Qazir ukrain әskeri birneshe baghytta aqyryndap artqa sheginude. Resey qazir Chasov Yar qalasyn basyp alugha tyrysuda.

Búl qala Bahmuttan 15-17 shaqyrym aimaqta ornalasqan jәne soghysqa deyin 10 myng adam túrghan. Qazir 500-700 adam túrady. Qalany basyp alu Resey әskerine birneshe baghytta jyljugha mýmkindik beredi. Qalanyng taghdyryna qatysty Batystyq barlau da, ukrain barlauy da jaghymdy boljamda emes. Yaghny qala Bahmut nemese Avdeevka taghdyryn qaytalauy mýmkin. Búl jerde Ukraina әskeri shabuyl jasaushy tarapqa kóp shyghyn keltire otyryp, tiyimdi shegine biludi oilastyruda. Qaladan aiyrylghan jaghdayda dep, qaladan tys aimaqqa qorghanys shepterin saluda.

Ekinshi baghyt Avdeevka manyndaghy shabuylyn ýdetti. Búl manda Resey songhy aptada birneshe auyldy basyp aldy. Ukraina әskeri aldyn-ala dayyndaghan qorghanys shepterine sheginude. Algha jylju Resey әskerinde aitarlyqtay dey almaymyz, alayda algha jylju bar ekeni fakt.

Ýshinshi baghyt Resey әskerining Zaporoj aimaghynda shabuyldy ýdetkeni. 2023 jylghy Ukraina qarymta shabuylda qaytaryp alghan Rabotino eldi-mekenin Resey әskeri qayta basyp aludyng aldynda túr. Búl Ukrainanyng qarymta shabuyldaghy simvoli bolatyn. Mәskeu ýshin búl auyldy alu strategiyalyq manyzgha qaraghanda, iydeologiyalyq manyzgha kóbirek iye. Resey sarbazdary auyldyng birneshe kóshesine bekinip, úrys saluda. Qysqasy әne-mine búl auyl da Resey qolyna ótedi deuge bolady.

UKRAINA ÁSKERINING ENG BASTY QIYNDYQTARY QANDAY?

SNARYaD JÁNE ZYMYRAN TAPShYLYGhY. Resey әskeri 5-6 snaryad atsa, Ukraina әskeri 1 snaryadpen jauap qatady. Qatynas 1/5, key jaghdayda 1/7. Áriyne múnday jaghdayda erte me, kesh pe Ukraina әskeri ýshin pozisiyasyn qorghau qiyndaydy. Resey snaryadty ózi shygharady jәne Iran men Soltýstik Koreyadan aluda. Mlndaghan danamen alyp jatyr. Europa men AQSh múnday kólemde snaryad jetkizu mýmkindigine ie emes. Áskery óndiris keshenderi ol әleuetke 2026 jyldyng basynda biraq jetedi degen boljam bar. Yaghny «snaryad tapshylyghy» әzirge basty mәsele bolyp qala bermek. Zymyranmen de mәsele dәl osylay. Reseyde kenes dәuirinen qalghan zymyran, eski tehnika jeterlik. Ukrainada onday joqtyng qasy. Kiyev alys qashyqtyqqa soqqy jasaytyn zymyrandardy Úlybritaniya, AQSh, Italiya jәne Fransiyadan aluda. Olardyng sany shekteuli, demek soqqy jasau nysandary da shekteuli. Ukraina snaryad tapshylyghyn týrli drondarmen sheshuge tyrysuda. Alayda ol mәselening tolyq sheshimi emes.

ÁUE QORGhANYS JÝIELERINING JETISPEUI. Saldarynan Resey aviasiyasy úrys dalasyna jaqyn kelip, bombalaudy arttyrghan. Auyr basqarylmaytyn bombalardy qarsylas pozisiyasyna tastaudy kýsheytken. Ukraina úshaqtardy atyp týsiru nemese maydan dalasyna jaqyndatpau mýmkindigining azdyghyn ÁQJ (PVO) jýielerining jәne oghan arnalghan zymyrandardyng azdyghymen týsindirude. Osy ÁQJ jetispeuinen Reseyding Ukraina aumaghyndaghy jylu-jaryq jýielerine de soqqysy arta týsti.

ARTILLERIYaNYNG AZDYGhY. Ukraina men Reseyding artilleriyalyq kýshterin salystyrsaq, Reseyde san basym. Key pozisiyada artilleriya sany 1/10-gha deyin jetken. Áriyne Kiyevte artilleriyanyng sapasy әldeqayda jogharyraq. Sebebi batystyq zenbirekter dәl atady, quaty auqymdy. Alayda Resey sanmen sapany basyp ketude.

