"Bala aldymen óz tilinde oqyp, jaza bilui tiyis". Búl turaly Ýkimet otyrysynda  Oqu-aghartu ministri Ashat Aymaghambetov aitty, dep jazdy baq.kz portaly.

Jana oqu jylynda mektepterge qatysty birqatar janashyldyq engizildi. Birinshiden, arnayy zertteuler men saraptamalardyng qorytyndysyna sәikes 1-synyp oqushysyna ýsh tildi birden mengeru qiyn ekeni anyqtaldy. Bala aldymen óz tilinde oqyp jәne jaza bilui tiyis. Osyghan oray, biz qazaq tildi mektepterde 1-synyp oqushysyn tek qazaq tilinde oqytudy, al orys tildi mektepterde qazaq tili men orys tilin oqytu turaly sheshim qabyldadyq, - dedi ol.

Aymaghambetov ataghanday, qazaq tildi mektepterde ekinshi synyptan bastap orys tili engiziledi, al aghylshyn tili barlyq mektepterde ýshinshi synyptan bastalady.

Sonymen birge «Enbekke baulu» jәne «Beyneleu óneri» pәnderi 1-shi synyptan  bastap engizildi. Muzyka pәnining ayasynda 6-synyp oqushylary óz qalauymen dombyra aspabynda oinaudy ýirene  alady. Mektepterde qosymsha fakulitativ esebinen shahmatty damytugha mýmkindik beriledi. Menedjementti jәne mekteptegi kadr sapasyn kýsheytu ýshin de ózgerister engizildi, - dedi Aymaghambetov.

Ministrding aituynsha, biyl  bilim beru úiymdarynyng basshylaryn rotasiyalau  instituty engizildi.

Qazirding ózinde 431 diyrektor rotasiyadan ótti. Pedagogterdi júmysqa qabyldaudyng jana qaghidalary da iske asyrylyp jatyr. Júmysqa qabyldau endi konkurs boyynsha pedagogting bilimi, enbek ótili, biliktilik sanaty jәne kәsiby jetistikteri siyaqty kriyteriylerding negizinde jýrgiziledi. Búghan qosa pedagogterdi Últtyq biliktilik testileu arqyly júmysqa alu tәrtibi qabyldandy. Yaghny endi diplomnyng ghana negizinde emes, qosymsha óz pәni boyynsha testileuden ótkenderdi ghana mektepke júmysqa qabyldaymyz, - dedi ol.

Abai.kz