Almaty oblysynda әkimdikten údayy kómek súrap kelgen analar kәsipke bet búryp, isterin dóngelete bastady, Mәselen, Taldyqorghanda «Asyl analar» qoghamdyq qory qúryldy. Ol jerde kópbalaly jәne mýgedek balalary bar analar tigin sehyn ashyp, óz isterimen ainalysyp jatyr.

Ómirlerin 100 payyzgha ózgertip jatqan búl jandar barlyghyna ýkimettik emes úiym arqyly qol jetkizgenin aituda. «Ákimdikke baryp, bizge ýy kerek, azyq-týlik kerek dep súrap jýretinbiz. Sodan keyin týsindik, qashangha deyin bireuge qol jayyp, kómek súraymyz. Sol sebepti oblys basshysyna óz tigin sehymyzdy ashyp, júmys istesek degen úsynysymyzdy bildirdik. Bizdi qoldap, osynday tigin sehyn ashyp berdi. Qazir sol jerde 23 ana júmys isteydi. Ýkimettik emes úiym ashyp, qúral-jabdyqtardy lizingke alyp berdi. Qazir týrli zattardy tiguge tapsyrys alyp, júmysymyzdy istep jatyrmyz», - dedi ýkimettik emes úiymdar arasynda ótken bayqaudyng jenimpazy Áygerim Jolamanova.

Býginde jaqsy nәtiyje kórsetip ýlgergen «Asyl analar» tigin sehy ýkimettik emes úiymdardyng ishinde ýzdik joba dep tanyldy. «Qogham men memleketting ornyqty damu mýddesindegi әriptestigining 30 jyly» atty forumda ózge de ýkimettik emes úiymdar marapattaldy. «Almaty oblysy boyynsha 920 memlekettik emes úiym bar. Biraq sonyng bәri belsendi júmys istep jatyr dep aita almaymyz. Degenmen, 500-den artyghy Tәuelsizdikting alghashqy jyldarynan bastap, ózderining órisin keneytip, júmystarymen tanylyp jatyr», - dedi Almaty oblystyq ishki sayasat basqarmasynyng basshysy Rahmet Esdәuletov.

Ýkimettik emes úiymdargha Almaty oblysynda qoldau kóp. Mәselen, biyl memlekettik әleumettik tapsyrys ýshin 350 million tengege juyq qarjy bólingen. Odan bólek týrli granttargha da qarjy beriledi. Ýkimettik emes úiym jayly beyhabar jandar ýshin arnayy ghimarat salynyp, ol jerde baghyt-baghdar beretin mamandar da otyr.

Abai.kz