Jeksenbi, 8 Jeltoqsan 2019
46 - söz 1316 8 pikir 11 Qaraşa, 2019 sağat 11:31

Ruhani sorlıdan opa kütpe

Juırda özim qattı sıylaytın azamattardıñ birimen kezdesip qaldım. Wnjırğası tüsiñki eken.

«İstep jürgen täp-täuir qızmetimnen ketuge mäjbür boldım. «Qızmet – qoldıñ kiri» ğoy. Qabırğama qattı batqanı: meni qudalağan adam – bir kezde jwmıstı birge bastağan, özime jaqsı tanıs kisi. Ol o bastan dünieqoñız äri mansapqor jan edi. Aqırı talay «mürdeni attap ötip», degenine jetti – ülken bastıq boldı. Sol-aq eken, adam senbeytin sıltau tauıp, meni birden jwmıstan qudı. Neden jazıqtı bolğanımdı bilmeymin...» -dedi ol mwñayıp.

Ömirde osınday jayttar bolıp twratındığına meniñ de közim jetken. Tirşiliktiñ bastı mwratı – dünie-baylıq dep tüsinip, adamgerşilik, ar-wyat, ädep, obal siyaqtı ruhani qwndılıqtardan jwrday bolğan aramzalardıñ kisilik kelbeti jarqın, parasatı biik, el-jwrtqa sıylı, adal da qarapayım jandardı wnatpaytın jaman ädetteri bar. Öytkeni, onday adamdar eñkeygenge ğana eñkeyip, al şalqayğanğa şalqayıp jüredi ğoy.

Baylıq pen mansap üşin bärin satuğa dayar twratın, özimşil, künşil, qatıgez, kekşil, bir sözben aytqanda, ruhani sorlı jandardan eşqanday opa kütpey, aulaq jüruge tırısqan jön...

Käribay Mwsırmannıñ facebook paraqşasınan

Abai.kz

8 pikir