«Aron Atabekke eng әueli shúghyl týrde qymbat em-dom qajet jәne «Shanyraq isi» boyynsha tolyq aqtaluy tiyis. Oghan oidan qúrastyrylghan aiyptar taqty, onymen birge Erghanat Taranshiyev, Rýstem Túyaqov jәne Qúrmanghazy Ótegenov kóp jylgha zansyz sottaldy. Aron shartty týrde bosatudy da, "raqymshylyq ta", "reabilitasiya da" súraghan joq. Ol ózderin («Shanyraq isi» boyynsha sottalghandardy) tolyq aqtaudy talap etedi. Arondy is jýzinde ýiine óluge jiberdi dep sanaytyndar kóp, biraq jaratushy dúghamyzdy qabyl etip, Arongha búrynghy qauqaryn azdap bolsa da qaytaryp berer dep ýmittenemiz. Azamattyq qoghamnan eng aldymen, bostandyghyn shekteytin sheshimning kýshin joyyp, asa zәru em qabyldauy ýshin esh kedergisiz tezirek shetelge attanuyna jaghday jasaugha jәrdem súraymyz»,- delingen mәlimdemede.
Mәlimdeme avtorlary kópshilikten Aron Atabekke biraz uaqyt es jinauyna mýmkindik beruin súrap, mazalamauyn da ótingen.
Habarlamada Aron Atabek qamaudan shyqqansha bir kezde tónireginde bolghan jaqyn adamdary men kýresker dostary, jaqtastary men әriptesterining qatary siyrep, ómirden ozghany aitylady. Onda 2020 jyly pandemiya kezinde qaytys bolghan inisi, 1990 jyldardaghy dissiydenttik qozghalysqa atsalysqan Rashid Habibulla (Nútyshev), Aron jayly maqalalar jazghan Erbol Qúrmanbaev, biyl dýniyeden ótken, «Shanyraq isi» boyynsha jýieli týrde habar taratyp, maqalalar jazghan jurnalister Qazis Toghyzbaev, Baqytgýl Mәkimbay, oppozisiyalyq sayasatker, rejisser Bolat Atabaev, kompozitor Baqtiyar Amanjol, aqyn Dýisenbek Naqypovtyng aty-jóni atalghan.
Ayta keteyik, Aron Atabek 2006 jyly Almatyda bolghan «Shanyraq» oqighasyna qatysqany ýshin 18 jylgha sottaldy. Oghan oqigha barysynda polisiya qyzmetkerin óltirdi degen aiyp taghylyp, 15 jylyn Pavlodardaghy týrmede ótedi. Al, 2021 jyldyng 1 qazanynda Pavlodardyng №2 soty Aron Atabek densaulyq jaghdayyna baylanysty jazasynyng qalghan bóligin shartty týrde ótesin degen qauly shygharghan. Sol kýni týnde ony jolaushy úshaghymen Almatygha jetkizildi. Alayda, Aron Atabekti qarsy alu ýshin әuejaygha jinalghan júrtqa kórsetpey, úshaqtan birden ýiine aparghan.
Abai.kz
