ كەلەدى. بۇل - ەلباسى قازاقستاننىڭ تۇڭعىش پرەزيدەنتى نۇرسۇلتان ءابىشۇلى نازارباەۆتىڭ “قازاقستان رەسپۋبليكاسىنداعى 2030 جىلعا دەيىنگى وتباسى جانە گەندەرلىك ساياسات تۇجىرىمداماسىنىڭ” ءساتتى جۇزەگە اسىپ جاتقانىنىڭ ايقىن كورىنىسى دەۋگە بولادى.

اتالعان تۇجىرىمداما نەگىزىندە ساياساتتاعى ايەلدەردىڭ ۇلەسى ارتىپ كەلەدى. ماسەلەن، ەلىمىزدەگى ەڭ ىرگەلى پارتيا نۇروتاننىڭنىڭ قۇرامىنداعى 56 % ءىن ايەل ادامدار قۇرايدى. سونىمەن قاتار، ءماجىلىس پەن سەناتتاعى نازىك جاندىلاردىڭ دا سانى ارتقان. ماسەلەن، قازاقستان رەسپۋبليكاسى ءماجىلىسىنىڭ توراعاسى نۇرلان زايروللاۇلى نىعماتۋليننىڭ ورىنباسارى – بىرنەشە جىلدان بەرى ساياسات ساحناسىندا جۇرگەن يسيمباەۆا گۇلميرا يستايبەكقىزى.

ول بيىل 62 جاسقا تولىپ وتىر. نەگىزى ماماندىعى بويىنشا ورىس ءتىلى مەن ادەبيەتى ءپانىنىڭ مۇعالىمى. اتالعان ماماندىق بويىنشا جامبىل پەدوگوگيكالىق  ينستيتۋىن فيلولوگيا ماماندىعى بويىنشا بىتىرگەن. كەيىن زاڭگەر-قۇقىقتانۋ ماماندىعى بويىنشا قازىرگى ءال-فارابي اتىنداعى قازاق ۇلتتىق ۋنيۆەرسيتەتىنىڭ  زاڭ فاكۋلتەتىن بىتىرگەن. ياعني، پەدوگوگيكالىق جانە زاڭگەرلىك ءبىلىمى بار.

ول العاشقى ەڭبەك جولىن مۇعالىم، ورتا مەكتەپ ديرەكتورنىڭى ورىنباسارى بولىپ باستاعان. العاش رەت 1990 جىلعى ءساۋىر مەن 1993 جىلعى  جەلتوقسان ارالىعىندا – ون ەكىنشى سايلانىمداعى قازاق كسر جوعارعى كەڭەسىنىڭ دەپۋتاتى بولىپ سايلانعان. ودان كەيىن قازاقسان رەسپۋبليكاسىنداعى ون ەكىنشى سايلانىمداعى جوعارعى كەڭەسىنىڭ عىلىمدى جانە حالىقتىڭ  ءبىلىم الۋىن دامىتۋ ماسەلەلەرى جونىندەگى كوميتەتتىڭ حاتشىسى، كەيىننەن كوميتەت توراعاسىنىڭ ورىنباسارى قىزمەتتەرىن اتقارعان. 1993 جىلعى جەلتوقسان ايىنان 2007 جىلدىڭ تامىز ارالىعىندا الماتى قالاسى ءبىلىم دەپارتامەنتىنىڭ ديرەكتورى قىزمەتىن اتقارعان. 2007 جىلعى تامىز  - 2011 جىلعى قاراشا اارالىعىندا ءتورتىنشى سايلانىمداعى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى بولىپ تاعايىندالدى. ودان سوڭ قازاقستان رەسپۋبليكاسى پارلامەنتى ءماجىلىسىنىڭ الەۋمەتتىك-مادەني دامۋ كوميتەتىنىڭ مۇشەسى بولدى. ال، 2012 جىلدىڭ قاڭتارى مەن 2016 جىلدىڭ قاڭتار ايى ارالىعىندا ءتورتىنشى سايلانىمداعى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، قازاقستان رەسپۋبليكاسى پارلامەنتى ءماجىلىسىنىڭ الەۋمەتتىك-مادەني دامۋ كوميتەتىنىڭ مۇشەسى بولدى.

ال، 2016 جىلدىڭ 24 ناۋرىزىنان باستاپ التىنشى سايلانىمداعى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، ءماجىلىس توراعاسىنىڭ ورىنباسارى بولدى. سونىمەن قاتار، گۇلميرا يستايبەكقىزى ەلىمىزدەگى ەڭ ىرگەلى پارتيا نۇروتان پارتياسىنىڭ ماجىلىستەگى فراكتسياسىنىڭ جەتەكشىسى بولدى. كەيىننەن نۇروتان پارتياسىنىڭ مۇشەسى بولدى. دەپۋتاتتىققا پارتيالىق ءتىزىم بويىنشا سايلانعان.

