Keshe fransuzdyng «Libération» gәzetinde Ukraina preziydenti Vladimir Zelenskiyding kezekti súhbaty jariyalandy. Onda preziydent Zelenskiy boljaldy kelissózder men maydandaghy ahual jayly sóz etken. 

Sonymen, preziydent Zelenskiy ne deydi?

«Ukrainanyng aumaqtyq tútastyghyna qatysty kez kelgen mәseleni halyqtyng qatysuynsyz bir preziydent sheshe almaydy! Referendum? Halyq múny qalauy kerek! Biraq búl eng jaqsy núsqa emes!», - deydi Ukraina Preziydenti.

Onan әri:

▪ ️ Ukrainanyng soghystyng ayaqtaluyna qatysty jospary turaly: «Biz әlemning birinshi beybitshilik sammiytinde úsynylghan formulagha negizdelgen jospar әzirleymiz. Men barlyq qújattardyng qarasha aiynyng sonyna deyin dayyn boluyn jәne oghan Ukrainanyng egemendigi men aumaqtyq tútastyghy engiziluin súradym», - dedi.

▪ ️ Álemning ekinshi beybitshilik sammiytine Reseyding qatystyryluy turaly: «Mening oiymsha, kóptegen elder siyaqty, ekinshi sammitte Resey ókilderi boluy tiyis. Eger barlyghy olardy kelissózder ýstelinde kórgisi kelse, onda biz qarsy bola almaymyz. Sammitte bas qosu - 1991 jyldyng shekarasyn dәl sol sәtte ózimizge qaytaramyz degendi bildirmeydi. Biraq men Ukraina ýshin әdil beybitshilik bizding aumaqtyq tútastyghymyzdy qalpyna keltirude dep sanaymyn», - dedi.

▪ ️ Ukraina óz aumaghyn qanday jolmen qaytara alatyny turaly: «Mening oiymsha, biz barlyq aumaqty kýshpen jәne qarumen bosatpauymyz kerek. Sebebi búlay bolsa biz kóp uaqyt pen adam ómirin qúrban etemiz. Sondyqtan biz óz aumaghymyzdy diplomatiya arqyly qaytara alamyz dep oilaymyn», - dedi.

▪ ️ Ukraina óz aumaqtarynyng bir bóliginen bas tartyp, osy taqyrypta referendum ótkize ala ma?: «Ukrainanyng aumaqtyq tútastyghyna qatysty kez kelgen mәseleni bir preziydent, bir adam, ukrain halqynyng qatysuynsyz sheshe almaydy. Búl mýmkin emes... Ukraina eshqashan óz aumaghynan bas tartpaydy, óitkeni búl Konstitusiyany búzu bolar edi. Referendum? Ukrain halqy múny qalauy kerek. Men sizge ashyghyn aitayyn: búl eng jaqsy núsqa emes, óitkeni biz Putinmen júmys isteymiz, eger ol bizding aumaghymyzdyng bir bóligin ózine qaytarsa, ol ýshin jenis bolady. Tipti keyinirek, eger janjal toqtatylsa, ol qaytyp oraluy mýmkin», - dedi.

▪ ️ Qytay soghysty toqtatu ýshin Reseyge yqpal ete ala ma?: «Eger Qytay qalasa, ol Reseydi búl soghysty toqtatugha mәjbýrleui mýmkin. Qytay - yqpaly bar el. Men olardyng deldaldyq júmyspen ainalyspay, AQSh pen EO siyaqty Reseyge qysym kórsetuin qalaymyn. Elding yqpaly kóp bolghan sayyn, ol Reseyge soghúrlym qysym kórsetuge tiyis», - dedi.

▪ ️ Resey aumaghyna Batys qaruymen soqqy beru turaly: «Resey qaruly kýshteri bizding shekaramyzdan 50 shaqyrym jerde ornalasqan jәne bizding olargha oq atugha qúqyghymyz joq ekenin biledi. Biz ýshin búl bas auruy. Biraq bizding tandauymyz joq, sebebi eger biz Resey territoriyalaryna qarsy seriktesterimiz úsynghan qarudy paydalansaq, songhylary bizge bolashaqta kómek beruden bas tartuy mýmkin», - dedi.

▪ ️ AQSh-taghy preziydenttik saylaudan keyin Vashingtonnyng Ukrainagha qanday qoldauy turaly: «Azamattyq qogham amerikandyq qoghamnyng eng manyzdy instituty bolyp tabylady dep esepteymin. Búl demokratiyalyq jәne eleuli el... Meninshe, biz Ukrainanyng Kongresstegi qoldauyn saqtap qalamyz, sebebi olar [zang shygharushylar] halyq ókilderi. Preziydent pen onyng komandasyna keletin bolsaq, ony kóre jatamyz», - dedi.

▪ ️ Kamala Harris turaly: «Ol jeniske jetken jaghdayda Ukrainagha kómek, beybitshilik formulasy men soghystyng ayaqtaluyna qatysty onyng ústanymyn týsinu qajet», - dedi.

▪ ️ Donalid Tramp turaly: «Men onyng komandasymen alty ret sóilestim. Men múny [Ukraina boyynsha ústanymdy] estigim keldi. Qaytalap aitayyn, býgin biz dialogtyng ne turaly bolatynyn bilmeymiz», - dedi.

Kelissózderge qatysty býgin Resey Federaldyq kenesining spiykeri Valentina Matviyenko de  pikir bildirip: «Biz Ukrainadan alynghan jana jerlerdi, Doneski, Luganski, Zaporoj ben Hersondy qaytarmaymyz. Sebebi búl Konstitusiyany búzu bolyp tabylady. Óitkeni, ol jana jerler Resey Konstitusiyasyna engen», - dedi.

Abai.kz