21 qantar kýni Energetika ministri Almasadam Sәtqaliyev bastaghan qazaqstandyq delegasiya Reseyge júmys saparymen bardy.   Atalghan ministrlikting habarlauynsha, Qazaqstan atom elektr stansiyasyn (AES) salu tehnologiyasyn tandau maqsatynda ótkizilgen saparlar seriyasyn ayaqtady.

«Búl sapardyng basty maqsaty – atom stansiyalaryn paydalanudaghy tәjiriybemen tanysu jәne 3+ buyn VVER-1200 reaktorlary bar energetikalyq bloktardyng tehnologiyasyn zertteu boldy. Delegasiya Leningrad AES-ine baryp, stansiyanyng negizgi tehnikalyq erekshelikterin, onyng ishinde basqaru pulitin, turbinalyq bólimdi, zerthanalyq keshendi jәne salqyndatu jýiesin zerdeledi», – dep jazdy ministrlik.

Resmy derekkózderge negizdelsek, VVER-1200 reaktory «Rosatom» memlekettik korporasiyasynyng jetekshi jobalarynyng biri bolyp tabylady. Búl retki Reseyge sapar Qazaqstanda atom elektr stansiyasyn salugha arnalghan tehnologiyalyq seriktestikti anyqtau boyynsha songhy qadam ekeni belgili. Osy mәsele boyynsha osyghan deyin delegasiya qúramy Ontýstik Koreya, Fransiya jәne Qytaygha baryp qaytqan bolatyn.

Al júrttyng nazaryn audarghan Qazaqstanda salynugha tiyis AES qúrylysyna ýmitker kompaniyalardyng qysqasha tiziminde reseylik «Rosatom», qytaylyq CNNC, koreyalyq KHNP jәne fransuzdyq EDF kirip otyr.  Ministr Sәtqaliyevting aituynsha, Leningrad AES-ine baru arqyly delegasiya stansiyanyng júmys isteu tehnologiyasyn, sonday-aq qorshaghan ortany qorghau jәne jergilikti túrghyndardyng qauipsizdigin qamtamasyz etu sharalaryn múqiyat zertteldi. Sonymen birge ministrlik jetkizushini tandau turaly songhy sheshim biyl qabyldanatynyn, últtyq mýddeler, halyqaralyq standarttar jәne MAGATE úsynymdary eskeriletinin mәlimdedi.

Esterinizge sala ketsek, qantardyng basynda Preziydent Qasym-Jomart Toqaev ýkimetke AES qúrylysynyng qarqynyn jedeldetudi tapsyrghan bolatyn. Búghan deyin, qarasha aiynda, Premier-ministr Oljas Bektenov pen «Rosatom» basshysy Aleksey Lihachev atom energetikasy jәne kvanttyq tehnologiyalar salasyndaghy yntymaqtastyq mәselelerin talqylaghan.

Abai.kz