AVIASIYa. Búl túrghydan Ukraina soghysqa deyin de, soghystan keyin de, soghys uaqytynda da Reseydi basyp ozuy ekitalay. Reseyde týrli tiptegi úshaqtar men tikúshaqtar bar. Strategiyalyq bombalaushylardan bastap qarapayym shabuyl jasaushy, tipti DRLO úshaqtary da bar. Shyghys Europa elderi Ukrainagha ózderinde bar kenestik jәne reseylik úshaqtar men tikúshaqtaryn berdi. Degenmen onyng sany az. Al el auzynan týspeytin F-16 úshaqtary qashan jәne qay kólemde keleri belgisiz. Jaghdaydy ong baghytqa ózgertu ýshin kemi 300 úshaq berilui tiyis degen saraptamalardy oqyp jýrmin. Al Ukrainagha keremet degen kýnning ózinde 80 úshaq berilui mýmkin, onyng ózi birden emes, birtindep. Yaghny bir partiyada 10-12 úshaqtan degendey. Búl jaghdaydy ózgerte ala ma? Mening oiymsha týbegeyli ózgeris jasau ýshin búl azdyq etedi. Onyng ýstine atalmysh úshaqtargha qatysty da birqatar mәseleler bar. Olar: úshaqqa qajetti bólshekter, úshaqtar qoldanatyn bombalar men oq-dәriler ýzdiksiz berile me, úshaqtardy tehnikalyq qamtamasyz etu qalay iske asady, úshaqtardy qorghaugha әuejaylarda PVO jetkilikti bola ma jәne basqa degendey. Onyng ýstine F-16 úshaqtary maydan dalasyndaghy kóptegen reseylik PVO-lardy ainalyp ótip, óz missiyalaryn iske asyrudy oilauy tiyis. Búl onay sharua emes.

ÁSKER SANY. Ukrainada jappay mobilizasiya 2022 jyldyng 24-aqpanynda jariyalandy. Sol uaqyttan bastap әr ýsh ay sayyn úzartylyp keledi. Jaqynda Zelenskiy mobilizasiyagha qatysty zangha qol qoydy. Ol jana mobilizasiya emes, búrynghy mobilizasiyany onaltu sharalary desek te bolady. Ukrainada әsker sany az emes. Mobilizasiyalyq mýmkindigi de әli tausylmady. Endeshe nege búny azyp otyrmyn? Óitkeni maydan dalasynda ýzdiksiz, demalyssyz eki jyldan astam soghysyp jatqan bólimsheler bar. Olardy almastyru kerek. Jana sarbazdardy dayyndau uaqyt alady. Sondyqtan basty mәsele sarbazdardyng psihologiyalyq-fizikalyq túrghydan qajuy. Áriyne búl Resey әskerinde de bar mәsele. Degenmen olar «ólmeseng ómirem qap» degen ústanymda. Mobilizasiya túrghysynan uaqyt Resey jaghynda, búny qarapayym halyq sanymen de týsindirsek bolady.

Búl jerge mina, tankke qarsy jýieler, brondy tehnika sany, janarmay qory, RLS, REB jәne basqa jayly da jazsam bolar edi. Degenmen osynyng ózi saghyzsha sozylyp ketken siyaqty.

«AQSh-tyng 61 mlrd dollar kómegi qayda» degen súraq tuyndaydy. Zandy súraq. Ol kómek jóneltilude. Sonymen birge Chehiya bastaghan snaryad koalisiyasy men Baltyq elderi bastaghan drondar koalisiyasy da bar. Biraq birden úrys dalasyndaghy jaghdaydy jaqsarta almaydy. Kómekting qoymadan úrys dalasyna jetuine de aitarlyqtay uaqyt ketedi. Onyng ýstine barlyq tapshylyqty tolyq ótey almaydy. Sondyqtan maydan dalasyndaghy jaghdaydy onaltugha әli birneshe ay bar deuge bolady. Jaghdaygha shynayy qaray bilu kerek. Bizge Ukraina neden tarshylyq kórude jәne qay túrghydan artyqshylyghy bar degendi oilanu manyzdy...

Áriyne Ukraina әskerining jaghymdy ózgeristeri de bar. Biraq ol jayly kelesi jazbagha qalsyn.

Ashat Qasenghalidyng jazbasy

Abai.kz