بەيسەنبى, 28 ناۋرىز 2024
بەتبۇرىس 3532 7 پىكىر 2 تامىز, 2022 ساعات 11:54

قازاق بالالارى قازاقشا وقۋدى تاڭداپ جاتىر

بيىلعى جاڭا وقۋ جىلىندا 1-سىنىپقا باراتىن بالالاردىڭ 70%-ى قازاق تىلىندە وقۋدى تاڭداعان. بۇل تۋرالى وقۋ-اعارتۋ مينيسترلىگى حابارلادى.

مينيسترلىك مالىمەتىنشە، 1-سىنىپقا قۇجات قابىلداۋ مەرزىمى 4 ايعا سوزىلىپ،
400 مىڭ ءوتىنىش تۇسكەن. ونىڭ 80%-ى ەلەكتروندى فورماتتا تاپسىرىلعان. قۇجات تاپسىرعانداردىڭ 70%-ى مەملەكەتتىك تىلدە وقۋعا قۇجات بەرگەن.

ءبىرىنشى سىنىپ وقۋشىلارىنىڭ ەڭ كوپ سانى:

اباي، شىعىس قازاقستان، باتىس قازاقستان، قوستاناي جانە قاراعاندى ​​وبلىستارىندا، سونداي-اق نۇر-سۇلتان، الماتى جانە شىمكەنت قالالارىندا.

بالالاردى قازاق تىلىندە وقىتاتىن سىنىپتارعا قامتۋدىڭ جوعارى كورسەتكىشى:

قىزىلوردا (89,6%), ۇلىتاۋ (86,6%), ماڭعىستاۋ (86,2%), جامبىل (80,4%) وبلىستارى.

سونىمەن قاتار، وقۋ-اعارتۋ مينيسترلىگى 1-سىنىپ وقۋشىلارى تەك انا تىلىندە ءبىلىم الاتىنىن مالىمدەدى. بۇل شەشىمدى بەلدى دەپۋتاتتاردىڭ ءوزى دە قولداپ وتىر.

ولاردىڭ پىكىرىنشە، باسقا مەملەكەتتەردە ەڭ الدىمەن بالا ميىنا انا ءتىلىن جەتىك مەڭگەرتەدى.

«ميى ءالى قالىپتاسپاعان كىشكەنتاي عانا 6-7 جاستاعى بالادان بىردەن انا تىلىنەن بولەك، ورىس، اعىلشىن ءتىلىن وقىتۋ بىردە-ءبىر مەملەكەتتە جوق. مەن الەمنىڭ بۇكىل دامىعان مەملەكەتتەرىنىڭ ءبىلىم جۇيەسىن قاراپ كوردىم. سونىڭ ىشىندە ەكى ءتىلدى 1-سىنىپتان وقىتاتىن ەكى-اق ەل بار ەكەن. 2-سىنىپتان وقىتاتىن 4 مەملەكەت بار»، - دەيدى سەناتور مۇرات باحتيارۇلى.

«انا ءتىلىنىڭ سويلەۋ ارەكەتىن 1-2 سىنىپتىڭ سوڭىندا مەڭگەرىپ بىتەدى. سول كەزدە بالا انا ءتىلىنىڭ ءتول سويلەۋ ارەكەتىن بىلەدى. ءوز جاسىنىڭ دەڭگەيىندە مەڭگەرەدى دەپ ايتا الامىز. وسىلايشا شەت ءتىلىن 3-سىنىپتان باستاپ ەنگىزگەن دۇرىس»، - دەيدى ءتىلتانۋشى عالىم تاڭات اياپوۆا.

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1561
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2251
عيبىرات

قايسار رۋحتى عازيز جان

مۇحتار قۇل-مۇحاممەد 3504