4.

1929 jyly I/I kýni tergeuge alynghan Mirjaqyp Dulatovtyng jauabynyng hattamasyndaghy qamtylghan mәlimetterding astary men úzyn-yrgha mazmúny osynday. Ayyptau sanksiyasy men D.Ádilevting kórsetindisine qaraghanda alghashqy súraq-jauap: 1). Mirjaqyp Dulatov pen Dinshe Ádilev jәne de basqalar birigip týsken suretting tarihy, 2). 1921-1922 jylghy Tashkentte qúrylghan-mys delinetin astyrtyn úiym, 3). Goloshekinge qarsy qastandyq jasau әreketi-mis delinetin oqigha turaly qoyyluy tiyis edi. Al múnda alghashqy tergeuding ózinde birden 1918-1919 jylghy Torghaydaghy azamattyq soghys kezindegi oqighalar, onyng ishinde Amankeldi Imanovtyng qazasy turaly súraqtar qoyylghan.

4.

1929 jyly I/I kýni tergeuge alynghan Mirjaqyp Dulatovtyng jauabynyng hattamasyndaghy qamtylghan mәlimetterding astary men úzyn-yrgha mazmúny osynday. Ayyptau sanksiyasy men D.Ádilevting kórsetindisine qaraghanda alghashqy súraq-jauap: 1). Mirjaqyp Dulatov pen Dinshe Ádilev jәne de basqalar birigip týsken suretting tarihy, 2). 1921-1922 jylghy Tashkentte qúrylghan-mys delinetin astyrtyn úiym, 3). Goloshekinge qarsy qastandyq jasau әreketi-mis delinetin oqigha turaly qoyyluy tiyis edi. Al múnda alghashqy tergeuding ózinde birden 1918-1919 jylghy Torghaydaghy azamattyq soghys kezindegi oqighalar, onyng ishinde Amankeldi Imanovtyng qazasy turaly súraqtar qoyylghan.

Goloshekin bir halyqtyng últtyq, azamattyq kýres tarihyn bar men joqqa tely ýkim aityp, taghdyryn tauqymetke iytermelegisi keldi.Ózgeni bylay qoyghanda, 1916 jylghy azattyq kóterilisting ózin әuelide reaksiyashyl qozghalys dep atap, Shapiro men Braynin degen iydeolog-tarihshylargha teris tújyrymdar jasatty, onyn: «últshyldyqtan tughan, orys halqyna qarsy kóterilis" ekenin dәleldep ekeuine maqala jazdyrdy. Amankeldi Imanovtyng qaza tabuyna „Alashorda" jasaghynyng qatysy barlyghy anyqtalghanda, alashordashylardyng kózin qúrtudyng mýmkindigi tughanyn bildi. Sol kezde Stalin «partiya ishindegi opportunister» dep ataghan Kamenev, Zinoviev, Troskiyge qarsy nauqan lap ete qaldy da, sony arqalanghan Goloshekin betine esh jandy qaratpady. Sóitip, bastapqyda  Amankeldini «barymtashy», «buntari», «dala qaraqshysy» etip kórsetken әlgi eki әkki tarihshygha endi Amankeldi Imanovty „bolisheviyk", últtyq qaharman retinde bayandaytyn monografiya  shyghartty. Tergeushilerding Braynin men Shapiro dayyndaghan, Oraz Isaev redaksiyalaghan "Alashorda" turaly jinaqtardyng qoljazbasyna sýiengeni anyq bayqalady. Sol jinaqtyng ishindegi qújattardy tergeu isine aighaq retinde tirkegen.

"Stenogramma. 1929 jyly 3 qantar kýngi Mirjaqyp Dulatovtan alynghan jauaptyng hattamasy.

Tómendegi qújattardyng mazmúnyn bilemin be, joq pa degen maghan  qoyylghan súraqtargha beretin jauabym mynau: (Birinshi qújattyng mәtini):

Ministrler Kenesining Tóraghasy /Kolchakqa/ "Alashordanyn" Torghay bólimining mәlimeti:

"Orynbor Áskery Okrugynyng úsynysymen jәne qoldauymen Torghay oblystyq bólimi Býkilodaqtyq 2-atty polkti jasaqtaugha 1918 jyldyng qarasha aiynan bastap kiristi, al Býkilqazaqtyq I-atty polk 18-jyldyng jaz aiynda jasaqtalghan edi. Qostanay uezindegi I-polk derbes Ural korpusynyng qarauynda boldy jәne barlyq jaraqty qazynadan aldy, 2-polk "Alashordanyn" Torghay oblystyq bólimine qarady. Torghay men Yrghyz uezi Sibir Uaqytsha Ýkimetine, Derbes Ural korpusynyng qolbasshysyna, chehoslovaktargha kómek súrap hat jazyp edi, alayda eshkimnen kómek ala almady.

Sәuir aiynda "Alashorda" bólimi Torghay qalasyn aldy, әskery komissaryn tútqyndady, ol keyinen atyldy. Sóitip, Torghay uezindegi Kenes ókimeti qúlatyldy, qalalyq jәne jergilikti basqaru jýiesi qalpyna keltirildi jәne búl arada Admiral Kolchak bastatqan Uaqytsha ýkimetting ókildigi jariyalandy. 22 kókek kýni qúramynda 337 adamy bar Tarannyng otryady týgeldey qarusyzdandyryldy, onyng ishinde Tarannyng ózi bastatqan 30 sarbazy da ústalyp, bәri de atyldy. Tarannyng qarusyzdandyrylghan otryadynyng barlyghy da Atbasargha jiberildi. Odan qalghandary Atbasargha bara jatqan jolda qúrtyp jiberildi. Tarannyng otryadynyng qarusyzdandyrylghany jәne olardyng kózi joyylghany jónindegi oqigha turaly mәlimet beru ýshin bizding ókilimiz Kenjeghaly Ghabdullin Derbes Orynbor Armiyasynyng shtabymen habarlasu ýshin men ony sonda jiberdim, ol Armiya shtabyna bardy...".

