Senbi, 6 Mausım 2020
COVID-19 QAZAQSTANDA. Jwqtırğandar — 12312. Jazılğandar — 6903. Qaytıs bolğandar — 52
Qoğam 990 2 pikir 16 Säuir, 2020 sağat 12:11

Qaşan kelersiñ, erkin kün...

Tışqan jılı. Aqpan, naurız ayları, asıqqan uaqıt. Altı qwrlıqqa auız salğan Koronavirus... Mazasız künder men wyqısız tünderde külli jahan jwrtı İndetti tejeu - bir ğana Mindet üşin jankeşti jauapkerşilikpen japalı qızmet jasauda. Qala, sosın dalada kütpegen qarbalastıq. Töñirektiñ tört bwrışı bir türli tınıs-tirşilik. Sanada san saqtıq, köñilde köp küdik. Külli el mwratı Sovid-19 dep aydarlanğan täjtajaldı tezdep jeñu. Bir el - bir maqsat, basqanıñ bäri bekerşilik!...

Qazaqstandıq qara altınnıñ bağası, töl teñgeniñ tağdırı, kök qağazdıñ kümbir küyi bär-bäri de halıqtı eş qızıqtırmaydı. Baspana men jaña älipbidiñ jırı da köñilden köşken. Baytal emes, bas qayğı degen osı şığar, Köp adam üyde, key adam tüzde. Alayda bäri birge. Tek küni jarıq, mwñsız bolsa qara nan men qarasuğa dän razı. 

Karantin merzimi 15 säuirden 1 mamırğa wzartıldı. Tağı da tereze aldındağı oqşau ömir, bir küdik pen bir ümit... Dätke quat, 42 500tg-i aytsañşı?! Sındarlı sättegi Prezidentimizdiñ mälimdemesi üş million momın janğa jwbanış bolğanı jasırın emes. Alıs-jaqındağı barğa qanağat qoñır jwrt bir quanıp-aq qaldı. Aq halattı abzal jandardıñ tağdırına alañdağan Prezident olardı da üş kotegoriyağa bölip, äjeptäuir üstemaqı töleuge tapsırma berdi. Test jüyesin äzirlegen otandıq ğalımdardı qwttıqtadı.

Tar zamanda da eldiktiñ mwratın biik wstağan jomart minezdi Wlttıñ wrpağımız-ğoy, el işin jat indet jaylağanda jwrt jwdırıqtay jwmıldı. Bir qoldıñ salasınday, bir rudıñ balasınday «Biz Birgemiz» ekenimizge köz jetti. Türli sebeptermen özge elderde jürgen sansız qazaqstan azamattarın üzdiksiz evakuaciyaladı, jön-aq! Esesine öñirlerde atı jaman aurudıñ infekciyasın jwqtırğan adam sanı sağat sayın artıp, wlt densaulığı sınğa tüsken sätte Elbası da alañ köñil eliniñ aldına şıqtı, sabır men şıdamdılıqqa şaqırıdı.

Negizinde, jomarttıñ qolın joq baylar, - Qazaqstan memleketine jaraspas! 13,2 mlrd teñgesi bar, Memleket basşısı Qasım-Jomart Toqaevtıñ bastamasımen qolğa alınğan «Biz Birgemiz» akciyasınıñ ayasında Qorı qwrıldı. Halıqtıñ äleumettik älsiz sanatına jatatın mwqtaj jandarğa 50 mıñ teñgeden 150 mıñnan astam azamatqa audarılmaq. Bärekeldi, Meyirim saltanat qwruda. Ziyalı qauım men jastar jağı ol kisiniñ «Birlese bilgen el bärin jeñedi» jazbasın oqıdı, oñaşada oylandı. Jay bwqara bwrınğı köşbasşı Eks-prezidentti eske aldı.

