Senbi, 30 Mamır 2020
COVID-19 QAZAQSTANDA. Jwqtırğandar — 10382. Jazılğandar — 5057. Qaytıs bolğandar — 37
Bilgenge marjan 1506 1 pikir 27 Säuir, 2020 sağat 13:22

Koronavirustan qalay qorğanuğa boladı?

Kardiologiya jäne işki aurular ğılımi-zertteu institutınıñ Joğarı bilim  aludan keyingi jäne qosımşa bilim beru departamentiniñ basşısı, medicina ğılımdarınıñ doktorı, professor Säule Kasenova COVID-19-dan bolatın ölim sanınıñ düniejüzilik statistikası osı aurudan qaytıs bolğandardıñ arasında arteriyalıq gipertoniya, jürektiñ işemiyalıq auruı, qant diabeti sekildi ilespeli auruları bar egde jastağı adamdardıñ jii bolatındığın däleldedi deydi.

Säule Layıqqızınıñ aytuınşa, egde adamdar virustıq infekciyanı auır köteredi jäne osınıñ saldarınan bolatın jağımsız boljam bar. Ökpeniñ sozılmalı obstruktivti auruı, bronh demikpesi, ökpeniñ intersticialdıq auruları  siyaqtı tınıs alu joldarınıñ sozılmalı auruları bar pacientter birinşi kezekte «täuekel tobında» boladı, sebebi olardıñ tınıs alu jüyesiniñ virustıq jüktemege qarsılasu qabileti öte tömen. 

Osı twrğıdan, pul'monolog däriger densaulıqqa mwqiyat qarau kerek dep keñes beredi, ol üşin:

- dünie jüzinde öziniñ tiimdiligin körsetken karantin şaraların orındau qajet;

- dükenge aptasına 2 ret tek qana qajetti azıq-tülikke şığu kerek;

- qoqıstı meylinşe, basqa adamdarmen qarım-qatınastıñ bolu mümkindigi az uaqıtta - tañerteñ erte nemese keşki uaqıtta şığarğan dwrıs;

- teledidardı künine tek qana qajetti aqparattı alu üşin 2 sağattan artıq körmegen dwrıs;

- tınıs alu joldarınıñ epitelialıq jasuşaların qorğaytın A, E jäne S vitaminderin qabıldau qajet;

- gigiena şaraların orındau kerek.

Oqşaulanu otbası müşelerimen birge köp uaqıt ötkizuge mümkindik beredi. 

- Stresti öz betinşe jeñip şığa almaytın jalğız bastı egde adamdardı, balalardı, jasöspirimderdi qoldañızdar. 

- Negativti stress adam immunitetine keri äser beretindikten üreyli köñil-küyden alşaq bolıñızdar. 

Ziyandı ädetterden, äsirese temeki şegu, jastar işinde payda bolğan elektrondı sigaretter men kal'yan şeguden bas tartudıñ uaqıtı keldi.

Qauipti uaqıt ta bitedi, ömir de öz qalpına keledi, ol üşin öziñizdiñ jäne sizdi qorşağan adamdardıñ  densaulığın saqtau qajet. Özderiñizdi kütip aman bolıñızdar!

Abai.kz

1 pikir