Búl "Alashordanyn" Torghay bólimining 1919 jylghy 11 mamyr  kýni Ministrler (Sibir kenesining tóraghasy (Kolchakqa - T.J.)) jibergen mәlimeti. Qoljazbasy Ombyda saqtalghan, 1919 jyldyng 24 mausym kýni qol qoyylghan.

M.Dulatov (basy): "Mening beretin jauabym mynau: "Alashordanyn" Shyghys bólimining jetekshisi Bókeyhanov jәne basqalary 1919 jyldyng jaz ailarynda Omby qalasynda túrghan edi. Bizding olargha Kenjindi qanday tapsyrmamen jibergenimizdi qazir esime týsire almay túrmyn. Myna qújatty maghan kórsetkende ghana ony amalsyzdan aldarqatu /taktikalyq/ túrghysynda jazghanymyzdy esime týsirdim. Sebebi, qalyptasqan jaghday mynaday bolatyn: biz ol kezde Kolchak ýkimetimen de, Orynbordaghy Áskery Ýkimetpen de qarym-qatynasymyzdy ýzildi-kesildi dogharyp, Torghaygha kelip ornalasyp, kenes ókimeti jaghyna shyqqan edik te, Baytúrsynovty Moskvagha kelisimge jibergen bolatynbyz. Alayda mening jogharydaghy tergeuge bergen jauabymdaghy jaghdaylargha baylanysty kenes ókimeti jaghyna tolyqtay qosylyp kete  almadyq, sóitip, sharasyz kýige týstik. Barar jerimiz qalmady, onyng ýstine Torghaygha jәne Torghay arqyly Shalqargha kazak otryadtary ýzdiksiz aghylyp jatty. Múndaghy jazylghan sózder bizding shyn niyetimizdi bildirmeytin, Kolchak ýkimeti jaghynan qysym men qughyn jasalmas ýshin, jay ghana kóz boyau ýshin ghana jazylghan edi. Ondaghy bizding basty maqsatymyz: qalayda qazaq halqyn qyrghynnan saqtap, ony qorghap qalu bolatyn. Biz ózimizding kýshimizding az ekenin, eshkimmen de soghysyp shekemizding qyzbaytynyn jaqsy bildik. Tek sol maqsatty jýzege asyru ýshin ghana osy qújat jazylghan boluy mýmkin.

Ótken ómir jolymdy jasyryp qaludyng men ýshin eshqandayda mәnisi joq. Kenes ókimetine qarsy qolyma qaru alyp kýreskenimdi, Uaqytsha ýkimetti qoldaghanymdy jasyrmaymyn. Múnyng barlyghy 19-jylghy oqigha bolghandyqtan da kóptegen jaylar mening jadymda qalmapty. Áriyne, Imanov pen Tarannyng ólimine baylanysty әdeptik túrghydan alghandaghy jauapkershilikten men de qútyla almaytynymdy bilemin. Bizding jasaghymyz ekige bólindi. Onyng bir bóligin basqaryp men Torghay qalasynan syrtqa shyghyp kettim, al biz qaytyp kelgende olar tirilerding qatarynda joq edi. Bizding jasaqtyn  bir bólimi Torghayda qalghan bolatyn, onyng sardary Qasymov edi. Al bizge búl isti basqarghan Maqatov dep mәlimdedi.

Dәl osy maghynadaghy qújattyng Sibirdegi Ministrler Kenesining Predsedateline jiberiluin men joqqa shyghara almaymyn, biraq ta ol kezde Torghay men Ombynyng arasynda eshqanday da pochta qatynasy joq bolatyn, sondyqtan da ol qújatty sol kezde ýkimetting atynan mәlimdeme jasaugha arnayy Ombygha jiberilgen Kenjin ghana jetkizui mýmkin. Kolchaktyq ókimetting kónilin tynyshtandyru ýshin boyaudy qalynyraq jaghyp, atu jazasyna kestik dep kórsetken boluymyz kerek...".

Mirjaqyp Dulatovqa úsynylghan ekinshi qújat-ayghaq mynaday:

"Alashorda" Uaqytsha qazaq ýkimeti. Torghay oblystyq Áskery kenesi. 19-jyl. Shilde. № 441. Torghay qalasy. Shoban bolysynyng bolysynayyna

Torghay qalasy manynda Jiliyaevting bandylarymen bolghan úrystan song "Alashorda" jasaghy shegingen kezde úrys maydanynda qalghan kóptegen attardy, ertoqymdardy, vintovkalardy, oq-dәrilerdi, qylyshtardy jәne kiyimderdi qyr eli jiyp alypty. Barlyq kiyimderdi, attardy jekelegen jaraqtardy jiyp, qalagha alyp kelip, "Alashorda" jasaghyna tapsyruynyz kerek. Múny oryndamaghandardyng jauapqa tartylyp, әskery kezenge sәikes qatang jazalanatynyn elge týsindiriniz. "Alashordanyn" Torghay oblystyq әskery kenesining osy jarlyghyn habarlay otyryp, barlyq bolys túrghyndaryna óz tarapynyzdan yqpal etip, atalghan qaru men jaraqtardy qalagha jetkizudi qamtamasyz etiniz. At pen qaru, basqa da zattardy alghan adamdardyng tizimin jasap, "Alashorda" әskery kenesining ýiine әkep beriniz. Áskery kenesting mýsheleri - Seydaliyn, Qadyrbaev".

Búl qújat-ayghaqqa Mirjaqyp Dulatov naqty jauap bermepti. Onyng eki jaqqa da pәlendey manyzy joq ekeni onsyz da anyq edi.

Osy týsiniktemelerden keyin baryp D.Ádilevti tintu kezinde tabylghan, ishinde M.Dulatovtyng beynesi bar bir top adamnyng sureti kórsetilip:

"Myna fotogha kenes ókimetine qarsy astyrtyn úiymnyng baghdarlamasyn talqylaghan song týstinizder me, jalpy sizder jii bas qostynyzdar ma, múndaghylardyng qaysysyn bilesiz?", - degenge sayatyn súraq qoyghan.

