2024 jylghy Nobeli әdebiyet syilyghyn alghan Korey jazushysy Han Kannan bir әngime tauyp aldym. Tóte jazudan beri qotardym.

«Ne aitpaqshy ekenin ózi de týsinbey qaldy ma?» dep qoyamyn, bir oiym... Búdan ózge de biraz әngimelerin oqydym. Bәri bir yrghaq. Esh janalyq joq.

Batys toghay

(Ángime)

Ol ekeui toghaygha tapberme jerden eki qabat ýidi jalgha aldy.

Kóktemde әppaq shie gýlining kýlteleri jylghadan qúlday shapqylaghan boyy aq búlaqtyng jalyna jarmasyp, qalqyp bara jatatyn. Al jaz týninde alystan kókekting shattana shaqyrghan ýni qúlaqqa keletin. Keshqúrym ekeui ylghy da toghaygha baryp seyildeytin. Toghay batysqa qaray jayyla týsip, qoy japyraqtary batar kýnning kólbey týsken sәulesimen shaghylysyp, toqtausyz terbelip túratyn.

Mizam shuaq bastalghanda olar sol ýiden kóshpek bolyp, jýkterin syrtqa shygharyp jatqan shaqta, kórshi ýiding әieli ony izdep kele qaldy. Ekeui týstanys qana bolatyn, mýlde til qatysyp, sóilesip kórmegen-di. Ol aqqúbalu kelgen sarykidir әiel bolatyn. Qos uystap ala kelgen jap-jasyl shylandy* múnyng alaqanyna saldy.

– Qayda kóshtinder?

– Qalagha barmaqpyz.

– It arqasy qiyangha ketedi ekensinder ghoy.

– Onshalyq alys emes.

Ol kórshi әielge kýlimsirey til qatty. Kórshi әiel qysylyp qalyp, qolyn kóilegining etegine sýrtkilep, artyna búrylyp jýre berdi. Onyng shylangha syqay tolghan janqaltasynan qosh iyis búrqyrady.

Sol ýiden kóshkennen keyin qonyr kýz keldi.

Bir kýni keshke olar sandaldaryn kiyip, ýiding artqy balkonyna shyqty. Batysqa qaraghan terezening arghy jaghynda kýn batyp bara jatypty. Sonau alystaghy qaz-qatar zәulim ghimarattardyng terezeleri keshki shapaqpen shaghylysyp, qyzghylt sәule shashady. Jaqyn mandaghy sauda sarayynyng astynda arly-berli aghylghan avtokólik pen sabylghan júrt. Qaysy bir jaqtan polisiya ysqyryghynyng shyryldaghan ýni keledi.

Ol ekeui qos qabat terezeni aiqara ashyp tastady. Tereze ramkasynyng janyndaghy bólgish taqtayda qúrysa bastaghan shylan túrghan. Ekeui sol shylannan bir-bir tal alyp auyzdaryna salyp, tәp-tәtti shyrynyn tausap, ýn-týnsiz alysqa kóz saldy.

*Shylan – jiyde tektes jemis.

Qytay tilinen audarghan Týselhan Bobanúly

Úlarbek Dәleyúly

Abai.kz