Seysenbi, 26 Mamır 2020
COVID-19 QAZAQSTANDA. Jwqtırğandar — 8969. Jazılğandar — 4515. Qaytıs bolğandar — 35
46 - söz 1204 7 pikir 21 Mamır, 2020 sağat 13:44

Onday odaqtıñ qajeti bar ma?

Sırtqı alañda memlekettiñ Wlttıq müddesi üşin küresu «şwğıl bwrılısı köp» uaqıtta öte mañızdı.

Düniejüzilik ekonomika recessiyada. Büginde, koronavirus pandemiyası älemge 9-trln. dollar şığın äkeledi dep boljanuda. Bwl optimistik cifr, şığın odan da köp boluı ıqtimal. Osınday auır kezeñde Wlttıq ekonomikanı qorğaytın, memlekettik protekciya täsilderi öte mañızdı.

El Prezidenti Q.Toqaevtıñ Evraziya odağı sammitinde söylegen sözi, ekonomika salasındağı memleket müddesin qorğaudıñ ülgisi.

Şını kerek, Evraziya odağı ayasında Qazaqstannıñ sauda sal'dosı minus därejede. Basqa elder bizge tauardı köp satadı. Bizdiñ tauarlarğa Reseyde, Belorussiyada köptegen normativtik kedergiler qoyılğan.

Osı mäseleni jiti qadağalap otıru öte mañızdı.

Köptegen normativti qwjattar EEO apparatı dayındaydı. Sol apparatta Qazaqstannıñ da ökilderi jwmıs isteydi.

Olar jalaqını elimizdi «vznosı» esebinen aladı jäne jalaqıları ministrdikinen az emes. Ol jigitter «nege Qazaqstan memleketiniñ müddelerin qorğamaydı» degen süraq tuadı. Eger äljuazdıq tanıtsa, olardı elge qaytarudıñ amalın qarastıru şart.

Mümkin körşi memleketter olardıñ auzın «üldemen- büldemen» tığındap qoyğan şığar? Osı mäseleni saraptau kerek.

Memleket basşısınıñ mädenietti, parasattı, diplomatiyalıq türde el müddesin aşıq aytqanı öte dwrıs tendenciya.

Endi, osı odaqtıñ işindegi Qazaqstannıñ alısı men berisi, şığısı men kirisi qanday degen swraqqa jauap beretin uaqıt jetti.

Bir odaqtıñ işinde otırıp, öziñniñ odaqtasıña ( Belorussiya) mwnayıñdı sata almasañ, «onday odaqtıñ qajeti bar ma» degen zañdı swraq tuadı.
Qazir memleketterdiñ barşası öziniñ ekonomikasın qorğauğa amal jasap, (AQŞ, EO) basqalarğa esikterin jauıp jatır. Ärine, bwl qadamnıñ özin sabırlı, jan- jaqtı oylanıp, esep- qisabın jasap engizu qajet.

Degenmen, mına qilı zamannıñ wranı «ortaq ögizden, oñaşa bwzau» bolıp twr. «Zamanıñ qasqır bolsa, böri bolıp şal» deydi.

Añdısın añdıp, qırağı közben şalıp, esep- qisaptı ekşelep, özimizdiñ terini ileytin kezeñge keldik. Bizdiñ terini özimizden basqa eşkim ilep bermeydi...

Erlan Sairovtıñ jelidegi jazbası

Abai.kz

7 pikir