Jauap stenogramma retinde qaghazgha týskendikten sóz arasynda qoyylghan súraqtardyng mazmúnyn jobalap qana angharugha bolady:

M.Dulatov (jalghasy): "Biz bәrimiz basymyzdy jii qostyq, biraq ta kenes  ókimetine qarsy jәne onymen kýresuding eshqanday baghdarlamasyn eshqashanda jasaghamyz joq, onday maqsat ta qoyghamyz joq. Bolghanbaev Hayretdindi men onyng Orynbordaghy Húsayynovtar medresesinde oqyp jýrgen kezinen bilemin. 1921 jyly Orynbordan Tashkentke kelip, Qojanovqa jolyghyp, júmysqa ornalaspaq bolghany esimde. Bolghanbaev Tashkentke Ádilev Múqyshpen birge keldi-au deymin, keyingisi әueli kommunistik partiyanyng qataryna mýshelikke ótip, sodan keyin eriktilerding qatarynda qyzyl әskerge kirip, Qiyr Shyghystaghy qyzyl partizandar otryadynyng qúramynda bolghan, 1920 jyly Orynborda Ishki ister halyq komissariatynda istedi. Búl jerge ol Tashkentten kelgen bolatyn, onda ne istedi, ol jaghyn bilmeymin. Birimjanov ta ol kezde Tashkentte bolatyn. Ádilev Tashkentte naqty eshtenemen ainalyspady-au deymin, әiteuir instituttaghy studentterdi jiyp alyp, sóz sóilep jýretin. Ol uaqytta jastardyng birazy oqyghan mektepterine kónili tolmaytyn. Sodan keyin ol bir jaqqa ketti, qayda ketkeninen habarsyzbyn".

Suretke týsu rәsimine naqty toqtalmaydy. Ol tek tilge tiyek ýshin ghana qajet bolsa kerek. Ol suret turaly Gýlnar Mirjaqypqyzy Dulatova:

«Joghalyp tabylghan suret 5.V.1921 jyly Tәshkentte týsirilgen. Onda shayhanada dastarhan basynda, ózbekshe kiyinip, mәslihat qúryp otyrghan ýsh kisi beynelengen. Ortadaghy M.Dulatov qaqorqor tútatyp berip jatqan Ghazymbek Birimjanúly, al ong jaqtaghy aq shәinekten shay qúiyp berushi - Ahmedsafa Yusupov. Suretting tómengi jiyeginde әkemnin: "Osartivshiyesya kirgizy v chayhane", - degen eskertpesi bar. Búl suret - Torghay topyraghynan shyqqan ýsh azamattyng bir-birine degen jaqyndyghynyn, dostyghynyng belgisi», - dep eske alady ózining esteliginde.

Sonday-aq kópshilik bop toptalyp týsken adamdardyng esimderin anyqtap bergen de Gýlnar apay.

M.Dulatov (jalghasy): Ádilev turaly qaytalanyp súraq qoyylghan): Ayttym ghoy jana, osydan eki-ýsh jyl búryn Ádilev bir jaqqa ketti, qayda ketkenin bilmeymin dep. Ádilev turaly osydan basqa eshtene aita almaymyn.

Búl arada M.Dulatovtyng Tashkentke qashan kelgeni jәne Bókeyhanovtan alghan haty turaly súraq berilgen:

"Men Tashkentke Orynbor arqyly bardym, sonda "Alashordanyn" kórnekti qayratkerlerining birazy - Bókeyhanov Álihan, Baytúrsynov, Áuezov Múhtar, Sәrsenov Biahmet sonda túrady eken. Tashkent pen Orynbordyng arasynda pochta baylanysy bolghanymen, kurierlik arnayy jýie әli joq edi. Bolghanbaev maghan iskerlik túrghydaghy emes, kәdimgi aman-saulyqty súrasqan Bókeyhanovtyng jazghan hatyn tabys etti, onyng mazmúny tek qana jeke bastyng amandyghyn qamtityn, Bolghanbaevtyng әkep bergen haty sol ghana".

Taghy da D.Ádilevting kórsetindisine jýginip súraqty naqtylay týsedi:

"Ádilevpen kezdesip jýrdim, biraqta bizding aramyzda iskerlik maqsattaghy pikiralysular bolghan emes. Ádilevpen men kóbinese Tashkenttegi Qazaq uniyversiytetining ishinde, onyng ózinde kezdeysoq kezdesip qalyp jýrdim. Keyde redaksiyagha soghyp ketetin. Onymen Kaufmannyng eskertkishi aldynda úshyrasqanym bar, biraq ne turaly sóileskenimiz esimde joq. Ádilevpen TurSIYK-ting jataqhanasynda kezdestim be, joq pa, qaperimde qalmapty, mýmkin ghoy alayda. Men Ádilevpen "Sholpan" jurnalyn ashu turaly jinalghan mәjiliste jýzdestim, ózgedey resmy jinalystar men jiyndarda ony kórgenim joq...

Tashkent qalasynda Ádilevti ertip Rysqúlovqa jolyqqan emespin. Sonday-aq, onyng tútqynda jatqan aghasy Bayseyit turaly menimen aqyldasqanyn esime týsire almay túrmyn. Eshqanday Núrlandy bilmeymin, dýrbi men qúbylnama degendi de estigen emespin..."

Mirjaqyp Dulatovqa búl súraqtardyng qoyyluy kezdeysoq emes. Óitkeni tura sol kýni, týske deyin D.Ádilevten de jauap alynyp edi. Tergeushi soghan sýienip bopsalap otyr. Al D.Ádilevting jauaptarynan qatty qysym kórgen adamnyng synayy bayqalady әri retti-retsiz oiyna týsken nәrseni aita bergen. Birdi aityp, birge kóshuining sebebi, tergeushiler de әr nәrseni quzay berse kerek. Sóitip otyryp ózderine kerekti jәne keyinnen ondaghan adamdy atu jazasyna búiyrtqan, al naqty tórt adamdy (Dinshening ózi de bar) attyrghan ótirik-shyny dәleldenbegen kórsetindi jasaghan.

