«Ukraina әielderi soghysta erlermen qatar soghysyp jatyr. Bizding әsker qúramynda qazir 47 myng әiel bar, soghys bastalghan shaqta 37 myng әiel bolghan»,- dedi Ukrainanyng birinshi hanymy Elena Zelenskaya. Rasymen de Ukraina әielderi naghyz batyrlyqtyng ýlgisin býkil әlemge pash etti, dep jazdy ELLE.UA.

Bizding býgingi keyipkerimiz 72-shi jeke mehanikalandyrylghan brigada pulemetshiler vzvodynyng 19 jasar pulemetshisi – Oksana Rubanyak. Onyng maydanda jýrgenine 3 ay bolghan. Oksana Vasiliy Stefanik atyndaghy Karpat últtyq uniyversiyteti әskery kafedrasynyng studenti.

– 24 aqpanda tanerteng kózinizdi ashqanda eng birinshi ne oiladynyz, ne istediniz?

Reseyding Ukrainagha tolyqtay basyp kirgenin ýide estidim. Men jalgha alghan ýiding qojayyny bólmeme jýgirip kelip: «Oksana, túr, soghys bastaldy»,- dedi. Men ýshin soghys sonay 2014 jyly bastalghan. Dostarym men tuystarym ShyghysUkrainany qorghaugha attandy. Reseyding tolyqtay basyp kirui sonyng jalghasy boldy. Biraq biz búl soghysqa saqaday say dayyn otyrdyq. Tughan-tuystarym men dostaryma alandadym, olargha habarlasyp, júbattym. Sosyn «ózimning qayda paydam tiyedi?» dep oiladym.

– Soghysqa baru turaly sheshimdi qalay qabyldadynyz?

Búl sheshimdi qabyldau men ýshin qiyn bolmady. Mening dostarym men kóptegen tanystarym – әskeriyler, soghys qimyldaryna qatysqandar. Mening agham alghashqylardyng biri bolyp 2014 jyly Ukrainanyng aumaqtyq tútastyghyn qorghady, Ilovaysk ýshin shayqasqa qatysyp, aqyrynda tútqyngha týsti. Qazir agham men siyaqty shyghys maydanda soghysyp jatyr.

Maydanda adamdar ólip jatqanyn bile túra, ýide tynysh otyra almaymyn. Men tuystarymnyn, dostarymnyn, bolashaq balalardyng Ukrainanyng tuy jelbirep, әni shyrqalyp, gimni oinap túrghan Ukraina kóshelerinde jýrgenin qalaymyn. Basqasha boluy mýmkin emes. Biz basqasha bolugha jol bermeuimiz kerek.

– Búl jerdegi qyzmetiniz qanday, kýniniz qalay ótedi?

Mening kýnim әdette basqa әskeriylerdiki siyaqty ótedi. Pulemetshiler vzvodynyng әskery qyzmetkeri bolghandyqtan, ýlken kalibrli atys qaruymen júmys isteymin. Mening pozisiyama basqa adam kezekke kelgen son, birneshe kýn demalysqa shyghamyn. Sol kezderi vzvodtyng isine aralasamyn, qajet bolghan jaghdayda jaralylardy evakuasiyalaymyn ne barlaugha kómektesemin. Ámbebap sarbazbyn desem bolady, biraq mening negizgi qyzmetim – pulemetshi.

– Sizding bólimshenizde genderlik kemsitushilik bar ma?

Vzvodtaghy jalghyz qyz bolsanyz әri bataliondaghy azghantay qyzdyng biri bolsanyz, erlerding nazary týskenin sezesiz. Biraq mening oiymsha, búl qyzdyng qalay qabyldaghanyna baylanysty. Men múndaghylardy óz bauyrymday kóremin, olar maghan әrqashan kómektesip jýredi.

Men júmysym erlerding júmysymen birdey. Tapsyrma oryndaugha kelgende de genderlik aiyrmashylyq joq. Soghysta adamnyng jynysy manyzdy emes, bastysy – qajetti daghdynyng boluy, bilim jәne adamnyng qalauy.

