Beysenbi, 14 Qaraşa 2019
Bilik 916 2 pikir 4 Qaraşa, 2019 sağat 11:48

Memleket basşısı Elordadağı №23 orta mektepke bardı

Mektepti aralau barısında Nwr-Swltan qalasınıñ äkimi Altay Kölginov Prezidentke astananı damıtu jönindegi keñeste berilgen tapsırmalardıñ orındaluı turalı bayandadı. Onıñ aytuınşa, biıl 5 mıñ orındıq 6 jaña mektep, al 2020 jılı 10 mıñ orındıq 12 mektep paydalanuğa beriledi.

Memleket basşısına Elorda halqınıñ 25 payızı twratın qala aumağındağı 16 twrğın üy alabın damıtu jönindegi tapsırmalarınıñ jüzege asırılu jayında da mälimet berildi. Sonday-aq Altay Kölginov qazirgi uaqıtta qalada üş auısımdı 8 mektep barın, osı mäseleni şeşu üşin jıl sayın 12 mektep salu qajettigin ayttı.

Sonımen qatar äkim Prezidenttiñ tapsırması boyınşa bwqaralıq sporttı damıtu maqsatında 4 jaña sport nısanınıñ qwrılısı bastalğanın habarladı.

Memleket basşısı №23 mekteptiñ materialdıq-tehnikalıq bazasımen tanısıp, oqu kabinetterin araladı, oquşılarmen jäne mwğalimdermen äñgimelesti. Mwğalimder Prezidentke mekteptiñ qajettilikteri turalı ayttı.

Qasım-Jomart Toqaev mekteptiñ tüytkildi mäselelerimen tanıs ekenin, atalğan audanda qısqa merzim işinde jaña mektep salu jöninde tapsırma bergenin atap ötti.

– Bwl – iske asatın jospar. Sizderge aldağı uaqıtta jaña mektepte jwmıs isteuge mümkindik boladı, – dedi Memleket basşısı.

Abai.kz

2 pikir