قازاقستاندا ءۇشىنشى ادامنان كوروناۆيرۋس انىقتالدى. بۇل تۋرالى قر دەنساۋلىق ساقتاۋ ءمينيسترى ەلجان ءبىرتانوۆ مالىمدەدى.

"12 ناۋرىز كۇنى ميلاننان ۇشىپ كەلگەن پاتسيەنتتىڭ سىناماسىنان دا كوروناۆيرۋس بەلگىلەرى انىقتالدى", - دەدى مينيستر.

مينيستر ەلجان ءبىرتانوۆتىڭ اقپاراتىنا سەنسەك، كوروناۆيرۋس بەلگىسى انىقتالعان ءۇشىنشى ادام 12 ناۋرىز كۇنى ميلاننان نۇر-سۇلتانعا ۇشىپ كەلگەن. ايەل ادام. قازىر نۇر-سۇلتاندا.

بۇعان دەيىن بۇگىن ەكى قازاقستاندىقتان كوروناۆيرۋس انىقتالعانى بەلگىلى بولعان.

"ۇزاق تەكسەرۋدەن كەيىن ەكى قازاقستاندىق ازاماتتان كوروناۆيرۋس تابىلدى. ولار – گەرمانيادان كەلگەن الماتى قالاسىنىڭ تۇرعىندارى. باس سانيتارلىق دارىگەردىڭ قاۋلىسىمەن، ولار كارانتيندىك ستاتسيونارعا جابىلدى. بارلىق شارالار بۇرىنعى بەكىتىلگەن الگوريتم بويىنشا ەنگىزىلىپ جاتىر. قازىرگى كۇندە پاتسيەنتتەردىڭ جاعدايى جاقسى", - دەگەن مينيستر.

ۆيرۋس جۇقتىرعان ازاماتتار تۋرالى اقپارات جاريالانبايتىنان ايتقان.

ء"بىزدىڭ زاڭدىق تالاپتارعا بايلانىستى ازاماتتاردىڭ جەكە مالىمەتتەرىن جاريالاي المايمىن. ولار - ەر مەن ايەل. ءبىرى گەرمانيادان (ول ەلدى ءبىرىنشى كاتەگورياعا قوسقانعا دەيىن) 9 ناۋرىز كۇنى كەلدى. سول بورتپەن بىرگە كەلگەن 73 ادامدى ەندى كارانتينگە جاۋىپ، تەكسەرەمىز. قايدا ەكەندەرىن بىلەمىز. ەكىنشى ازامات 12 ناۋرىز كۇنى ۇشىپ كەلدى. ول بورتتاعى 85 ادامنىڭ ءبارى كارانتينگە بىردەن جابىلعان", - دەدى ءبىرتانوۆ.

ەسكە سالايىق، مۇنىڭ الدىندا باس سانيتار دارىگەر جانداربەك بەكشين قازاقستانعا 11-16 ناۋرىز ارالىعىندا  كەلەتىنىن ايتقان بولاتىن.

Abai.kz