Jeksenbi, 5 Aqpan 2023
46 - sóz 1391 26 pikir 22 Qarasha, 2022 saghat 15:26

Men jana Qazaqstandy kórudi armandaymyn

Sanagha salmaq salmaghan saylau ótti. Jenimpaz anyq. Ári qaray ne bolmaq?!

Men jana Qazaqstandy kórudi armandaymyn. Barlyq adam zang aldynda birdey bolatyn әdiletti, jana Qazaqstan. Onda sudiya bolu – barynsha qúrmetti әri jauapty is. Sebebi, sudiya eshkimge tәueldi emes. Preziydentke de, sot tóraghasyna da tәuelsiz. Ózining ar-ojdany, halyqqa bergen antynan basqagha alandary joq.

Jaqsylyghy mol jana Qazaqstanda  kenttik jәne oblystyq әkimderden bastap barlyghyn halyq saylaydy. Demek, olar qarapayym halyqtyng iygiligi ýshin júmys isteydi, budjet aqshasyn úrlamaydy.

Eshkimge qajeti joq mega jobalardyng ornyna barynsha sapaly әri arzan bilim oshaqtary men tamyljyghan sayabaqtar, sayasy mol skverler, tep-tegis, ainaday jaltyrap jatqan jol salady. Bal kýlkili balalar balabaqshagha, mektepke tegin barady. Zaman talabyna say sapaly jәne layyqty bilim alady. Bilim oshaqtarynda tegin әri dәmdi taghamnan tatady. Barlyq jerde de. Tipti, shalghaydaghy shaghyn auyldarda da.

Jana әlemde ana bolu óte qúrmetti әri paydaly. Óitkeni, birinshi baladan keyin otbasy jenildetilgen payyzben ipoteka alugha qúqyly, әri ipoteka 30 payyzgha azayady. Tórtinshi sәbiyden keyin ipotekalyq qaryzdan birjola bosatylady.

Jana Qazaqstanda budjetten aqsha úrlau – Otangha opasyzdyq jasaumen ten. Sol sebepti qatang jazalanady. Memlekettik qyzmetker bolu qúrmetti lauazym, biraq, olar bay emes. Memlekettik qyzmetker barlyq jaghdaymen qamtamasyz etilgen, sóite túra ózine eshqashan «bentli» satyp alyp, aumaghy ýsh gektar jerge sәuletti villa sala almaydy.

Onda studentter joghary oqu oryndar tegin oqidy әri naqty bilim alady. Jeke uniyversiytetter dep atalatyndardyng kópshiligi jabylady. Ile úmytylady.

Jana Qazaqstanda balalar ýii men qarttar ýii bolmaydy. Óitkeni, qariyalar men balalardy tastap ketu qolaysyz әri tiyimsiz.

Barsha azamattar memlekettik tildi meylinshe jaqsy biledi әri qúrmetteydi. Qazaq tilin jetik mengeru ýshin barlyq esik ashyq, til bilgender artyqshylyqqa iye.

Kólikti týnde ashyq qaldyra alasyz jәne oghan alandamaysyz. Ómir sýru dengeyi óte joghary bolghandyqtan, bireuding mýlkin úrlau arqyly ómir sýruding esh qajeti joq.

Kez-kelgen júmysshy, kýzetshi, qúrylysshy, jýrgizushi jәne basqa mamandyq iyeleri jaqsy jalaqy almaq.

Jana Qazaqstanda kәsipkerler óz esepshottaryndaghy mynghyrghan milliondardyng sany emes, júmys oryndarynyng sanyn maqtanysh kóredi.

Álemning týkpir-týkpirinen milliondaghan turister bizding elding didaryn kórsek dep dәmetedi. Olay bolatyn sebebi, ejelgi ertegilerdegidey jaqsy da, jayly qonaq ýiler salynghan. Keremet tabighat, shaghyn aviasialyq úshaqtar, tegis joldar, qauipsiz orta kimdi bolsyn qyzyqtyrmay qoymaydy.

Onda barlyq damyghan elderding investorlary bizding elimizge investisiya salu ýshin  kezekke túrady. Sebebi, jemqorlyq ta, úry sheneunik te joq. Al, әdil zang jekemenshik qúqyghyn jәne onyng myzghymas beriktigin qorghaydy.

Onda kólik keptelisi bolmaydy, qalalardyng ýstindegi qara týtin joq. Zansyz qúrylystar búzylghan, onyng ornyn gýl kómkergen sayabaqtar men ajarly alandar basqan.

Jana Qazaqstanda túru paydaly әri tiyimdi. Auyl túrghyndary óz elin ghana emes, jer sharynyng jartysyn qajetti ónimdermen qamtamasyz etedi.

Jastar bir-birin sýiip qosylady. Olar túraqty tabysqa kenelgen әri qanaghatty biledi.

Jana Qazaqstanda óte kәsiby әsker bar. Sondyqtan, kórshiler kózin alartady degen qorqynysh joq. Onda azamattar shet elderdegi eng jaqsy sybaghany izdemeydi.

Ózderining kók týsti tólqújattarymen maqtanady. Osynday tólqújaty bar adam әlemning kez-kelgen elinde qalauly jәne vizasyz qonaq esebinde jýre alady.

 

Arman Shoraev

Abai.kz

26 pikir