Tergeuding basynda D.Ádilev terror turaly úzaq tolghaydy. Sonyng ishinde Álihan Bókeyhanov: qazaqta myqty terrorister joq. Áytpese osynshama basynbay, ayaghyn andyp basar edi. Onday batyl jigitterdi qazaq әieli әli tua almay keledi - dedi. Men sony dәleldegim keldi, - degenge sayatyn sózder de bar. Iske tikeley qatysy bolmaghandyqtan da keltirmedik.

"Stenogramma. Ádilev Dinmúhamedten alynghan jauaptyng hattamasy. 3 aqpan. 1929 jyl.

D.Ádilev (jalghasy): "...Aytpaqshy, Espolovting ýiinde Goloshekin turaly әngime boldy. Onda Goloshekinning ómirine tikeley qauip tóndiru jóninde mәsele qozghalghan joq. Tek Goloshekin qaqynda ghana sóz boldy. Onda qatysyp otyrghandardyng barlyghy da (Dulatov, Espolov, Ádilev - T.J.): eger de reti kelse oghan qastandyq jasaghan artyq bolmas edi, biraq ta búl óte qiyn dýniye, búl birinshiden; eger qastandyq jasala qalghan jaghdayda býkil halyqqa qatty kýizelis әkeledi, - degen qorytyndygha keldi. Sóitip, biz ýsheuimiz osy taqyryp tónireginde әngimelestik, alayda búl mәjiliste naqty sheshim qabyldaghamyz joq.

Mening aghayym tútqyndalghannan keyin ekinshi ret kelgenimde ol әngimege qaytyp oralghamyz joq.

1928 jyly jaz aiynda men Shymkent qalasyna kelip, Aymauytovpen jolyqtym. Ángime arasynda Goloshekin jóninde sóz qozghaldy. Oghan deyin men odan: Shymkent guberniyalyq atqaru komiytetining predasedateli kim dep súraghanymda, Aymauytov: "Makiyn. Ol jerde onbaghan bir búzyqty qoydy", - dep jauap berdi. Sodan keyin: Jetisu guberniyalyq atqaru komiytetining predsedatelii kim, - dep súradym, búryn ol orynda Ábilevting otyrghanyn biletinmin: oghan da bir búzaqy qoydy, - dedi Aymauytov. Tashkentke baru-barmauym turaly Aymauytovpen aqyldasqanym turaly da aitqanmyn. Ol sol joly qatty mazasyzdanyp: Áyteuir bir qara týnek tónip keledi, dýniyening astan-kesteni shyghyp, asty-ýstine tónkerilip barady, ainalang tolghan tynshylar men "ýndemester", tynysyndy taryltyp, algha bastyrmaydy, barlyq jerde de tynyshtyq ketken, qayda barsang da andudan qútylmaysyn. Qazaqstandy shynyraugha tastap, qatty kýizeltti, sonyng barlyghyna Goloshekin kinәli. Sol kelgennen bastap dýnie asty-ýstine tónkerildi, - dep múnyn shaqty. Sóitip, bizding әngimemiz Goloshekin jóninde boldy. Ángime arasynda ne ol ekeni, ne men ekenim esimde joq, әiteuir bireuimiz: oghan qastandyq jasamasa bolmas pa eken, - dedik. Aymauytov ózining múny - qastandyqty qoldaytynyn bildirdi. Ol maghan: "Ol qoldan kele me, joq pa, bilmeymin. Sen ózinning auylyna qayta ber, men jolay Tashkentke soghamyn, odan Qyzylordagha baramyn, sonda Qojanovpen, Dulatovpen aqyldasamyn, sen ózinning adamyndy jiber, barlyq súraghyna jauapty sol arqyly beremin", - dedi.

D.Ádilevting búl kórsetindisi Jýsipbekting basyn jútyp tyndy.

D.Ádilov (jalghasy): "Sondyqtan da, 28-jyly kýzde Núrlandy Qyzylordagha jiberdim de, oghan Goloshekinning qazir qayda ekenin Dulatovtan súrap bil, - dep tapsyrma berdim. Osydan-aq ol isting mәnisin aitqyzbay týsinip, ne isteu kerektigin aitar dep oiladym. Núrlannyng ne dep jәne qalay jetkizgenin bilmeymin, biraqta men Núrlan arqyly Goloshekinning ómirine naqty qanday jolmen qastandyq jasaymyn degen sózdi qadaghalap súraghamyn joq. Tek Dulatovpen әngimelese qalghan kezde Goloshekinning qayda ekenin bil dep qana aittym. Qaytyp oralghannan keyin Núrlan maghan, Dulatovtan Goloshekinning qayda ekenin súraghanyn, sonda ol: Goloshekin qazir Qyzylorda qalasynda túrady, biraq ta, Goloshekinning ómirine qastandyq jasau mәselesi әzirshe ashyq qaldy, sebebi, bireuining kózin qúrtqanmen, bәribir, ekinshisi keledi. Sóitip, jappay jazalau bastalady, al biz múnda ýi-ishimizben túrghandyqtan da qol-ayaghymyz baylauly, sondyqtan da búl әreket ózining keri nәtiyjesin berui mýmkin, - dep jauap bergenin aitty.

Ol kezde Aymauytov Shymkent qalasynda túrsa da Qyzylordagha jiyi-jii baryp keletin. Men onymen 28-jyldyng jazynda jýzdestim, al Dulatovpen jәne Espolovpen 27-jyldyng (28-jyl dep jazylyp, qaytadan 27 dep týzetilgen - T.J.) kókteminde әngimeleskemin. Núrlan Dulatovtan Goloshekinning qayda ekendigin súraghanda, Dulatov: ózinshe Goloshekindi joldan ysyryp tastaytyn kez keldi me dep súraghan boluy kerek dep týsingen boluy mýmkin. Goloshekindi qay jerde, kim, qalay óltiredi degen mәsele ashyq qoyylghan emes. Al tek qana ózimning kýshime senip, tәuekelge barugha mening shamam jetpeytin. Ángime tek Goloshekinge ghana qatysty edi, ózgeler jóninde sóz qozghalghan joq.

