Särsenbi, 3 Mausım 2020
COVID-19 QAZAQSTANDA. Jwqtırğandar — 11796. Jazılğandar — 5996. Qaytıs bolğandar — 44
Äne, kördiñ be? 1299 3 pikir 1 Säuir, 2020 sağat 15:10

Ala qoydı böle qırqu kimge kerek?

QR Prezidenti Q.Toqaevtıñ Tötenşe jağday kezeñin qamtamasız etu jönindegi Memlekettik komissiyasına koronaviruspen küres jürgizip jatqan medicina qızmetkerleriniñ jalaqısına üsteme aqı töleu turalı bergen tapsırmasın estigende quanıp qalğanbız. Sebebi, bizdiñ bärimiz üyde tığılıp otırğanda atı jaman indetpen alğı şepte alısıp jatqan solar bolğandıqtan, eñbekteri eskerilse deysiñ ğoy.

Sol maqsatpen, bwğan deyin I.Jekenova atındağı Almatı qalalıq jwqpalı aurular auruhanası qızmetkerleriniñ «Otırar» qonaqüyine ornalasqanımen, olardıñ tamaqpen, arnayı kölikpen qamtılmağanı jabıla kötergenniñ arqasında ğana ondağı 60 astam qızmetker üş mezgil tamaqpen jäne avtobuspen qamtılğan bolatın.

Endi bügin tağı şu şığıp otır. Atalğan auruhananıñ aurularmen tikeley jwmıs jasap, test alatın laborotoriyası men virustarmen tikeley jwmıs jasaytın bakteriyalıq laborotoriyasınıñ qızmetkerleri memlekettik komissiya bekitken üstemaqıdan qağılıp otır eken! Tipti, qalanı karantinge japqanğa deyin, aurulardıñ bärin qala sırtındağı tuberkulez dispanserleri sekildi oqşaulau ortalıqtarında wstağan kezden bastap, tınbastan öz ayaqtarımen barıp sınama alğan bwl qızmetkerler äli künge deyin tınbastan nauqastarmen jäne viruspen tikeley kontaktide bolıp keledi.

Bwl degeniñiz – nonsens qoy! Sonda, virus jwqtırdı degen küdikpen auruhana äkelinetin ärbir adamnıñ diagnozın anıqtaumen tikeley aynalısatın därigerlerge bermegende, kimge bereyin dep otır, ol üstemaqını?! Älde jwmıstarınıñ qauiptiligin bildiru üşin de bir-eki qızmetker älgi indetti jwqtıruı qajet pe (beti aulaq)? Jalpı osı ala qoydı böle qırqu kimge kerek bolıp otır?

Tipti, qajet bolsa, ärbir qaladağı qazirgi tañda koronaviruspen tikeley küresip jatqan jwqpalı auruhanalardıñ (infekcionnıe bol'nicı) ärbir qızmetkeri bwl ötemaqıdan qwr qalmau kerek dep esepteymin. Sebebi, Alla saqtasın, eger eldegi jağday kürt naşarlasa,  siz ben bizdiñ, jaqındarımızdıñ janımızğa araşa bolatın solar jäne olar elimiz boyınşa sonşalıqtı köp te emes.

Nwraddin Sadıq

Abai.kz

3 pikir