Songhy kýnderi eldi dýrbelenge salyp, Ukrainadaghy soghysty qoldaghan Kremli jyrshysy Grigoriy Lepsting konserti Qazaqstanda ótpeytin boldy. Mәdeniyet ministrligi sayasi, iydeologiyalyq salmaghy auyr osy iste ýnsiz qaldy. Syrtqy ister ministrligi tarapynan da búl jaghdayda memleketting mýddesin qorghap, shetel әnshilerining Ata zanymyzda tyiym salynghan soghysty nasihattau әreketine qarsylyq bildirip auyz ashqan eshkim bolmady.

Elimizding tynyshtyghyna qauipti konsertti toqtatqan ýkimetting pәrmeni emes, qazaqtyng basqa jaghdaylarda bayqala bermeytin úiymshyldyghy, birligi! Áleumettik jelilerde qandastarymyz arandatushylardyng búl konsertine barmaugha shaqyrdy. Nәtiyjesi oidaghyday boldy. Qonaev qalasynda 8 mausymda ótedi dep josparlanghan konserti ótpey qalghannan keyin Leps endi Qazaqstangha kelmeytinin mәlimdepti. Atamnan әrmen ketsin!

Jasyratyn nesi bar, Reseyden bir barqyraghan әnshi kelse esi qalmay konsertke jýgiretin aghayyndarymyz kóp. Analar sahnada iyrelendep, qiralandap, shynghyryp, baqyryp qaltasyn oisyz qazaqtyng aqshasyna toltyrady da ketedi. Ózining asylynan da ózgening sasyghyna qúmar sanasyz qazaq olar ýshin "sýti" ýzilmeytin sauyn siyrday tabystyng kózi. Áytpese ózimizding Qyzyljarda da solardy taza ónerimen on orap alatyn әnshilerimiz bar ghoy.

Shalghay auyldarda da mәdeniyet salasyndaghy shendilerding nazaryna ilinbey jýrgen talay dýldýlder bar. Ámire Qashaubaev, Shara Jiyenqúlova siyaqty últtyq әn óneri jauharlarynan miras bolyp qalghan sahnamyzgha jat pighyldy ózgelerdi emes, óz úl-qyzdarymyzdy shygharmaymyz ba?

Qazirgi jaghdayda әn jay ghana óner emes, naghyz sayasy ýgitke, oi-sanagha yqpal etu qúralyna ainaldy. Kórshi elding әnshileri sayasy әreketin osymen toqtatady dep oilamaymyn. Olar әli de keler. Biraq últtyq sanamyzgha qozghau salyp biriksek qas niyetti әnshiler qazaq jerine mýldem ayaq baspaytyn bolady. Lepsting orgha jyghyluynan týigen oiym osy.

Marat Ermúqanov

Abai.kz