Qazaqstanda ýshinshi adamnan koronavirus anyqtaldy. Búl turaly QR Densaulyq saqtau ministri Eljan Birtanov mәlimdedi.

"12 nauryz kýni Milannan úshyp kelgen pasiyentting synamasynan da koronavirus belgileri anyqtaldy", - dedi ministr.

Ministr Eljan Birtanovtyng aqparatyna sensek, koronavirus belgisi anyqtalghan ýshinshi adam 12 nauryz kýni Milannan Núr-Súltangha úshyp kelgen. Áyel adam. Qazir Núr-Súltanda.

Búghan deyin býgin eki qazaqstandyqtan koronavirus anyqtalghany belgili bolghan.

"Úzaq tekseruden keyin eki qazaqstandyq azamattan koronavirus tabyldy. Olar – Germaniyadan kelgen Almaty qalasynyng túrghyndary. Bas sanitarlyq dәrigerding qaulysymen, olar karantindik stasionargha jabyldy. Barlyq sharalar búrynghy bekitilgen algoritm boyynsha engizilip jatyr. Qazirgi kýnde pasiyentterding jaghdayy jaqsy", - degen ministr.

Virus júqtyrghan azamattar turaly aqparat jariyalanbaytynan aitqan.

"Bizding zandyq talaptargha baylanysty azamattardyng jeke mәlimetterin jariyalay almaymyn. Olar - er men әiel. Biri Germaniyadan (ol eldi birinshi kategoriyagha qosqangha deyin) 9 nauryz kýni keldi. Sol bortpen birge kelgen 73 adamdy endi karantinge jauyp, tekseremiz. Qayda ekenderin bilemiz. Ekinshi azamat 12 nauryz kýni úshyp keldi. Ol borttaghy 85 adamnyng bәri karantinge birden jabylghan", - dedi Birtanov.

Eske salayyq, múnyng aldynda bas sanitar dәriger Jandarbek Bekshin Qazaqstangha 11-16 nauryz aralyghynda  keletinin aitqan bolatyn.

Abai.kz