«Búl – milliondaghan qazaq pen orystyng tarihy tanymyn qorlau». Senator, Halyqaralyq qatynastar, qorghanys jәne qauipsizdik komiytetining tóraghasy Múhtar Qúl-Múhammed Resey Federasiyasy Dumasynyng deputaty Vyacheslav Nikonovtyng arandatushylyq sózine qarsy osynday pikir bildirdi.

Óz pikirinde senator qazaq halqynyng tarihy tym terende jatqanyn, onyng ishinde ata-babalarymyzdyng ejelden Soltýstik Qazaqstandy qonys etkenin aitqan.

«Erte zamandardan beri qaray atalghan jerlerdi qazaq taypalary jaylaghany – basy ashyq aqiqat. Dәl osy jerde bizding zamanymyzgha deyin ýshinshi mynjyldyqta ómir sýrgen ataqty botay mәdeniyetining qonystary tabyldy. Botaylyqtar jabayy jylqylardy qolgha ýiretken, jylqy sharuashylyghymen jәne әrtýrli kәsippen ainalysqan. Ghasyrlar men mynjyldyqtar boyy osy dalada bizding tikeley babalarymyz – saqtar, ghúndar, týrkiler, qypshaqtar men qazaqtar qúrghan memleketter birin-biri almastyryp otyrdy», – deydi Múhtar Qúl-Múhammed.

Sonymen qatar, Senat deputaty qazaq dalasynda Týrki qaghanaty, Deshti-Qypshaq, orta ghasyrdaghy danqty memleket – Altyn Orda, Qazaq handyghy tuyn tikkenin jәne býgingi Qazaqstan osy elderding zandy jalghasy ekenin dәleldi jetkizgen.

«Altyn Ordanyng negizin qalaghan Joshy han – Kerey men Jәnibekten Abylaygha deyingi barlyq qazaq handarynyng atasy. Joshy hannyng mazary Úlytauda, Ortalyq Qazaqstannyng aumaghynda ornalasqan. Altyn Orda ydyraghannan keyin 1465 jyly Qazaq handyghy qúryldy. Onyng 550-jyldyghyn 2015 jyly Qazaqstan memlekettik dengeyde atap ótti. Mine, dәl osy handyq Reseymen dostyq qarym-qatynas ornatqan. Búl turaly reseylik ghalymdar jan-jaqty zertteuler jasaghan», – dedi Múhtar Qúl-Múhammed.

Senator býginde Qazaqstan men Reseyding arasynda ýlgili baylanys ornaghanyn da atap ótken.

«Qazirgi tanda Qazaqstan men Reseydi strategiyalyq seriktestik, mәngilik dostyq turaly kelisim jәne odaqtastyq, jeti jarym myng shaqyrymnan astam shekara, eng bastysy – azamattarymyz ben halyqtarymyzdy kózge kórinbes berik jarasym baylanystyryp túr», – dedi senator.

Sondyqtan, tәuelsizdik kýnining qarsanynda aitylghan Vyacheslav Nikonovtyng sózi halqymyzdyng ashu-yzasyn tudyrghanyn aitty.

«Búl – sayasy jauapsyzdyq qana emes, berik dostyq qarym-qatynas ornata bilgen milliondaghan qazaq pen orystyng tarihy tanymyn qorlau. Men ýshin de jәne milliondaghan qazaqstandyq ýshin de orys pen qazaq halqy arasyndaghy dostyqty saqtaudyng manyzdy ekeni aiqyn. Ásirese, aiyptaular men arandatushylyq mәlimdemelerge jol beruge bolmaydy», – dedi Múhtar Qúl-Múhammed.

Abai.kz