بۇگىندە رەسپۋبليكا نارىعىنىڭ باسىم بولىگىن باتىستىڭ برەندتەرى، اتى شۋلى كومپانيالار مەن فيرمالاردىڭ ونىمدەرى قامتيدى. شاعىن شاھارىمىزدىڭ ساۋدا-ساتتىق سالاسىندا دا وزگە ەلدىڭ تاۋارلارى كوپ. دەسەك تە، تاياۋدا ءبىر جاعىمدى جاڭالىق قۇلاعىمىزعا شالىندى. ارقالىقتا «اينا» ساۋدا ءۇيىنىڭ ەكىنشى قاباتىندا ۇلتتىق كيىم-كەشەك، ويىنشىقتار، بۇيىمدار، تۇرمىستىق زاتتار جانە تاعى باسقا «ءتول تاۋارلارىمىزدى» ساتاتىن دۇكەن اشىلدى.

ۇلتتىق بولمىسىمىزعا ءتان زاتتار قالامىزدا بۇرىن بىرەن-ساراڭ كەزدەسسە دە، بۇگىنگىدەي ارنايى ۇلتتىق سيپاتتا اشىلعان دۇكەن بولماپ ەدى. قازاقشا دۇكەن اشۋ يگى باستاما ەكەنى ءسوزسىز. بىراق، ونداعى تاۋارلار «اسسورتيمەنتى» قانداي؟ ماسەلە وسىندا عوي.

بۇگىندە رەسپۋبليكا نارىعىنىڭ باسىم بولىگىن باتىستىڭ برەندتەرى، اتى شۋلى كومپانيالار مەن فيرمالاردىڭ ونىمدەرى قامتيدى. شاعىن شاھارىمىزدىڭ ساۋدا-ساتتىق سالاسىندا دا وزگە ەلدىڭ تاۋارلارى كوپ. دەسەك تە، تاياۋدا ءبىر جاعىمدى جاڭالىق قۇلاعىمىزعا شالىندى. ارقالىقتا «اينا» ساۋدا ءۇيىنىڭ ەكىنشى قاباتىندا ۇلتتىق كيىم-كەشەك، ويىنشىقتار، بۇيىمدار، تۇرمىستىق زاتتار جانە تاعى باسقا «ءتول تاۋارلارىمىزدى» ساتاتىن دۇكەن اشىلدى.

ۇلتتىق بولمىسىمىزعا ءتان زاتتار قالامىزدا بۇرىن بىرەن-ساراڭ كەزدەسسە دە، بۇگىنگىدەي ارنايى ۇلتتىق سيپاتتا اشىلعان دۇكەن بولماپ ەدى. قازاقشا دۇكەن اشۋ يگى باستاما ەكەنى ءسوزسىز. بىراق، ونداعى تاۋارلار «اسسورتيمەنتى» قانداي؟ ماسەلە وسىندا عوي.

كۇنى كەشە ەسىگىن ايقارا اشقان دۇكەن بۇگىندە تۇتىنۋشىلار سۇرانىسىن قاناعاتتاندىرۋعا دايار. ونداعى زاتتاردىڭ قايسىسىن الساڭ دا - كۇندەلىكتى تۇرمىستا ءجيى پايدالانىلاتىن دۇنيەلەر. وتباسىنىڭ ۇلتتىق تاربيە الۋىنا مۇددەلى جانداردى مۇندا كوپ نارسە قىزىقتىراتىنى انىق. مىسالى، ويىنشىقتار. بالالارعا ارنالعان اسەم قۋىرشاقتار، ۇلت اسپاپتارىنىڭ شاعىن نۇسقالارى، كولەمى الاقانداي كيىز ۇيلەر، تاعى باسقا شەبەر اسپەتتەلگەن ويىنشىقتار كوزدىڭ جاۋىن الادى. ۇلت اسپاپتارى دەمەكشى، دومبىرالاردىڭ دا بىرنەشە ءتۇرى ءىلۋلى. ەرەكشە كوزگە تۇسكەنى - دومبىرانىڭ بەتقاقپاعى مەن پەرنەلەرى ۇلتتىق نىشاندارىمەن ارلەنىپ، ويۋ-ورنەكپەن كوركەمدەلگەن. كولەمى بويىنشا دا وزگەشەلەنەدى - ءبىرى سۋۆەنير سياقتى جاسالسا، ەندى ءبىرى كادىمگى دومبىرا.

ماتالى بۇيىمدار دا از ەمەس. ورامال، كورپە، توقىما بۇيىمدار - ءبارى دە ويۋمەن ورنەكتەلگەن. «جاقسى ءسوز - جارىم ىرىس» دەمەكشى، دۇكەندەگى ءۇيتۇمارلاردا نەبىر جاقسى تىلەكتەرگە تولى.

ساتۋشىلاردىڭ ايتۋىنشا، «وتەتىن تاۋار» ساناتىندا - تويعا ارنالعان زاتتار كوپ. قازاقى ۇيلەر، ساۋكەلەلى قۋىرشاقتار، كيىزدەن تىگىلگەن تۇيەبەينەلى قورجىندار تويباستارعا لايىقتالعان، ياعني «قۇپيا قالتاسى» بار بۇيىمداردا جەتەرلىك.

دۇكەندەگى تاعى ءبىر جاڭالىق، ەسكەرۋگە تۇرارلىق. ول -  كۇندەلىكتى كيىپ جۇرگەن «فۋتبولكالارىمىزدىڭ» قازاقىلانىپ ساتىلۋى. جازعى كيىمنىڭ الدى-ارتىنا ۇلتتىق ويۋلار، ەل نىشاندارى باسىلعان. «قازاقشا» فۋتبولكالاردى تاماشالاپ ءجۇرىپ، دۇكەن يەسىنىڭ پىكىرىن بىلۋگە اسىقتىق:

- قازىرگى تاڭدا جاستاردىڭ كوبىسى باتىس مادەنيەتىنىڭ ۇلگىسىندە كيىنۋدى ءجون سانايدى. قازاق ەكەنىمىزدى ايقىندايتىن ۇلتتىق قۇندىلىقتارىمىزدى «ەسكىشە» دارىپتەۋ - ياعني جاستاردى ماجبۇرلەپ قازاقشا سويلەتۋ، ۇلتىن ۇمىتا باستاعان ۇرپاقتىڭ نامىسىن قامشىلاي بەرۋ وڭ ناتيجە بەرمەيدى. مۇندا باسقا جولدى ىزدەستىرگەن ابزال. مىسالى - قازاقشا كيىمدى سانگە اينالدىرۋ. ەلىكتەگىش جاستاردىڭ ءبىر-ەكەۋى قازاقشا ويۋى بار كيىمدەرمەن كوزگە تۇسسە، بۇل ءۇردىس «موداعا» اينالىپ كەتۋى مۇمكىن ەمەس پە؟ - دەپ تۇيىندەيدى ويىن.

شىنىمەن دە، سوڭعى جىلدارى قىستىق باس كيىم - مالاقاي مەن بورىكتەر «مودادان» شىقپاي كەلەدى. اسەمدىگىمەن اسەرلى، پانالىعىمەن پايدالى قازاقتىڭ ۇلتتىق كيىمدەرىن دارىپتەپ جۇرگەن وسىنداي ازاماتتاردىڭ ءىسى وڭعا باسسا، ۇلتشىل ۇرپاق كوبەيەر ەدى دەپ ۇمىتتەنەمىز.

http://www.masa.kz/article/view/id/2059