Düysenbi, 25 Mamır 2020
COVID-19 QAZAQSTANDA. Jwqtırğandar — 8531. Jazılğandar — 4506. Qaytıs bolğandar — 35
451 3 pikir 3 Säuir, 2020 sağat 12:53

Şımkent qalası karantinge jabıladı

4 säuir sağat 21.00-den bastap Şımkent karantinge jabıladı. Bwl turalı qala äkimi Mwrat Äytenov twrğındarğa jasağan mälimdemesinde habarladı. 
⠀ 
Karantin mınanday şekteu şaraların qamtidı:

1. Karantin kezinde Şımkent qalası bas sanitarınıñ qaulısında körsetilgen mekemelerden bölek menşik nısanına qaramastan barlıq mekemelerdiñ jwmısı toqtatıladı. Ol mekemelerdiñ tizimin äkimdiktiñ resmi saytı men äleumettik jelilerde jariyalaymız. Qoğamdıq demalıs orındarı, sonımen qatar sayabaqtar men balalar alañşalarına baruğa bolmaydı.

2. Twrğındar men köliktiñ barlıq türine Şımkent qalasınan şığuğa jäne qalağa kiruine tıyım salınadı. Bwl şekteudiñ Qaulıda körsetilgen belgili azamattar men kölikterge qatısı joq. Olardıñ da tizimi jariyalanadı.

3. Qala aumağında şağın mikroavtobustardıñ qozğalısına tıyım salınıp, olardıñ bağıttarı boyınşa avtobus qozğalısı qoyıladı. Qalaişilik qoğamdıq kölik qozğalısı tañğı 07.00-den 19.00-ge deyin ğana jüzege asadı.

4. Qala aumağındağı zalalsızdandıru şaraları karantin merzimi ayaqtalğanğa deyin küşeytiletin boladı.

5. Azamattardıñ jürip-twruına şekteu qoyıladı. Bwl twrğındardıñ özin-özi oqşaulauı üşin jağday jasauğa bağıttalıp otır. Mwnday şekteuler medicina qızmetkerlerine, qwqıq qorğau organdarınıñ ökilderine, qala tınıs-tirşiligin qamtamasız etuşi kommunaldıq mekeme qızmetkerlerine qoldanılmaydı.

6. Şımkent qalasınıñ aumağındağı tötenşe jağday jäne karantin kezinde 55 jastan asqan twrğındarğa asa bir qajettiliksiz köşege şıqpaudı wsınamız.

7. Karantin kezinde tizim boyınşa jwmısı toqtamağan barlıq mekemeler qızmetkerin jwmıs ornı turalı anıqtamamen qamtamasız etui şart.

8. Azıq-tülik bazarlarınıñ jwmıs uaqıtı 10:00-den 18:00-ge deyin, qadamdıq qaşıqtağı azıq-tülik dükenderiniñ jwmıs uaqıtı 10:00-den 21:00-ge deyin bolıp qaladı.

9. Barlıq qoğamdıq tamaqtanu orındarı jetkizip beru rejimine köşedi.

10. Azamattardıñ qala aumağında jeke köligimen jüruine tıyım salınadı. Bwl talap tizimge kiretin mekeme qızmetkerlerine qoldanılmaydı jäne ol azamattardıñ qolında jwmıs ornı bergen anıqtama boluı kerek.

Abai.kz

3 pikir