Súraq: Sizding Goloshekinning ómirine qastandyq jasau oiynyz bar ekendigin Núrlan bildi me?

Jauap: Áriyne, bizding Goloshekindi jek kóretinimizdi, barlyq qazaq últshyldarynyng oghan óshpendilikpen qaraytynyn, ony joldan taydyryp jiberu әreketining oiymyzda barlyghyn Núrlan biledi.

Men ózimning búrynghy jauaptarymda búl oqighagha toqtalmap edim, óitkeni búl mәsele qozghalmaghan bolatyn. Ózimning ómirimning eniske qaray qúldyray bastaghan kinәli kezim turaly qysqasha bayandap bergenimde Sizder Orynbordaghy, Tashkenttegi jәne Orta Aziyadaghy astyrtyn úiymdargha baylanysty jaylar jayyna qatty nazar audaryp, sony súray bastadynyzdar. Songhy oqighagha kezek bermedinizder jәne naqty súraq qoyylghan joq. Men Goloshekin turaly әngimeni aitpay-aq qoyar edim, biraq ta men esh nәrseden qoryqpaymyn, ony aitudan seskenip te túrghamyn joq, óitkeni men aqyryna sheyin tek shyndyqty aitugha bel budym".

Búdan keyingi әngime kýrt basqa jaqqa auysqan. Osy arada ýsh adamnyng basy qosylghan әngimeni mәjilis dep kórsetu ýshin tergeushiler D.Ádilevke qaytalap súraq qoyghan siyaqty.

D.Ádilov (jalghasy): "Bizding jinalysymyzgha Men, Dulatov pen Espolov, sonday-aq, maghan Aghabek Baydullaev qatysqan siyaqty kórinedi de túrady. Ol әngimege aralasqan joq, biraq ta osy әngimelerding kuәsi boldy. Men Shymkentte bolghan kezimde búl taqyryp turaly oghan eshtene aitqamyn joq, Saryarqada jýrgende de oghan aitpadym. Aghabek búl әngimening shet jaghasyn bilui tiyis".

Ózining qylmysy dәleldenbegendikten de isti jabu turaly aryz bergen Aghabek Baydullaevty sózge tartu arqyly, endi el ishindegi adamdardan qylmysker izdeuge kóshken. Onda - taraqty Biytembay, Baqay, Mәdibekterding Áubәkirovting isine qatysy aitylady. Sodan keyin qaytadan M.Dulatovqa kóshedi:

«Súraq: Núrlan arqyly sizge bergen Dulatovtyng songhy tapsyrmasy ne turaly edi?

Jauap: Núrlan arqyly ol bizge: El júrttan bir kýnshilik jerdey alystap sayaq jýrsin, adamdardy ýnemi sholghynshylyqqa jiberip túrsyn. Búl - uaqytsha ghana qúbylys. Degenmen de Qytay jaqqa qaray aqyryn jylystay bersin, - depti. Onyng mәlimetine qaraghanda Qarqaraly okruginde shamamen 80 adamdy biriktirgen qaruly top bar eken. Ol topta onyng jaqsy tanysy bar kórinedi, kim ekenin ol aitqan joq, alayda bizge osy toppen baylanys jasap, Qytay shekarasyna qaray ótip ketuge tyrysyndar dep kenes beripti. Ol: ózderining de tútqyndaluyn kýtip otyrghanyn, eger de olar jappay qamaugha alu jóninde bir nәrse seze qalsa-aq boldy, Qyzylordadan qashyp shyghyp, biz qyrda bolayyq, ne Qytay ótip keteyik, bәribir bizdi tauyp alyp, birge bolatynyn aitypty. Ol: eng dúrys jol - Qytaygha ótip ketu depti. Sodan keyin taghy da: Smaghúl Sәduaqasov Moskvadan Qyzylordagha kelisimen onymen jolyghyp, odan biz turaly súrap bilipti de, bizding jayymyzdy estigen son: onyng ózining de bizge qosylatyn kýnining alys qalmaghandyghyn aitypty. Dulatov sonymen qosa bizding óte berik boluymyzdy, ózimizdi-ózimiz qatal ústauymyzdy tapsyrypty. Shynyn aitsam, Smaghúl Sәduaqasovtyng janaghy sózi meni qanattandyryp jiberdi, kónilim kóterilip, ensem biyiktep qaldy. Múny ózge emes, anaday bedeldi qyzmetker, ózi Moskvada isteytin, Qazaqstannyng tarihynda asa ýlken roli atqaratynday asa bedeldi qayratker, ýlken kommunist aityp otyrsa, quanbaghanda qaytesin. Egerde Súmaghúl Sәduaqasovtyng ózi osynday mәlimdeme jasasa, onda jaghdayymyz shynynda da tózgisiz eken ghoy dep oilaymyn.

Qazaqstan - týrmege ainalypty, búdan ebin tauyp qútylu kerek eken dep sheshtim.

Qazaqstandaghy astyrtyn әdebiyet ýiirmesining bar ekendigi turaly men eshtene estigemin joq. Últshyl kósemderding janama attary maghan belgisiz. Men Tashkentte jýrgen kezimde bir kýni maghan Baytasov pa, әlde basqa bireu me, úmytyp qaldym, maghan Júmabaevting baghdarlamasyn kórsetkeni esimde. Ózimning әdeby ýiirmege tikeley qatysym bolmaghandyqtan da, oghan qatysqan joqpyn, ol jóninde eshtene aita almaymyn.

D. Ádilev.

Súraghan: PP OGPU-ding KSSR boyynsha shyghys bólimining bastyghy - Petrov».

