Múhtar Shahanovtyng mәlimdemesi
Tirkelmegen «Halyq ruhy» partiyasynyng tóraghasy Múhtar Shahanovtyng mәlimdemesi
Tirkelmegen «Halyq ruhy» partiyasynyng tóraghasy Múhtar Shahanovtyng mәlimdemesi
Biz 2007 jyly Qazaqstan Respublikasynyng Ata Zanyna sәikes, «Sayasy partiyalar turaly» zangha oray respublikamyzdaghy 14 oblys pen Almaty jәne Astana qalalarynan 2 myngha juyq delegat qatysqan Qúryltay ótkizip, «Halyq ruhy» atty partiya qúrdyq. Biz Qúryltay ótkennen keyin zang boyynsha belgilengen 2 ay merzim aralyghynda partiya qataryna 23 últ ókilderinen túratyn 60 mynnan asa mýshe tarta aldyq. Soghan qaramastan bizdi kezinde «últshyl partiya» dep te kinәlaushylar boldy. Biz partiya Baghdarlamasynda da atap ótkenimizdey, respublikamyzda túratyn barlyq últ ókilderining tiline, últtyq qúndylyqtaryna qúrmetpen qarap, olardyng ósip-órkendeuine údayy tilektestik bildirumen kelemiz. Biz sondyqtan da respublikamyzdaghy últtardy tikeley joygha alyp baratyn, barlyq últtan bir ghana últ jasaugha negizdelgen, ózining bastauyn amerikandyq últtan alatyn «qazaqstandyq últ» iydeyasynyng saltanat qúruyna qarsy túrdyq. Eger «Qazaqstandyq últqa» ensek, býkil últtyq mýddeden maqúrym qalar edik. Ol kezde «Men qazaqpyn», «Men úighyrmyn», «Men oryspyn» dep aitsanyz, jauapqa tartylasyz. Biz, ziyaly qauym ókilderi, búl últsyzdandyru sharasyna týbegeyli qarsy túrdyq. Ashtyq jariyalamaqshy boldyq. Respublika boyynsha 4 mynnan astam adam bizben birge ashtyq jariyalaugha niyet bildirdi. Biylik amalsyzdan bizding talap-tilegimizge qúlaq asty. Qazaqstan Halqy Assambleyasy úsynghan «El birligi» doktrinasynan «Qazaqstandyq últ» týbegeyli alynyp tastalyndy jәne oghan «Qazaqstannyng әrbir azamaty memlekettik tildi biluge mindetti» degen sóilem endirildi. Búl ziyaly qauym ókilderining demokratiya salasyndaghy eleuli jenisi edi.
Bir sózben aitqanda, biz «Halyq ruhy» partiyasy arqyly qoghamymyzda qordalanyp qalghan barlyq negizgi mәselelerdi halyq qalauy boyynsha sheshudi qolgha alugha niyet bildirgen edik. Soghan oray biylik barynsha shekteu qoyghan zang talaptaryna kóldeneng kelip qalmau jaghyn da oilastyrdyq. Qatarymyzgha belgili zangerlerdi tartyp, birlesip júmys jasadyq. Biylik qansha jerden múqiyat teksergenimen, biz ótkizgen partiya Qúryltayynan da, ózge qújattardan da esh kinәrat taba almady. Biraq, әli kýnge deyin tekserumen keledi. Arada tórt jarym jylday uaqyt ótse de tekseru biter emes. Biz Ádilet ministrligine, ózge de qúzyrly organdar aldyna 28 ret baryp tabaldyryghyn tozdyrdyq. Biraq, «bayaghy jartas, sol jartas» kýiinde qalyp keledi.
Qazaqstan Respublikasynyng «Sayasy partiyalar turaly» zanyna 2009 jyly engizilgen ózgerister men tolyqtyrugha oray Ádilet ministrligi partiya qúrylghannan keyin 6 aidyng ishinde partiyany tirkeu, nemese tirkemeu turaly jazbasha týrde jauap beruge tiyisti. Biraq zannyng búl talaptarynyng bizding partiyagha qatysy bar ma, joq pa búl jóninde Ádilet ministrligi naqty jauap bermey otyr.
Sondyqtan biz qoghamymyzdyng býgingi jay-kýiin saralay kele, әri bizge senim bildirgen, býgingi kýni 100 myngha juyqtaghan «Halyq ruhy» partiyasy mýshelerining bizdi sayasy kýres nauqanyna shaqyrghan talap-tilekterine oray jәne partiyanyng Ortalyq Kenesi Tóralqasynyng sheshimimen «Ruhaniyat» partiyasyna qosylghandy jón kórdik. Ras, bizge respublikamyzdaghy ózge de sayasy partiyalardan Parlament saylauy nauqanyna baylanysty birlese kýresu turaly úsynystar týsti. Alayda, biz aqyldasa kele «Ruhaniyat» partiyasyna toqtaldyq. Sebebi, «Ruhaniyat» partiyasynyng tizgini Serikjan Mәmbetalin myrzanyng qolyna ótkeli beri búl partiya jana baghyt ústana bastady. «Ruhaniyat» partiyasymen memlekettik til, últtyq qúndylyqtar, últtyq menshik, oralmandar mәselesi, Keden odaghy jәne qazaq auyldarynyng tynys-tirshiligine baylanysty mәselelerde bizding maqsat-mýddelerimiz bir arnagha toghysty. Biz osyghan deyin de birneshe ret birlesip is-qimyl jasap, últtyq mýdde túrghysynda senimdi seriktes ekendigimizdi dәleldegen bolatynbyz. Bizding maqsat-mýddemiz de bir arnagha toghysty. Sondyqtan búl birlesudi tabighy zandylyq dep qabyldaghan jón.
Al, birlesken partiyanyng ishki qúrylymyn alda ótetin Qúryltay sheshedi. Qalay bolghanda da, biz Parlament saylauyna «Ruhaniyat» partiyasy arqyly týsetindigimiz anyq. Búl - eldik, últtyq mýdde túrghysynda birigu. Biz osyghan deyin sheshimin tappaghan últtyq mәselelerdi, yaghny onyng tilin, dilin, dinin, әleumettik jaghdayyn, oralmandar basyndaghy kýrdeli ahualdy kóteretin bolamyz. Bizge barsha respublika halqy týsinisushilikpen qarap, qoghamymyzdaghy әdiletsizdik pen kelensizdikterge tózbeytin, qúldyq sanadan biyik túrghan jannyng bәri bizben birge bolady dep senemin.
