Erikti bolu - erkikkenning isi emes. Búl jazylmaghan zangha ainalghan ainymas qaghida desek te bolady. Óitkeni volonterlikpen adamgershilikting biylik belesine shyqqan azamattar ghana ainalysady deuge negiz bar. Jalpy volonterlik órkeniyetti qoghamgha tәn aiqyn belgi.

Bәrimiz biletindey, elimizde 2020 jyldy volonterler jyly retinde atap ótip jatyrmyz. Ótken jyly tamyz aiynda Qazaqstan Respublikasynyng Memleket basshysy Qasym-Jomart Kemelúly Toqaev 2020 jyldy Eriktiler jyly (volonterler jyly) dep jariyalghan bolatyn.

Eriktiler órkeniyetti qoghamnyng bir kórinisi dep otyrmyz. Sandy mәlimetterge sensek, túras әlemde býgingi tanda bir milliard kóleminde volonterler bar kórinedi. Tipti tútas ghalamshar túrghyndarynyng segizden biri osy volonterlikpen ainalysady degen aqparat bar. Taghy bir mәlimet boyynsha, әlem ekonomikasynda jalpy ishki ónimning eki jarym payyzy eriktiler enbegining jemisi eken. Osydan aq erikterler jalpy ghalamda jappay taralghan qoghamdyq kýsh ekenin anarugha bolatyn sekildi.

Jalpy әlemdegi volonterler jayly sandy mәlimetterdi sóilettik. Endi óz elimizdegi erikterler jayly aitar bolsaq, jalpy bizding elde naqty qansha erikti bar ekeni jayly naqty aqparat sәl tapshy. Biraq keybir derketerge sýiensek, bizding elde de otyz mynnan asa volonter bar kórinedi. Demek múnyng ózi az san emes. Osynsha ýlken jýrekti jandar elding erteni ýshin erikti týrde enbek etip jatyr degen sóz.

Mamandardyng aituynsha, el aumaghyndaghy eriktilerding sany jyl sayyn artyp kele jatqan kórinedi. Endeshe oqyrman nazaryna eriktilerding qataryna qalay qosylugha bolatynyn týsindire keteyik. Biz múny el astanasy Núr-Súltan qalasyndaghy eriktiler tobyna qosylu jolyn aita otyryp týsindiremiz.

Núr-Súltan qalasy әkimdigi taratqan aqparatqa sýiensek, elordalyq eriktiler shtabynda eki myngha juyq volonter bar kórinedi. Elordanyng resmy saytynda osynday dep habarlanghan.

Memleket basshysynyng 2020 jyldy eriktiler jyly dep jariyalaghan jarlyghyna ýn qosu mindetin elordada "Astana Jastary" resurstyq ortalyghy janyndaghy eriktilerding qalalyq shtaby qolgha alyp, jýzege asyryp jatyr. Atalghan ortalyqtyng basshysynyng aituynsha, elordalyq eriktilerding qataryna qosylu ýshin volonter mektebinde ýsh kezennen túratyn oqu barysynan ótu kerek eken.

Shynghys Tileuliyn,

Núr-Súltan qalasy әkimdigining "Astana jastary" resurstyq ortalyghy janyndaghy eriktiler shtabynyng basshysy:

«Aldymen alghashqy medisinalyq kómek kórsetudi ýiretetin kirispe kurstan ótu kerek, týrli psihologiyalyq treningter ótkiziledi yaghny jalpy dayyndyq jýrgiziledi. TJ kezinde kómek beruge niyet bildirushiler mamandarmen dayyndalyp, oqu jiyndarynan ótedi. Sonday-aq halyqaralyq volonterler men әleumettik volonterler ýshin oqytu jýrgiziledi. Sodan keyin tikeley aksiya ótkizu kezinde praktikalyq sabaqtar ótedi».

Onyng aituynsha, múnda sóz bolghan alghashqy dayyndyq mólshermen on sabaq alady eken. Osy on sabaqtan túratyn alghashqy dayyndyq kezeninen ótken volonterler әri qaray týrli baghyttar boyynsha arnayy bólimderge bólinip, mamandandyrlatyn kórinedi. Biylghy jyly atalghan volonterler mektebinde ýsh jýzge tarta eriktini oqytu josparlanyp otyr eken.

Jogharyda aitaqnymyzday, volonterlik bizding elde endi ghana qanat jayyp damyp keledi. Olardyng sany tútas el aumaghy boyynsha alyp qaraghanda kóp deuge kelmeydi. Ásirese biylghyday tútas әlemdi tabanynan tik túrghyzghan qiyn sәtterde eriktilerding enbegine jýginu auaday qajet sekildi. Biyl elimizde eriktilerding erinbey enbek etuining arqasynda kóptegen mәsele tiyimdi sheshildi. «Júmyla kótergen jýk jenil» deydi, el ýshin erinbey eter eriktilerimiz kóp bolsyn. Sol ýshin de býgin volonterler qataryna qosylyp, halyq ýshin qyzmet etuding tiyimdi jolyn tanystyryp otyrmyz.

Abai.kz