Särsenbi, 27 Mamır 2020
COVID-19 QAZAQSTANDA. Jwqtırğandar — 8969. Jazılğandar — 4613. Qaytıs bolğandar — 37
Bilik 638 0 pikir 3 Säuir, 2020 sağat 10:40

Memleket basşısı Europalıq Keñes prezidentimen telefon arqılı söylesti

Memleket basşısı Qasım-Jomart Toqaev Europalıq Keñes prezidenti Şarl' Mişel'men telefon arqılı söylesti. Taraptar älemdegi koronavirus indetiniñ taraluına qatıstı qazirgi ahualdı jäne onıñ saldarın joyu jönindegi birlesken şaralardı talqıladı.

Şarl' Mişel' elimizde COVID-19 virusınıñ odan äri taraluına jol bermeu üşin Qazaqstan Prezidentiniñ naqtı is-qimıldarı men şeşimderine joğarı bağa berdi. Onıñ aytuınşa Qazaqstan Ortalıq Aziya aymağındağı Europalıq odaqtıñ asa mañızdı seriktesi sanaladı. Osı rette elimizdiñ indetke qarsı küres jönindegi halıqaralıq jäne öñirlik is-şaralarğa atsalısuınıñ mañızı zor ekenin, onıñ Bryussel'de joğarı bağalaytının jetkizdi.

Europalıq Keñestiñ basşısı Qazaqstan Prezidentiniñ şağın jäne orta biznesti qoldau, azamattardı jwmıspen qamtu, memlekettiñ halıq aldındağı äleumettik mindettemelerin orındau maqsatında dağdarısqa qarsı qabıldağan is-şaraların erekşe atap ötti. Qasım-Jomart Toqaev memlekettiñ äleumettik-ekonomikalıq twraqtılığın qamtamasız etu üşin Qazaqstannıñ naqtı şeşimder qabıldaytının ayttı.

Äñgimelesu barısında Memleket basşısı Euroodaq ökiline pandemiyağa qarsı küres boyınşa Reseydiñ, Qıtaydıñ jäne Ortalıq Aziyadağı birqatar elderdiñ basşılarımen telefon arqılı jürgizgen kelissözderdiñ qorıtındıları turalı aqparat berdi.

Sonımen qatar Qazaqstan Prezidenti BWW Bas hatşısı Antoniu Guterriştiñ koronavirusqa qarsı küreske bağıttalğan, onıñ işinde, halıqaralıq qarjılandıru (5 trln. dollar) arqılı älemdegi älsiz memleketterge kömek körsetu jönindegi gumanitarlıq josparın ilgeriletu jayındağı bastamasın qoldaytının ayttı.

Taraptar Qazaqstan men Europalıq odaqqa müşe elder arasındağı qatınastardıñ qazirgi jağdayı men damu perspektivaları, atap aytqanda, Qazaqstan men Europalıq odaq arasındağı Seriktestik pen ıntımaqtastıqtı keñeytu turalı jaña kelisimdi jüzege asıru turalı pikir almastı.

Memleket basşısı atalğan qwjattıñ sayasi dialogtı odan äri nığaytudıñ, Qazaqstan men Europalıq odaq arasındağı özara tiimdi sauda-ekonomikalıq jäne investiciyalıq ıntımaqtastıqtı arttıruğa berik negiz bolatının mälim etti.

Cöz soñında taraptar öñirlik jäne jahandıq kün tärtibindegi birqatar özekti mäselege nazar audardı. Atap aytqanda, Şarl' Mişel' Astana formatı ayasında ötken Siriya kelissözderiniñ prespektivasına qızığuşılıq tanıttı. Qasım-Jomart Toqaev Siriyadağı qaqtığıstı beybit jolmen retteu jönindegi Jeneva procesin jalğastıratın kelissözderdiñ kezekti kezeñin ötkizu üşin Qazaqstannıñ öz alañın wsınuğa dayın ekenin naqtıladı.

Telefon arqılı söylesuge europalıq tarap bastamaşı boldı.

Abai.kz

0 pikir