Biylghy jana oqu jylynda 1-synypqa baratyn balalardyng 70%-y qazaq tilinde oqudy tandaghan. Búl turaly oqu-aghartu ministrligi habarlady.

Ministrlik mәlimetinshe, 1-synypqa qújat qabyldau merzimi 4 aigha sozylyp,
400 myng ótinish týsken. Onyng 80%-y elektrondy formatta tapsyrylghan. Qújat tapsyrghandardyng 70%-y memlekettik tilde oqugha qújat bergen.

Birinshi synyp oqushylarynyng eng kóp sany:

Abay, Shyghys Qazaqstan, Batys Qazaqstan, Qostanay jәne Qaraghandy ​​oblystarynda, sonday-aq Núr-Súltan, Almaty jәne Shymkent qalalarynda.

Balalardy qazaq tilinde oqytatyn synyptargha qamtudyng joghary kórsetkishi:

Qyzylorda (89,6%), Úlytau (86,6%), Manghystau (86,2%), Jambyl (80,4%) oblystary.

Sonymen qatar, Oqu-aghartu ministrligi 1-synyp oqushylary tek ana tilinde bilim alatynyn mәlimdedi. Búl sheshimdi beldi deputattardyng ózi de qoldap otyr.

Olardyng pikirinshe, basqa memleketterde eng aldymen bala miyna ana tilin jetik mengertedi.

«Miy әli qalyptaspaghan kishkentay ghana 6-7 jastaghy baladan birden ana tilinen bólek, orys, aghylshyn tilin oqytu birde-bir memlekette joq. Men әlemning býkil damyghan memleketterining bilim jýiesin qarap kórdim. Sonyng ishinde eki tildi 1-synyptan oqytatyn eki-aq el bar eken. 2-synyptan oqytatyn 4 memleket bar», - deydi senator Múrat Bahtiyarúly.

«Ana tilining sóileu әreketin 1-2 synyptyng sonynda mengerip bitedi. Sol kezde bala ana tilining tól sóileu әreketin biledi. Óz jasynyng dengeyinde mengeredi dep aita alamyz. Osylaysha shet tilin 3-synyptan bastap engizgen dúrys», - deydi tiltanushy ghalym Tanat Ayapova.

Abai.kz