Qazaqstan Preziydenti halyqqa songhy Joldauynda esirtki zattaryn tútynudyng ósuine alandaushylyq bildirip, búl mәselening últ densaulyghyna aitarlyqtay qauip tóndiretinin atap ótti. Osyghan baylanysty, esirtki óndiru jәne taratugha qarsy kýres býkilhalyqtyq sipat aluy tiyis.

Memleket basshysynyng tapsyrmasyna sәikes, kólik prokuraturasy jәne basqa da qúqyq qorghau organdary esirtki biznesine qarsy kýresti, shekarada jýkter men poshta jóneltilimderin baqylaudy kýsheytti, shetelden elimizge esirtkining zansyz әkelinuin boldyrmau maqsatynda sharalar qabyldady.

Tek 2024 jyldyng ózinde zansyz ainalymnan 1 tonnadan astam esirtki zattary tәrkilendi, onyng ishinde 774 kg geroiyn, 155 kg marihuana, 37 kg gashish jәne gashish mayy, 34 kg kóknәr, sonday-aq 1 kg sintetikalyq esirtki bar. Tәrkilengen zattardyng «qara naryqtaghy» qúny 7 milliard tengeden astam dep baghalanyp otyr.

Irannan geroinning iri partiyasyn әkeluding joly kesildi, ony qylmystyq top túrmystyq tauarlar retinde jasyrugha tyrysqan bolatyn.

Sonymen qatar, Europa, AQSh jәne Tailandtan kelgen esirtki zattary bar 50-den astam poshta joldanymdary ústaldy.

Mysaly, Qarjylyq monitoring agenttigi AQSh-tan esirtki zattaryn poshta arqyly kontrabandalyq jolmen jetkizetin jýieli arnany joydy. Nәtiyjesinde on kýdikti uaqytsha ústau izolyatoryna qamalyp, 15 kg kannabis syghyndysy jәne 8 kg marihuana tәrkilendi.

21 sottalushy týrmege qamaldy, arasynda shetel azamattary da bar.

Memleket esirtkining zansyz ainalymyn toqtatu júmysyn jalghastyryp, baqylau sharalaryn kýsheytip, halyqaralyq seriktestermen yntymaqtastyqty arttyruda.

Abai.kz