Búdan keyin tergeu isine D.Ádilevtyng kezekti jauaby hattalghan. Onda Ahmetsafa Yusufov pen Jýsipbek Aymauytovtyn, oghan qosa Súmaghúl Sәduaqasovtyng „ózi biletin ómirlerine qayratker" retinde sholu jasaydy. Múnda aitylghan jaylargha tergeu isterin taldau barysynda naqty toqtalatyn bolghandyqtan da, búl arada mazmúndap jatudy artyq kórdik. Onda 1922-shi jyly asharshylyqa úshyraghan Torghay eline Semey ónirinen mal aidap barghan Jýsipbek Aymauytov pen Ahmetsfa Yusufovty jalghan jalamen sotqa tartylghan oqigha turaly bayandaydy. D.Ádilev M.Espolovtyng ómirine „sayasy bagha beredi". Sózining sonyn:

„Goloshokinge qastandyq jasau turaly oiymdy Dulatovqa aittym. Al Bókeyhanov bolsa, Moskvadaghy, Orynbordaghy terroristerding batyl qimyldaytynyn, qazaq qyzmetkerlerining onday әreketten qorqatynyn bizge aitty. Maghan Goloshokinge qastandyq jasau turaly oy sol kezde týsti", - dep „aghynan jarylady".

Tergeushiler Dinmúhamed Ádilev atyp óltirgen «Qara Noghaydyn» isine emes, býtindey Orynbordaghy, Tashkenttegi jәne Orta Aziyadaghy astyrtyn úiymdardyng әreketin bayandaugha kóshti. Sóitip, tergeushiler basty maqsatyna jetip tyndy. M.Dulatovty, M.Espolovty, J.Aymauytovty, Aghabek Bayduldaevti, Núrlan Kәribaevti Goloshekinning ómirine tikeley qastandyq úiymdastyrushy terrorist retinde aiypty etip shyghardy. Sonday-aq qylmysty iske endi shygharmashylyqpen ainalysatyn ziyalylardy tartu ýshin tergeushiler әdeby ýiirmelerdi de astyrtyn úiymnyng qataryna qosty.

Búdan keyin tergeuding basty әshkereleushi baghytyna ainalghan 1918-1919 jyldary túnghysh tәuelsiz Bashqúrt memleketining tóraghasy, jalpygha ortaq Týrkistan memleketin qúru turaly úsynystyng belsendi avtorynyng biri, Kenes ókimetine qarsy ashyq maydanda kýresken, Týrkistan ýkimetin qúru maqsatynda Samarqangha qúpiya týrde barghan Zaky Uәlidy Toghan (Validov) turaly súraq qoyylghan:

M.Dulatov (jalghasy): "Validov Bashqúrt Ýkimetining basshysy bolatyn. Onyng keyingi kezde kenes ýkimetine qarsy shyqqanynan habardarmyn, búryn ol partiya mýshesi bolatyn, keyin odan bas tartty. Qazir shet elde jýr dep estidim...".

Osy arada: "Zaky Validovpen kezdestiniz be jәne qashan?", - degen mazmúnda súraq qoyylghan:

M.Dulatov (jalghasy): "Validovpen men birinshi ret tónkeristen búryn Orynbor qalasynda kezdestim, onda ne ýshin kelgenin bilmeymin. Ol sol kezde Baytúrsynov shygharyp túrghan "Qazaq" gazetining redaksiyasyna keldi. Ol bizben bir-bir jarym saghattay әngimelesti. Búl - 1915 ne 1916 jyldardyng biri edi. Ángime - týrki әdebiyeti men tarihy, týrki terminderin ortaqtastyru turaly qozghaldy.

Ekinshi ret 1918 jyly kýz aiynda Orynborda kezdestim. Bashqúrt Ýkimeti ol kezde Orynbordaghy Keruen-Sarayda ornalasqan edi. Búl kezde ol Bashqúrt ýkimetin basqaratyn, әri Kenes ókimetine qarsy edi, men onymen baylanys jasap túrdym. Onyng Keruen-Saraydaghy pәterinde men eki ret boldym jәne eng ózekti mәseleler jóninde әngimelestim. Ol kezde men "Qazaq" gazetinde isteytinmin, sondyqtan da pәlendey bedelim bolmady. Validov sol kezding ózinde kenes ókimetin jek kóretin. Onyng basty maqsaty - qazaqtar men bashqúrttardyng kýshin biriktirip, kenes ókimetine qarsy júmys isteu edi. Mine, osy mәselening tónireginde әngime órbittik. Men onyng pikirin qostadym. "Alashorda" men Validovtyng arasynda tyghyz baylanys bar edi. Bashqúrt ýkimeti men "Alashordanyn" arasyndaghy baylanysty Birimjanov jalghastyryp túrdy, búl oqigha 1919 jyldyng ayaghynda ma, joq 1920 jyldyng basynda ótti me, ony úmytyp qalyppyn. Birimjanovty Validovke jibergen kezde men jolsaparda jýr edim. Birimjanov Validovqa habarlasu ýshin jәne әri qaray baylanysty ýzbeu ýshin jiberildi. Ony jibergender oblystyq bólimning jetekshileri - Espolov, Qadyrbaev jәne Baytúrsynov edi. Búl sapardyng eshqanday nәtiyjesi bolmady. Validov ózining qanday kýshke ie ekendigin aitypty. "Alashorda" ýkimeti men Bashqúrt ýkimetining arasynda tyghyz baylanys boldy. Al Bashqúrtstannan bizge bir tatar kelip túratyn, onyng atyn da, týrin de bilmeymin. Sodan qaytyp Validovty esh jerde, eshqashan kórgen emespin.

Tek ol turaly: tyghylyp jýr eken, TurSIYK-ke keshirim jasau turaly hat joldapty, Búqara jaqta tyghylyp jýr eken, - degen ispetti alypqashty sózderdi estidim, biraq oghan baryp jolyqqan kim, ol jaghynan maqúrymmyn. Birimjanovpen Tashkentte kezdestim, ol ol kezde "Aq jol" gazetinde isteytin, ol Validovpen tanys bolatyn, biraq ta mening oiymsha ol Tashkentten attap shyqpaghan siyaqty, búl jaydyng jay-japsary maghan bimaghlúm".

