بەيسەنبى, 28 مامىر 2020
COVID-19 قازاقستاندا. جۇقتىرعاندار — 9304. جازىلعاندار — 4768. قايتىس بولعاندار — 37
بىلگەنگە مارجان 1494 1 پىكىر 27 ءساۋىر, 2020 ساعات 13:22

كوروناۆيرۋستان قالاي قورعانۋعا بولادى؟

كارديولوگيا جانە ىشكى اۋرۋلار عىلىمي-زەرتتەۋ ينستيتۋتىنىڭ جوعارى ءبىلىم  الۋدان كەيىنگى جانە قوسىمشا ءبىلىم بەرۋ دەپارتامەنتىنىڭ باسشىسى، مەديتسينا عىلىمدارىنىڭ دوكتورى، پروفەسسور ساۋلە كاسەنوۆا COVID-19-دان بولاتىن ءولىم سانىنىڭ دۇنيەجۇزىلىك ستاتيستيكاسى وسى اۋرۋدان قايتىس بولعانداردىڭ اراسىندا ارتەريالىق گيپەرتونيا، جۇرەكتىڭ يشەميالىق اۋرۋى، قانت ديابەتى سەكىلدى ىلەسپەلى اۋرۋلارى بار ەگدە جاستاعى ادامداردىڭ ءجيى بولاتىندىعىن دالەلدەدى دەيدى.

ساۋلە لايىققىزىنىڭ ايتۋىنشا، ەگدە ادامدار ۆيرۋستىق ينفەكتسيانى اۋىر كوتەرەدى جانە وسىنىڭ سالدارىنان بولاتىن جاعىمسىز بولجام بار. وكپەنىڭ سوزىلمالى وبسترۋكتيۆتى اۋرۋى، برونح دەمىكپەسى، وكپەنىڭ ينتەرستيتسيالدىق اۋرۋلارى  سياقتى تىنىس الۋ جولدارىنىڭ سوزىلمالى اۋرۋلارى بار پاتسيەنتتەر ءبىرىنشى كەزەكتە «تاۋەكەل توبىندا» بولادى، سەبەبى ولاردىڭ تىنىس الۋ جۇيەسىنىڭ ۆيرۋستىق جۇكتەمەگە قارسىلاسۋ قابىلەتى وتە تومەن. 

وسى تۇرعىدان، پۋلمونولوگ دارىگەر دەنساۋلىققا مۇقيات قاراۋ كەرەك دەپ كەڭەس بەرەدى، ول ءۇشىن:

- دۇنيە جۇزىندە ءوزىنىڭ تيىمدىلىگىن كورسەتكەن كارانتين شارالارىن ورىنداۋ قاجەت;

- دۇكەنگە اپتاسىنا 2 رەت تەك قانا قاجەتتى ازىق-تۇلىككە شىعۋ كەرەك;

- قوقىستى مەيلىنشە، باسقا ادامدارمەن قارىم-قاتىناستىڭ بولۋ مۇمكىندىگى از ۋاقىتتا - تاڭەرتەڭ ەرتە نەمەسە كەشكى ۋاقىتتا شىعارعان دۇرىس;

- تەلەديداردى كۇنىنە تەك قانا قاجەتتى اقپاراتتى الۋ ءۇشىن 2 ساعاتتان ارتىق كورمەگەن دۇرىس;

- تىنىس الۋ جولدارىنىڭ ەپيتەليالىق جاسۋشالارىن قورعايتىن ا، ە جانە س ۆيتاميندەرىن قابىلداۋ قاجەت;

- گيگيەنا شارالارىن ورىنداۋ كەرەك.

وقشاۋلانۋ وتباسى مۇشەلەرىمەن بىرگە كوپ ۋاقىت وتكىزۋگە مۇمكىندىك بەرەدى. 

- سترەستى ءوز بەتىنشە جەڭىپ شىعا المايتىن جالعىز باستى ەگدە ادامداردى، بالالاردى، جاسوسپىرىمدەردى قولداڭىزدار. 

- نەگاتيۆتى سترەسس ادام يممۋنيتەتىنە كەرى اسەر بەرەتىندىكتەن ۇرەيلى كوڭىل-كۇيدەن الشاق بولىڭىزدار. 

زياندى ادەتتەردەن، اسىرەسە تەمەكى شەگۋ، جاستار ىشىندە پايدا بولعان ەلەكتروندى سيگارەتتەر مەن كاليان شەگۋدەن باس تارتۋدىڭ ۋاقىتى كەلدى.

قاۋىپتى ۋاقىت تا بىتەدى، ءومىر دە ءوز قالپىنا كەلەدى، ول ءۇشىن ءوزىڭىزدىڭ جانە ءسىزدى قورشاعان ادامداردىڭ  دەنساۋلىعىن ساقتاۋ قاجەت. وزدەرىڭىزدى كۇتىپ امان بولىڭىزدار!

Abai.kz

1 پىكىر