سونىمەن قاتار گۇلميرا يسيمباەۆا 12 جىلدىق ءبىلىم بەرۋ مەملەكەتتىك  باعدارلاماسى بويىنشا 1-سىنىپقا ارنالعان “بۋكۆار” وقۋلىعىنىڭ اۆتورى. ودان بولەك، “پاراسات”، “قۇرمەت” وردەنىمەن ماراپاتتالعان. ەرەن ەڭبەگى ءۇشىن مەدالىمەن ناگرادتالعان. جانە، توسبەلگىگە ۇسىنىلا وتىرىپ قازاقستان رەسپۋبليكاسى پرەزيدەنتىنىڭ العىس حاتىمەن ماراپاتتالعان. ىبىراي التىنسارين توسبەلگىسىمەن، “م.ۆ.لومونوسوۆ اتىنداعى سىيلىقتىڭ لاۋرەاتى” مەدالىمەن، ا.س.پۋشكين مەدالىمەن، بىرنەشە گراموتالارمەن سونداي-اق الماتى قالاسى اكىمىنىڭ العىس حاتىمەن ماراپاتتالعان. بۇگىندە گۇلميرا يسيمباەۆا وتباسىندا ۇل تاربيەلەپ وتىرعان انا.

سونىمەن قاتار، ءماجىلىس بيۋروسىندا دا گۇلميرا يستايبەكقىزىنان بولەك قاراقۇسوۆا گۇلجان جانپەيىسقىزى بار.  ول بۇگىندە ءماجىلىستىڭ قارجى جانە بيۋدجەت كوميتەتىنىڭ ءتورايىمى.

گۇلجان جانپەيىسقىزى قازىرگى ءال-فارابي اتىنداعى قازاق ۇلتتىق ۋنيۆەرسيتەتىنىڭ ساياسي ەكونوميكا فاكۋلتەتىن بىتىرگەن. ول ەكونوميكا عىلىمدارىنىڭ دوكتورى. پروفەسسور. 1972 – 1994 جىلدارى – قازاق مەملەكەتتىك ۋنيۆەرسيتەتى ساياسي ەكونوميكا كافەدراسىنىڭ اسسيستەنتى، اعا وقىتۋشىسى، دوتسەنتى. 1994 – 1995 جىلدارى – قازاقستان رەسپۋبليكاسى پرەزيدەنتىنىڭ كومەكشىسى – ەكونوميكالىق كونسۋلتانتتار كەڭەسىنىڭ جەتەكشىسى. 1995 – 1996 جىلدارى – باعالى قاعازدار بويىنشا قازاقستان رەسپۋبليكاسى ۇلتتىق كوميسسياسىنىڭ ءتورايىمى. 1997 جىلى – ەكونوميكا جانە قۇقىق ۋنيۆەرسيتەتىنىڭ كافەدرا مەڭگەرۋشىسى، پروۆەسسور. 1997 – 2001 جىلدارى – قازاقستان رەسپۋبليكاسى پارلامەنتى سەناتىنىڭ دەپۋتاتى، ەكونوميكا، قارجى جانە بيۋدجەت كوميتەتىنىڭ ءتورايىمى. 2001 – 2007 جىلدارى – قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى. 2007 – 2011 جىلدارى – "نۇر وتان" حالىقتىق-دەموكراتيالىق پارتياسىنىڭ ءتىزىمى بويىنشا سايلانعان قازاقستان رەسپۋبليكاسى پارلامەنتى ءماجىلىسىنىڭ ءتورتىنشى شاقىرىلىمىنىڭ دەپۋتاتى. قارجى جانە بيۋدجەت كوميتەتىنىڭ ءتورايىمى. 2012 جىلعى 20 قاڭتاردان –"نۇر وتان" حالىقتىق-دەموكراتيالىق پارتياسىنىڭ ءتىزىمى بويىنشا سايلانعان قازاقستان رەسپۋبليكاسى پارلامەنتى ءماجىلىسىنىڭ بەسىنشى شاقىرىلىمىنىڭ دەپۋتاتى. قارجى جانە بيۋدجەت كوميتەتىنىڭ ءتورايىمى. 2016 جىلعى ناۋرىزدان باستاپ - "نۇر وتان" پارتياسىنىڭ ءتىزىمى بويىنشا سايلانعان قازاقستان رەسپۋبليكاسى پارلامەنتى ءماجىلىسىنىڭ التىنشى شاقىرىلىمىنىڭ دەپۋتاتى.قارجى جانە بيۋدجەت كوميتەتىنىڭ ءتورايىمى. «پاراسات»، «دوستاستىق»، II دارەجەلى «بارىس» وردەندەرىمەن جانە «استانا»، «قازاقستان رەسپۋبليكاسىنىڭ تاۋەلسىزدىگىنە 10 جىل»، «قازاقستان كونستيتۋتسياسىنا 10 جىل»، «استاناعا 10 جىل»، «قازاقستان رەسپۋبليكاسىنىڭ تاۋەلسىزدىگىنە 20 جىل» مەدالدارىمەن ماراپاتتالعان. اعىلشىن ءتىلىن مەڭگەرگەن.

بۇگىندە گۇلجان قاراقۇسوۆا ەكى ۇل، ءبىر قىزدىڭ اناسى جانە سەگىز نەمەرەنىڭ اجەسى.
اتالعان كىسىلەردەن بولەك بۇگىندە ءماجىلىستتىڭ VI – سايلانىمىندا ايسينا مايرا اراپقىزى – ەكونميكالىق رەفورما جانە وڭىرلىك دامۋ كوميتەتىنە جاۋاپتى بولىپ وتىر.

امانجولوۆا زاۋرەش جۇمانالىقىزى   - الەۋمەتتىك-مادەني دامۋ كوميتەتىنە، ارونوۆا يرينا پەتروۆنا – حالىقارالىق ىستەر، قورعانىس جانە قاۋىپسىزدىك كوميتەتىنە، ابدىحالىقوۆا گۇلشارا ناۋشاقىزى  - الەۋمەتتىك دامۋ كوميتەتىنە جاۋاپتى.

Abai.kz