Ontýstik-Shyghys Aziya men Afrika elderi, әsirese Tayland, Vietnam men Egiypetke sayahattap baratyn turister ondaghy valuta aiyrbastau beketterinde dollargha qatysty týrli baghamdargha tap boluda. Búl elderde 2013 jyldan beri basylghan, jana dizayndaghy, kók týsti dollardyng baghamy qymbat әri tiyimdi bolady da, eski aq banknottaghy dollardyng qúny tómendeu keledi. Búl turaly Dala inside telegram arnasy jazdy. 

Osyghan qatysty, qazir elimizde valuta aiyrbastau beketteri men bankterde dollar satyp alatyn otandastarymyz jana kók banknotany talap etude. Aq dollardy eshkim alghysy kelmeydi. Tiyisinshe aq dollar jinaqtalyp, kók dollar defisiyti sezile bastady. Búl problemany sheshu ýshin bizdegi birshama jekemenshik qarjy úiymdary aq dollar qabyldaugha shamamen 2% komissiya ornatqan.

Tengemen múnday problema bolsa, ony Últtyq Bank emissiya ortalyghy retinde tez sheship tastar edi. Biraq dollardy AQSh-taghy Federaldy rezerv jýiesi basady. Bizding monetarly organdar dollardyng banknotasyna qatysty jaghdaygha baqylau ornata almaydy.

Jalpy bizde dollar banknotasynyng eskiligine qatysty problema joq edi. AQSh óz kezeginde tipti 110 jyl búryn basylghan dollar banknotasyn zandy aqsha qúraly dep tabady jәne qabylday beredi. «AQSh eski banknottardy moyyndaudan bas tartady» degen jel sóz jyl sayyn payda bolsa da, FRS tarapynan eshqashan búghan qatysty resmy mәlimdeme jasalghan emes.

Tayland, Vietnam, Mysyr syndy elderding qarjy úiymdarynda dollardyng barlyq dizayndaghy valutasynyng jalghan/rastyghyn tekseru jýiesi әlsiz. Olar songhy jabdyqtaryn janalaghanda, tek kók dollardy anyqtay alatyn qúrylghylargha iyek artqan bolatyn. Tiyisinshe, әlemnen milliondaghan turist aghylyp, týrli dizayn men nominaldaghy dollar saghat sayyn kelip jatqandyqtan, jalghan aqsha ainalymynan qorghanu ýshin «kók dollar senimdi, al aq dollar senimsiz» degen úghym qalyptasqan. Dollar baghamynyng banknota dizaynyna baylanysty bekitilip jatqany da sol sebepten.

Demek, aq pen kók dollar problemasyn bizding shetelge sayahattaytyn turister әkelip otyr. Onyng masshtaby úlghaya beretin bolsa, Últtyq Bank bir rettik shara ayasynda bankter men qarjy úiymdaryna aq dollardy AQSh-qa jiberip, ony kók dollargha auystryp alugha rúqsat berui mýmkin. Sol kezde eldegi barlyq aq dollardan qútylyp alu kerek.

Abai.kz