Jalpy týrki tektes halyqtardyng tәuelsizdigi jolyndaghy sayasy strategiyalyq is-qimyldardy rettep, ýilestirip, sheshim qabyldauda 1918 jylghy 30-tamyz ben 7-qyrkýiekting arasynda Orynbor men Samarada ótken Bashqúrtstan, Qazaqstan, Týrkistan ýkimetterining mýsheleri - Álihan Bókeyhanov, Ahmet Baytúrsynov, Mirjaqyp Dulatov, Qoqan ýkimetining tóraghasy Múhamedjan Tynyshbaev, syrtqy ister ministri (Qoqan ýkimetinin) Mústafa Shoqaev, Ubaydulla Hojaev t.b. qatysqan mәjilis erekshe oryn alady. Onda osy ýsh ýkimetting negizinde «Ontýstik-Batys músylmandary federasiyasy» qúrylyp, qazaq-bashqúrt birikken әskerin jasaqtau jóninde úigharym jasaldy. Sonday-aq Sosialisterding azattyq partiyasynyng baghdarlamasy týrik halyqtarynyng talabyna sәikes keletindikten de, sol partiyanyng ainalasyna birigu kózdeldi. Múny Álihan Bókeyhanov jәne onyng jaqtastary derliktey qoldady. Oghan ózbekter jaghynan Nizam Hojaev, Sholpan, Ábdilhamit Aripov te qosyldy. Eng bastysy: kenes ókimeti tarapynan qysymgha úshyraghan týrki ziyalylary Týrkistangha shoghyrlansyn, qanday jaghday bolsa da kýresti eshqashanda toqtatpau kerek, - degen úigharymgha keledi.

Reseydegi әskeriy-sayasy jaghday shiyelenisip, Kolchaktyng Sibir ýkimeti, Samaradaghy Qúryltay ýkimeti ózara qaqtyghysyp, bolishevikterge qarsy kýresti әlsiretip aldy. 1918 jyly 21 qarashada Kolchak ózin Reseyding biyleushisi dep jariyalady. Bashqúrtstan men «Alashordany» moyyndaudan bas tartyp, olardy taratyp, kósemderin atu jazasyna kesu turaly búiryq berildi. Sondyqtan da Bashqúrt әskeri men «Alashorda» jasaghy tórt jaqty: Kolchak ýkimeti әskeri, kazak atamandary әskeri, qyzyl armiya jәne jergilikti últ jasaqtary (bashqúrttar ýshin - tatar atqyshtary, qazaqtar ýshin - Jangeldin men Imanov jasaghy) tarapynan qyspaqqa týsti.Sóitip óte qiyn jaghday qalyptasty. Fransiya, Angliya, AQSh, Japoniya memleketteri Kolchakty jaqtap, últtyq federasiyalardy shettetti. Endi tórt jaqty qysymgha týsip, jazagha úshyrau qaupi shyndyqqa ainaldy. Azattyq ýshin kýresken әskerdi qyrghyngha úshyratu, ne onyng ózge amalyn tauyp, aman saqtap qalu mәselesin sheshu kerek boldy.

Búl turaly Zaky Validov: «Soghan qaramastan «Alashordamen» birigip Aqtóbe maydanyndaghy qarsylastargha soqqy berudi tezdetip, Týrkistandyqtardyng qaruly kýshimen qosyludy oilastyrdyq. Torghayda bizdi Ghadelihang Ghabitov pen qazaq Ghazymbek Birimjanov jankeshti enbek etti. Temir jol arqyly baylanystyng ýziluine baylanysty biz «Alashordamen» tek salt atty shabarmandar arqyly habarlasyp túrdyq. Oqigha sonday ýreyli jyldamdyqpen damydy. Biz dúshpannyng tórt jaqty: Samara men Aqtóbe jaqtan qyzyldardyng jәne Dutov pen Kolchaktyng әskerining qyspaghynda qaldyq», - dep eske aldy.

Sonday qúrsauly qorshauda jýrip týrki tektes halyqtardyng ýkimet mýshelerining kenesin ótkizip, Týrkistannan jasyryn kelgen Mústafa Shoqaevti jalpy týrkistandyq ýkimetting syrtqy ister ministri mindetin atqaru maqsatynda Guriev arqyly shet elge jasyryn jiberedi. Ermolaevka selosyndaghy bashqúrt, qazaq birikken әskery kensesine týsken barlau mәlimetteri «maydan shebin ózgertuge» mәjbýr etedi. Búl «Alashorda» ýkimetining de baghyt-baghdaryn ózgertken, «Alash» avtonomiyasynyng da, qazaq qoghamynyng da damuyna betbúrys әkelgen betbúrys edi.

M.Dulatov (jalghasy): (Stalinning arnayy jarlyghymen jabylghan, Tashkentte shyghyp túratyn) "Aq jol" gazetining jabylu sebebi: astana Qyzylordagha kóshti, al onyng ornyna "Enbekshi qazaq" gazetin qaldyru turaly sheshim qabyldandy. "Aq jol" gazetinde men istep jýrgende eshqanday iydeologiyalyq auytqushylyq bolghan joq siyaqty".

1929 jyly 3 qantar kýni Mirjaqyp Dulatovtan ekinshi ret jauap alynghan. Múnda taghy da "Alashorda" túsyndaghy oqighalar qaytalana aldygha tartylady. Tergeuding hattamasy:

"Súraq: siz óz jauabynyzda: Kolchak Ýkimetining "Alashordany" taratu turaly úsynysymen kelispegendikten de, Torghay qalasyna attanyp, ýkimetting júmysyn sonda jalghastyrdyq, - dep jazdynyz. Torghay qalasyndaghy osy úiymnyng qalay dep atalghanyn mening bilgip kelip otyr.

Jauap: Ol - Torghay bólimi dep ataldy. Semeyde - Shyghys bólimi, Oralda - Batys bólimi boldy. Sondyqtan da, bizding bólimimiz - "Alashordanyn" Torghay bólimi dep ataldy.

Súraq: "Alashordanyn" Torghay bóliminde atap-atap aitqanda kimder boldy?

