QR Premier-Ministrining orynbasary-Qarjy ministri Erúlan Jamaubaev elimizdegi budjet tapshylyghyna qatysty týsinik berdi.

«Jalpy budjet tapshylyghy artyp otyrghan joq. Kerisinshe, jyl sayyn jalpy ishki ónimge shaqqanda búl kórsetkishti azaytyp otyrmyz. Biyl 3,3 payyz bolsa, kelesi jyly 2,7 payyzgha deyin týsemiz. Odan keyingi jyldary 2,5 payyzgha deyin azayady. Atap aitqanda, bizding ekonomikamyz ósip keldi. Sonymen qatar qarjylandyratyn baghyttar kóp ekenin eskersek, budjet tapshylyghy bolady. Budjet tapshylyghy bolmas ýshin kerek qarajatty Últtyq qordan tolyghymen jabu qajet. Alayda biz Últtyq qorgha týsetin qarajatty saqtap, onyng somasyn arttyru baghytynda budjet tapshylyghyna baryp otyrmyz», - dedi Erúlan  Jamaubaev Parlament Mәjilisinde tilshiler saualyna jauap bere otyryp.

Onyng aituynsha, әlemdegi auqymmen salystyrghanda Qazaqstandaghy budjet tapshylyghy eleuli somany qúramaydy.

«Dýniyejýzining auqymymen qaraghanda, bizdegi budjet tapshylyghy (jalpy ishki ónimge qatysty 3,3 payyz) sonshalyqty kóp emes. Múnymen qosa, bizding syrtqy qaryz 24 payyzdan (jalpy ishki ónimge shaqqanda) aspaydy. AQSh-tyn, Europa elderining syrtqy qaryzdary 100 payyzdan asyp ketedi», - dedi Qarjy ministri.

Búdan búryn habarlanghanday, Halyqaralyq qayta qúru jәne Damu bankining qaryzy Qazaqstan Respublikasyna 345 mln euro somasynda 2,5 jyldyq jenildikti kezendi qosa alghanda, 11,5 jyl óteu merzimimen beriledi

2025 jylgha qaray elimizde budjet tapshylyghy 2,5 payyzgha deyin tómendeydi.

Abai.kz