Jeksenbi, 8 Jeltoqsan 2019
46 - söz 1496 8 pikir 13 Qaraşa, 2019 sağat 12:03

Bizdiñ elimiz kedey emes. Biraq...

Biılğı köktemde «Qazaqstan» wlttıq telearnasındağı «Şañıraq» habarına qatıstım. Köpbalalı otbasılardıñ jağdayı jaylı äñgime qozğaldı.

Astanağa auıldan köşip kelgen bir otbasınıñ ökili – jeti bala ösirip otırğan ardaqtı anadan telejürgizuşi: «Balalarıñız üşin memleketten ayına qanşa järdemaqı alasız?» - dep swradı. Ol: «170 mıñ teñgedey,»- dedi. Odan keyingi swhbat bılay örbidi:
- Bwl soma otbasıñız üşin jetkilikti me?
- Azdau ğoy...
- Jwbayıñız jwmıs isteydi me?
- Joq... Ol auırıñqıraydı...
- Mügedek pe?
- Joq...

Meniñ esime astanada twratın bir tanısımnıñ üy saluına kömektesip jürgen, şet elden kelgen azamat tüsti. «Bizde bir ay boyı tañ atqannan keşke deyin tınım almay jwmıs istep jürgende tabatınıñ – 100 dollarday ğana. Qazaqstanğa kelip, jwmısqa jaldanıp jürgenimiz sondıqtan. Mwnda keminde 300-400 dollar tabıs tabamın. Elimde qalğan bala-şağama ay sayın 200-300 dollar aqşa jiberip twramın,»-degen edi ol.

Allağa şükir, bizdiñ elimiz kedey emes. Biraq, memleket öz mümkindiginşe berip otırğan järdemaqını azsınatın bolsaq, onda jalqau ağayındarımızdıñ «eki qolına bir kürek berip», jwmıs istetudiñ jolın qarastırğanımız jön emes pe? Osını oylap, ataulı äleumettik kömek körsetudiñ jaña tetigin wsınıp otırğan Ükimet wsınısın qoldau kerek dep bilemin. Atap aytqanda, eger Ükimet kelesi jıldan bastap memleketten järdemaqı swrap otırğan otbasıdağı eñbekke qabiletti azamat özine wsınılğan jwmıstan bas tartatın bolsa, onda sol otbasığa ataulı äleumettik kömek körsetuden altı ayğa deyin bas tartudı wsınıp otır. Biz osınday jaña norma engizilgen zañ jobasın Parlament Mäjilisiniñ bügingi jalpı otırısında maqwldap, Senattıñ bekituine jiberdik.

Bwl «jalqaulıq, şirkin, jaqsı eken, jatıp işer as bolsa» dep, bwrau basın sındıruğa erinetin ağayındarımızdıñ boyındağı masıldıq dertine em bolatın şığar...

Käribay Mwsırmannıñ facebook paraqşasınan

Abai.kz

8 pikir