Jauap: Men, Espolov, Qadyrbaev jәne Baytúrsynov.

Súraq: Sizder óz aralarynyzdaghy mindetterdi qalay bólistinizder?

Jauap: Biz júmysty júmyla istedik, eshkim de naqty bir salany bólip istegen joq, óitkeni biz kóshpeli ómir sýrdik.

Súraq: Degenmen de sizderde qanday da bolmasyn belgili bir bólim boldy emes pe?

Jauap: General Dashkin basqarghan әskery bólim boldy. Ekinshi bólim - Áskery Kenes dep ataldy.

Súraq: Azamattyq isterdi kim basqardy?

Jauap: Áskery Kenes.

Súraq: Torghayda sizderge baghynyshty qanday әskery bólimder boldy?

Jauap: General Dashkin ketkennen keyin bizding jasaqty Qasymov basqardy, ol oqqa úshty. Bizge tek ózimizding jasaghymyz ghana baghyndy.

Súraq: Ol qalay dep ataldy jәne oghan kim qolbasshylyq etti?

Jauap: Ol - "Alashordanyn" jasaghy dep ataldy jәne oghan Qasymov basshylyq etti. Ózge әskery bólim bolghan joq. Kazaktardan (orystardan) qúralghan Mogiylevting polki boldy.

Súraq: Basqa әskery bólimder, yaghni, tek qana qazaqtardan qúralghan jasaq bolghan joq qoy?

Jauap: Joq. "Alashordanyn" jasaqtarynan basqa qazaqtardan qúralghan әskery bólim bolghan joq.

Súraq: Sizding bergen jauabynyzgha qaraghanda Kolchakqa baghynghynyz kelmey Torghay dalasyna ketudi úigharypsyz. Demek, Siz Kolchak ýkimetimen eshqanday da baylanys jasamaghan bolyp shyghasyz ghoy?

Jauap: Ol týgil biz Shyghys jәne Batys bólimderimen de baylanys jasaghamyz joq. Al Kolchak ýkimetimen ne mening ózim, ne ózgelerding eshqaysy baylanys jasaghan joq. Alghashynda, "Alashorda" qúryltay mәjilisining Komiyteti men Kolchaktyng ýkimeti birlesip júmys istegen kezde "Alashordanyn" olarmen baylanysy boldy. Biraq ta, men Torghaygha ketken song baylanys ta, habar almasu da bolghan joq, yaghni, kәdimgi әskery otryadtarmen tikeley qarym-qatynas jasalghan joq.

Súraq: Demek, Torghay qalasyndaghy "Alashorda" ýkimeti Kolchak ýkimetimen auyzsha da, jazbasha da baylanys jasaghan joq qoy?

Jauap: Joq, keyinnen biz kenes ókimetine (sovdepke) qosylghan song olargha ózimizding ókilimizdi jiberdik.

Súraq: "Alashordanyn" Torghaydaghy bólimi sot-tergeu isimen ainalysty ma?

Jauap: Joq.

Súraq: Sizding óziniz nemese "Alashorda" Ýkimetining jekelegen mýsheleri sol kezde Torghayda túrghan qyzyl әskerler otryadynyng jekelegen adamdaryn atugha qanday da bir yqpal ettinizder me?

Jauap: Joq, kenes ókimetining jekelegen ókilderin atugha eshqaysymyz qatysqamyz joq. Mogiylevting polki bizding rúqsatymyzsyz-aq ózderi atyp jatty.

Súraq: Sonda da siz oghan qarsy bolghan joqsyz ghoy?

Jauap: Oghan bizding dәrmenimiz jetpedi, óitkeni, Mogiylevting polki kelisimen barlyq biylikti óz qoldaryna aldy.

Súraq: Atardyng aldynda sizdermen aqyldasty ma?

Jauap: Joq.

Súraq: Siz ózinizding qay uaqytta Torghayda bolghanynyzdy esinizge týsire almaysyz ba?

Jauap: 1919-jyldyng nauryzynyng ayaghynda, ne kókekting basynda keldim de, shamamen shildede ne tamyzda ol aradan kettim.

Súraq: Sizding jauabynyzgha qaraghanda Sizding kenes ókimeti túsyndaghy ýzdiksiz istegen enbek jolynyz 1920 jyldyng 20 qyrkýieginen, yaghni, Omby qalasyna baryp guberniyalyq atqaru komiytetine kirgen sәtten bastalady eken. Sodan beri Siz kenes ókimetining mýddesi ýshin qyzmet etip kelesiz. Osy 1920-1929 jyldardyng arasynda Siz qanday da bir bolmasyn keneske qarsy әreket etuge niyettengen joqsyz ba?

Jauap: Kenes ókimeti túsyndaghy atqarghan qyzmetimning bәrinde de oghan qarsy baghyttalghan әreketterge qatysqamyn joq, eshqanday jasyryn júmys jýrgizgemin joq".

Osydan keyin Mirjaqyp Dulatovtyng óz qolmen jazylghan mynaday sóz bar:

"Ózimning bergen jauabyma qosarym mynau: Torghay bólimining úiymdastyryluy men júmys isteui barysynda "Alashordanyn" Shyghys bóliminen bir adam keldi, búl 1918-jyldyng ayaghy ne 1919-jyldyng qys mezgili bolatyn (Kelgen adam Sәrsenov Dalil edi), sodan keyin biz Torghayda túrghan kezde 1919-jyldyng jazynda Kenjin bizding atymyzdan solargha bardy. Qoly qoyylghan. Súraghan PP OGPU-ding QSSR boyynsha orynbasary - Saenko".

Zady, búl súraqtar stenogrammadan tys qoyylghandyqtan da alynghan aighaqqa jalghan maghlúmattar qosylyp ketpes ýshin ózi qol qoyyp rastaghan. Sebebi atalghan adamdar jóninde jalghan mәlimetter keltirip: M.Dulatov sizding ýstinizden mynaday kórsetindi berdi, - dep aighaq esebinde paydalanuy әbden mýmkin edi.

(Jalghasy bar)

"Abay-aqparat"