Qalay bolğanda da Därigerlerge mıñ bir alğıs! Bügingi tañda Memleket basşısı Toqaev el işindegi indet jağdayın tikeley öz baqılauına alğan, äri oğan qattı alañdaulı. Prezident ärine halıq jağında. Alayda, bizdiñ bilik qauipti derttiñ aldın aluğa älem elderiniñ eñ alğaşqılarınıñ biri bolıp qamdanğanımen qısqa merzimde 120 däriger infeksiya jwqtırıp aldı. Bügingi küni onıñ sanı 327 arttı! Resmi aqparat közderi jalpı medicina qızmetkerleriniñ auru jwqtıru oqiğaları respublikanıñ 13 öñirinde tirkelip, jaña virusqa şaldıqqan därigerlerdiñ eñ köbi Almatı men Nwr-Swltanda, keyinnen Soltüstik Qazaqstan men Atırau oblıstarında bayqalğanın bayandadı. Qalayşa?

Sayasatker Erlan Sairovtıñ: Büginde, bizdiñ därilerler avtomatqa qarsı kürekpen soğısıp jürgen jauıngerler tärizdi–degeni kinäsız därigerlerdiñ därmensizdigin meñzese kerek. Bwl biz üşin öte ökinişti, äri qorqınıştı jağdayyat! Obanıñ nağız oşağı bolğan Italiya men Qıtayda bwl körsetkişter tım az eken. Al aq halattılardıñ sırqattı jwqtırıp jatqanı el işi Densaulıq saqtau salasındağı jıldarı boyı qordalanıp qalğan kürmeui köp  swraqtardıñ betin aşıp berdi. Ne kerek, aylar bwrın el aman, jwrt tınışta jasalğan qauıpsizdik dayındığımız qayırsız boldı. Bwl sarındas pikirdi BWW bas hatşısı Antoniu Guterriş te ayttı. Al, Düniejüzilik bank ökili Qazaqstannıñ jalpı işki önimi qısqarıp, eldegi kedeyşilik deñgeyi artadı - deydi. Biraq ne boların Ol bilmes, Qwday biler!

Eee, kimnen qalmağan köñil. Sın sağatta «Cifrlı Qazaqstan» da sır berdi. San jetpes 141 milliard teñge şınımen jelge wşqanı ma?! Endi 258,8 milliard ta wstağannıñ qolında, tistegenniñ auzında kete me?  Ministr Jwmağaliev te, Ükimet basşısı Mamin de kinälı siyaqtı körindi. Anığında, Memlekt basşısı men Halıq san soğıp, ağaş atqa minip qaldı. Dey twrğanmen ömirimizge onlayn qaşıqtıqtan bilim beru jüyesi endi. Jañalıq bastau aldı. Bwl rette zamanaui bilim beruge negizdelgen “Budbeed” sındı köp salalı onlayn formattı jobalar şınımen de qwptarlıq betbwrıs bolmaq. Demek, Covid-19 Pandemiyası erteñgi kün Qazaqstannıñ  tarihi damu belesinde özekti salalarda ömirşeñ, tübegeyli oñ özgerister jasauğa mwrındıq boları bek mümkin. Layım solay bolğay!

Biılğı köktemgi egis nauqanı koronavirustıñ taraluımen twspa-tws keldi. Diqandarğa erlik körsetu kerek-aq. Jau jağadan alğanda böri etekten tartar, Su tasqını tağı bar. Alayda, Almatınıñ jarqırağan aspanın oylağanda qol-ayağıñdı kisendegen as atası NAN jäne Basqanıñ da bağasın bir sätke tars wmıtasıñ. Qalay aynaday tazarğan Almatı şaharın üydiñ şatırınan emes, Köktöbeden bir köru büginde ärkimge arman! Iä, tötenşe jağday qiın kezeñde qımbatşılıqtıñ qamıtın kigen qarapayım halıqtıñ armanı köp, därmeni joq. Dese de keler künen ümitimiz zor. Biz üydemiz, Biz birgemiz,  Esen-aman bir-birimizben jolıqqanşa.

1 mımır... Qaşan kelersiñ,  Azat erkin kün?!

Duman Amanwlı

Abai.kz

2 pikir