Preziydent Ákimshiliginin
Ótinishterdi qaraudy baqylau
bólimining mengerushisi
Q.B. Jaysanbaev myrzagha!

Qúrmetti Qanatbek Baqytúly!

Mening «E-ótinish» aqparattyq jýiesi arqyly Memlekettik Kenesshi Erlan Qarin myrzanyng atyna joldaghan «Erlan Qaringe shirenuge de, shalqugha әli erte!» jәne «Sizding týbinizge Qúlybaev pen Mәsimov jetse, Toqaevtyng týbine Qarin jeteyin dep túr…» atty maqalalarym men hattarym óz iyesine jetken joq.

Bir emes, eki mәrte joldadym. Ekeuinde de Erlan Tynymbayúlynyng emes, Qazaqstan Respublikasy Preziydentining ishki sayasat mәseleler jәne kommunikasiyalar jónindegi kómekshisi Ruslan Jeldibay men Preziydent әkimshiligining ishki sayasat bólimining mengerushisi Ayjan Shaynazarovanyng atyna tirkelip, ary qaray Qazaqstan Respublikasynyng Mәdeniyet jәne aqparat ministri Aida Balaevadan biraq shyqty...

Erlan Qarin myrzanyng atyna joldanghan búl hattardyng bәri Timur Qúlybaev pen Kәrim Mәsimov jaghynan uruzpasiyalanghan Qazaqstangha qatysty dýniyeler.

Al, «uzurpasiyalanghan memleket» turaly búl mәseleni sheshu Ruslan Jeldibaydyng da, Ayjan Shaynazarovanyng da, Aida Balaevanyng qúzyretine kirmeydi jәne olardyng dengeyindegi sharua emes!

Erlan Qarinning jóni bólek, «bas iydeolog» degen aty bar, Qazaqstan Respublikasynyng Preziydentine ishki sayasat salasy boyynsha strategiyalyq úsynystardy tújyrymdaytyn – sol kisi.

Basyn ashyp aitayyn, mening Memlekettik Kenesshige joldaghan búl dýniyelerimdi ózge lauazym iyelerine tirkeding dep, Sizdi jәne Sizding orynbasarynyz Bolat Baykenov myrzany da eshqashan kinәlamaymyn!

Sebebi, Timur Qúlybaev pen Kәrim Mәsimov jaghynan uzurpasiyalanghan Qazaqstandaghy basqaru jýiesining tabighaty solay: biz sekildi óte belsendi, patriot azamattardyng memleket pen últtyng taghdyryna, Preziydentting tarihy ornyna, sayasy reformagha, memlekettik basqaru jýiesine qatysty shyr-pyr bolyp jazghan hattary Preziydentke jetpeydi.

Bizding múnday hattarymyzdy Preziydent Ákimshiligi kez-kelgen ministrlikterge laqtyra salady. Manyzyn týsinip túryp, kelip shyghar kesapatyn bilip túryp, ary qaray ótkizbeydi...

Kerisinshe, Preziydentke ministrlikting dengeyinde-aq sheshuge bolatyn «nasybay» nemese kóshede laghyp jýrgen bireulerding «Eltanbany ózgertu» turaly týkke túrghysyz sandyraqtary toqtausyz, kedergisiz jetedi.

Búryn da solay bolghan, qazir de solay!

Esinizde bolsyn, uzurpasiyalanghan memlekette Preziydent sanauly ghana adamdardyng BLOKODASYNDA qalady!

Menin  jogharydaghy «týbine jeteyin dep túr…» degen hatymdaghy Túnghysh Preziydentke qarata: «Qazir Qasym-Jomart Kemelúly da keshegi Siz sekildi Erlan Qarinning aitqanymen ghana jýretin sanauly ghana tobyrdyng BLOKODASYNDA qaldy...», - deuimning sebebi – osy, ainalayyn!

Endi Óziniz aitynyzshy, bes ay boyy jazghan hattarymnyng birde-bireui jetpese, búl Preziydentti BLOKODADA qaldyrghan emey nemene?!

Eger, memleket pen últqa shynymen jany ashysa, Preziydentting ertengi tarihy orny jóninde kýiinse, Erlan Qarin osynau bes ay boyy jazylyp jatqan hattargha Óz atynan bir auyz jauap beretin edi ghoy! Kórip otyrsyz, Memlekettik Kenesshimiz júmghan auzyn ashqan joq!

Óitkeni, Ol ózi bas bolyp jobasyn jasaghan 2022 jylghy «Konstitusiyalyq reformanyn» Qazaqstandy Timur Qúlybaev pen Kәrim Mәsimovting uzurpasiyasynan bir sýiem algha alyp shygha almaghanyn óte jaqsy biledi...

Qadirli Qanatbek bauyrym!

Jәne bir mәrte qaytalap aitayyn, mening jogharydaghy Erlan Qarin turaly jazghan maqalalarym men oghan jazghan hattarymnyng óz iyesine jetpey jatqany ýshin Siz de, Sizding orynbasarynyz Bolat Baykenov myrza da kinәli emes! Mening Sizderge ókpem de, renishim de joq!

Múnyng bәri – Timur Qúlybaev pen Kәrim Mәsimovtin, odan bergi jerde Erlan Qariyn bas bolyp jobasyn jasaghan 2022 jylghy «Konstitusiyalyq reformanyn» negizinde qalyptasqan býgingi jýienin kesirinen bolyp otyrghan kesepattar!

Búl uzurpasiyalanghan jýie Qasym-Jomart Kemelúlyn Túnghysh Preziydent batqan qúigha batyryp bara jatyr.

Men Qazaqstannyng uzurpasiyalanghan jýiede qalghanyn, Qasym-Jomart Toqaevtyng «ekinshi Nazarbaev» bolghanyn eshqashan qalamaymyn!

Sóz sonynda Sizge aitar bir-aq ótinishim bar, mening Erlan Qarin myrzanyng atyna jazghan hattarymdy basqa bir lauazymdy túlghalargha emes, tek Erlan Tynymbayúlynyng ózine ghana tirkep otyrynyzshy!

Sonda, birinshi Qúdaydyn, sosyn Preziydenttin, bolashaqta bala-shaghamyzdyng aldynda Siz ekeumizding betimiz jaryq, arymyz taza bolady!

Al, Erlan Tynymbapyúly mening hattarym turaly qanday sheshimder qabyldaydy, ol – Erekenning ózining ary men dengeyine baylanysty sharua! Ne isteymin dese, Ózi bilsin! Biraq, kóresiz, erteng osynyng bәrine basymen jauap beretin bolady!

Qúrmetpen, Auyt Múqiybek,

«Eren enbegi ýshin» medalinin, «Qúrmet» ordenining iyegeri

Abai.kz