– Qanday qiyndyqtardy bastan keshtiniz?

Tuystarynnan, әskerdegi joldastarynnan aiyrylu qashan da qiyn. Búghan et ýiretuge bolmaydy. Ukraina tarapynan adam ólgenin, jaralanghanyn estigende janyng auyrady. Jýreginning bir bóligin kesip alghanday bolady. Qatty jekkórushilikten kek alugha degen úmtylysyng kýsheye týsedi.

– Tolyqqandy soghys kezinde sizdi ne tanghaldyrdy?

Býkil әlemdegi ukraindardyng birligi tanghaldyrdy. Ishtegi qonys audarushylargha, shetelge qonys audarushylargha, әskery qyzmetshilerge kómektesuge degen shynayy niyetteri, maydan shebinde kómektesip jýrgen eriktilerding batyldyghy tanghaldyrdy. Biz múny qatty baghalaymyz.

– Qazir sizding ruhynyzdy týsirmey túrghan ne?

Ásker ýshin eng manyzdysy – tyldaghy qoldau. Mening bólimsheme ghana emes, jalpy Ukraina Qaruly Kýshterinen jәrdemdesip jýrgen eriktilerge sheksiz rizamyn. Sizderding jyly sózderiniz janymyzgha demeu beredi, dúghalarynyz jelep-jebep jýredi, al jeniske degen senimderiniz – bizding tez jenuimizge kómektesedi.

Mening әskerdegi joldastarym – mening eng ýlken qoldaushylarym. Osy uaqyt ishinde olar mening dostarymnan bauyrlaryma ainaldy. Olardy sheksiz jaqsy kóremin, sheksiz maqtan tútamyn.

Men búl jerde jay jýrmegenimdi sezemin. Qansha qiyndyqqa tózsek te, jenis ayaghynda bizdiki bolady. Jeniske jetu ýshin bәrin jasaugha tiyispiz.

– Ukrainanyng bolashaghynan qanday perspektivalardy kóresiz?

Ukraina – alyp progressivti el. Kóptegen baghytta damyp keledi: muzyka, sport kólik jýiesi, bilim beru jәne eng bastysy, әskery baghytta damuda. Ukraina armiyasy – әlemdegi eng kýshti ekinshi armiya delinetin basqynshylardyng әskerin basyp ozdy. Qazir bizde kóptegen mýmkindik bar, bastysy – olardy dúrys jәne uaqtyly paydalanu. Bizding Otanymyz kóp úzamay damyghan elder sanatynyng eng joghary satysynda bolatyny sózsiz.

– Soghystan keyin ómirinizdegi ne nәrseni mәngilikke ózgertesiz?

Qazir mening boyymda ózgergen nәrse – adamdargha kózqarasym. Soghys barlyq nәrseni óz ornyna qoyady. Ol adamdardyng betperdesin sypyryp, naghyz beynesin, minezin, niyetin kórsetedi. Batyrlar men adal niyettiler algha shyghady, satqyndar men bóspeler artta qalady. Soghys – uaqytsha dos pen adal dostyng ara-jigin ajyratyp beredi. Kózqarasy men maqsaty bir adamdardy toghystyrady.

– Ukrainalyqtar men әlemge ne aitasyz?

Ukraindar – eshkimge baghynbaytyn erkin últ. Halqymyz myndaghan synaqty basynan ótkerdi, biraq olardyng eshqaysysy bizding tәuelsizdikke úmtylysymyzdy joya alghan joq.

Biz qazir bir qadam da artqa sheginbeymiz, jerimizge tóngen zúlmatty jenbeyinshe tynbaymyz.

Qúrmetti ukraindar, enseleriniz týspesin! Kýshti, tózimdi, batyl bolynyzdar. Ýmitiniz óshe bastaghanda bizding baqytty bolashaghymyzdy bizden basqa eshkim jasay almaytynyn eske týsirinizder.

Biz mindetti týrde jenemiz! Ukraina erkin, tәuelsiz el bolady! Ukrainagha jasasyn!

Abai.kz