Senbi, 6 Mausım 2020
COVID-19 QAZAQSTANDA. Jwqtırğandar — 12312. Jazılğandar — 6903. Qaytıs bolğandar — 52
Anıq 1812 9 pikir 27 Säuir, 2020 sağat 12:53

Toqaevtıñ «qara quı»

nemese qoğam Prezidentke qarsı emes, qoğam özgeriske qarsılarğa qarsı

Karantin biliktegi, qoğamdağı himeralardıñ betperdesin ayamay sıpırıp jatır. Meniñşe, koronovirus Prezidenttiñ «qara quı» (çernıy lebed') bolmaydı. Wzaq merzimge sozılatın ekonomikalıq zardaptar men mwnay bağasınıñ tömendeui de; Köp balalı analar men äleumettik jağdayı tömen azamattar da; Köşe partiyası men mitingiler de; Qwrılmağan partiyalar men äleumettik jelidegi belsendiler de «qara qu» emes.

Prezidenttiñ «qara quı» - ESKİ GVARDIYA - onıñ tapsırmasına bilip-bilmey sabotaj jasap otırğan ämirşil-äkimşil ükimet ökilderi, karantin uaqıtında basın qwmğa tıqqan jaltaq, jağımpaz deputattar, halıqpen äkireñdep söylesudi ädetine aynaldırğan jandaral küştik qwrılımdar, äliptiñ artın bağıp, äuejayda çarterlerin saylap otırğan toyımsız, toğışar oligarhtar.

Bärimiz de karantinnen keyin basqa Qazaqstandı körgimiz keledi. Bwl üşin aldımen joğarıdağı «eski gvardiya» sayasi bilikten ketirilui tiis. Karantin olardıñ jaña uaqıtqa, jaña ahual men jaña özgeristerge beyimdeluge mülde qabiletsizdigin, qwlıqsızdığın körsetip berdi. Toqaev karantinnen keyin osı toptı sayasi sahnadan batıl oqşaulay bastauı kerek. Sonda ğana halıqtıñ, qoğamnıñ memlekettik bilikke degen senimi qayta oyanadı. Qoldauı küşeyedi. Al, karantinnen keyin mwnday qoldau bilikke auaday, tipti auadan da artıq qajet bolatını aytpasa da tüsinikti.

Qoğam Toqaevqa qarsı emes, qoğam äzirge özgeriske qarsılarğa qarsı bolıp otır. Äzirge...erteñ keş boladı.

Talğat Eşenwlı

Abai.kz

9 pikir