«Boriys, seniki dúrys emes!» degen qanatty sóz kezinde kommunistik burokratiyamen kýresken Boris Elisinge Egor Ligachev degen kompartiyanyng ortodoks baghyttaghy bas iydeologynyng azuynan shyghyp, janasha tarihta altyn bolmasa da, kommunisterding jalauynyng týsi ispettes – qyzyl әrippen jazylyp qalyp edi.

Mine, sodan beri qyryq jyl ótipti.

Endi, mine, osy sózdi Úlybritaniyadaghy ýkimet daghdarysyna qatysty «Boriys, seniki dúrys emes!», - dep sol elding premier-ministri Boris Djonsongha aitugha mәjbýrmiz.

Mәselening mәnisi mynada.

Premier retinde Djonson Pincher degen bireuge tikeley qol úshyn berip jýredi. Ósiredi, óndiredi. Onyng moralidyq kelbeti turaly ashy shyndyq – araqqa salynghan әri kóringenge kóz sýzer erkekqúmar – oghan o bastan mәlim bolsa da, Boris ony qoldauyn toqtatpaydy, partiya men ýkimettegi asa jauapty qyzmetterge tartady.

Tózimning de shegi bar. Qanshama syn aitylsa da, premierding tikeley qoldauymen sayasy karierasyn jalghastyra bergen Pincher jaqynda taghy da kózge týsipti: kópshilik jerde araqqa sylqiya toyyp alyp, kózi týsken eki erkekke tiyisken eken.

Aytpaqshy, premierding ózi de búghan deyin kovidtik qatang karantin túsynda Dauning-strittegi óz kensesinde kónildi keshter ótkizip kózge týsip qalghan-dy.

Mine, osynyng bәri Djonsonnyng partiyalas әriptesterining ashu-yzasyn tughyzyp, olar top-tobymen partiya qatarynan shyghyp, qyzmetterinen kete bastady. Barlyghy 30 adam!

Sóitken olar Boris Djonsonnyng ózinen qyzmetinen ketudi talap etedi!

Basynda qarsylyq tanytqan ol endi, mine, keshe óz erkimen otstavkagha ketti.

Alystaghy Úlybritaniyadaghy osy jaghday turaly men nege jazyp otyrmyn?

Sebebi bir: bizde sheneunikterge qatysty әngime bolghanda, olardyng moralidyq, adamy qadir-qasiyetteri turaly kóp aita bermeymiz.

Synasaq, negizinen onyng qyzmeti ne atqaryp jatqan isi men resmy jiyndarda aitqan sózderine baylanysty syn aitamyz. Olardyng jeke ómiri jayynda bile bermeymiz.

Meninshe, halyqtyng salyghynyng arqasynda kýn kórip jýrgen kez kelgen adamnyng – auyl әkiminen bastap preziydentke deyin – keskin-kelbeti, jeke ómirine qatysty bar aqparat meylinshe ashyq ta jariya boluy tiyis!

Onday ashyqtyq únamay ma, onda memlekettik qyzmetten ket, jeke tirlikpen ainalys, sol kezde sening qay jerde kimmen dastarhandas bolghanynda eshkimning de shataghy bolmaydy!

Kórdiniz be, jeke ómirine qatysty bir ghana ynghaysyz jayt ýshin sheneunikting ózi ghana tayaq jep qoymay, oghan proteksiya jasap kelgen dyrday ýkimet basshysy da ózin sayasy qúrbandyqqa shaldy.

Áriyne, Boristin: «Basqa adamnyng oqys qylyghyna mening esh qatysym joq! Qyzmetimde qalamyn!», - dep qasarysyp qaluyna da bolatyn edi ghoy. Britan premieri óitpedi. Djentlimendik tanytty. Basqa bireuler sekildi kreslogha jabysyp qalghan joq. Óitkeni, ol jaqta moralidyq qúndylyqtardy orny bólek. Qoghamdyq pikirding salmaghy bólek.

Áytpese, premier retinde Djonsongha halqynyng taghar esh kinәsi joq: ekonomika men әleumettik sala damyp keledi, ghalamdyq daghdarys pen pandemiya qiyndyqtarynan eli aman-sau shyghyp keledi, әlemdik sayasattaghy Úlybritaniyanyng orny sol qalpynda. Ásirese, onyng Ukrainadaghy soghysqa qatysty belsendi pozisiyasy barsha júrtty tәnti etip, onyng halyqaralyq alandaghy bedelin aspangha bir shyghardy.

Tek әneubir partiyalasynyng óz basshysyn úyatqa qaldyrghany bolmasa: onday onbaghangha qoldau kórsetip kelgen Boristiki shynymen de dúrys bolmady!

Ámirjan Qosan

Abai.kz