Júmys tolyq toqtaghan. Ereuildegender keshke qaray týngi auysym júmysshylary kelip ereuildi tang atqansha jalghastyrghandaryn aitty.
Janaózende 1 shilde kýni "KEZBI" kompaniyasynyng ereuildegen 600-ge tarta júmysshysy kense aldyna qayta jinaldy. Sәrsenbi týninde týngi auysymnyng júmysshylary kompaniya ghimaraty aldynda tandy atyrghan. Kompaniyada júmys tolyq toqtaghan.
- Mәsele óte kóp. Osy jigitterding enbegin tabelige týsiremin. Bizder basshylardyng aituy boyynsha, 440-760 saghat ýshin 15% ýsteme qoyymyz kerek. Biraq is jýzinde jospardy 700-800 saghatqa oryndaymyz, sol sebepti 60% ýsteme qoyamyz, ony tólemeydi. Adamdardyng aqysy tólenbey otyr, - deydi ózin 20 brigada sheberi Baqytjan Bayjanov dep tanystyrghan jigit.
Jinalghandargha oblys әkimi Serikbay Túrymov keldi.
– Qúzyrly oryndarmen qúrylghan komissiyamen otyryp qazir júmys jasaymyz. Sizderge sheshimin aitamyz, - dedi ol narazy júmysshylargha.
30 mausymda enbek jaghdayyn jaqsartudy talap etip, júmysty toqtatqan "KEZBI" mekemesi júmysshylarymen kelissóz komissiyasy qúrylghan. Oghan narazy júmysshylar ókili retinde Azamat Japarov, Jolmúrat Úlyqpanov, Baymúrat Ájekenov, Sәbit Moldabekov kirgen. Keshki toghyzdarda ayaqtalghan komissiya júmysyna jinalghandardyng kónili tolmady. Olar talaptarynyng birde-bireuining sheshilmegeni aitady.
Júmysshylardyng talaptary tómendegidey:
- Jalaqyny kóterip, syiaqy tóleu jýiesin qayta qarastyru;
- Mereke kýnderinde jasalghan júmystar men ziyandy aimaqtaghy júmys ýshin aqy tóleu;
- Júmysshylardy enbek ótiline qaray qyzmet jaghynan kótermeleu;
- Enbek demalysyna qosymsha sauyqtyru oryndaryna barudy qamtamasyz etu;
- Únghymalardy jóndeytin sheberlerge jaghday jasau;
- Búrghyshylardyng qasyna kómekshi beru;
- Standartqa say qúral-saymanmen qamtamasyz etu;
- 2019 jyldyng qantarynan bastap júmysshylargha beriletin qarajat turaly esep beru.
1992 jyly qúrylghan "Kezbi" jauapkershiligi shekteuli seriktestigi Manghystau oblysyndaghy múnay kompaniyalaryna únghymalardy jóndeu boyynsha qyzmet kórsetedi. Ol Janaózendegi eng iri múnay kompaniyasy "ÓzenMúnayGaz" aksionerlik qoghamynyng merdiger mekemesi. Múnda jalpy sany 27 brigada bar. Kompaniyada 1200-ge juyq adam júmys isteydi.
Abai.kz
