Keshe Saud Arabiyasynyng astanasynda AQSh pen Reseyding alghashqy kelissózi ótti. Kezdesu 4,5 saghatqa sozylghan. Jahan júrtynyng kýtken ýmiti aqtalmady.

Ukraina mәselesine baylanysty eleng eterlik eshtene aitylmady. Amerika taratqan tór týiinning bireuinde ghana Ukrainagha beybitshilik ornatu tilge tiyek etilse, qalghan ýsheui de soghys saldarynan ýzilip qalghan Aq ýy men Kremliding qarym-qatynasyn jaqsartugha baghyttalghan. Resey taraptan talqygha qatysqan Lavrov ta, Ushakov ta, Dimitriyev te kezdesuding ashyq, tike, qanaghattanarlyq dengeyde ótkenin aituda.

Kelissózden tys qalghan Europa men Ukraina taraptyng qarsylyghy tipti kýsheydi. Saud Arabiyasyna shaqyrylmaghandaryn bilgennen keyin Fransiya basshysy Makron bastamashy bolyp, Parijde Europadaghy basty elderding basyn qosyp, jinalys ótkizip edi. Onysynan týk shyqpady. Endi býgin Makron Reseyge jaqyn Rumyniya qatarly Shyghys Europa jәne Baltyq respublikalarymen beyresmy kezdesu ótkizbek.

Týrkiyada jýrgen Zelenskiy bolsa, Ukrainanyng taghdyry sheshiletin basqosulargha Europa men Týrkiyanyng sózsiz qatysuy kerek ekenin taghy qaytalap, Saud Arabiyasyna josparlaghan saparyn nauryzdyng 10-na shegergenin aitty. Reseymen kelisimge keluding jana ýsh shartyn úsyndy:

Birinshi - orys әskeri basyp alghan jerlerinen dereu shyghyp ketui kerek.

Ekinshi - Putin Gaga sotyna jetkizilui kerek.

Ýshinshi - Ukraina NATO-gha mýshe boluy kerek.

Zelenskiyding osynsha tulauyna ne sebep?

Tәuelsiz aqparat kózderining senimdi mәlimetinshe, keshegi kezdesude Resey taraby AQSh ókilderine soghys toqtatudyng basty sharty retinde Ukrainada preziydenttik saylau ótkizudi úsynghan. Kórip otyrghanymyzday, Tramptyng biylikke keluimen Putinnyng Ukrainada bayaghy Yanukovich siyaqty qolbala ýkimet ornatu esek dәmesi qayta oyanghan tәrizdi.

Búdan 3 jyl búryn Kremli qojayyny Kiyevti 24 saghatta alyp, Zelenskiyding ornyna óz adamyn qong maqsatynda Ukrainagha "arnauly әskery operasiyasyn" bastaghan edi. Ol oiy iske aspay, Ukrainanyng 4 oblysyn qosyp alumen ghana shekteldi. Endi mine, Zelenskiyding preziydenttik merzimining ayaqtaluy men Amerikadaghy preziydent saylauynda "AQSh mýdesi birinshi orynda, qalghan dýnie kýise kýiip ketsin" ústanymyndaghy Tramptyng biylikke kelui Putinning jerlengen ýmitin qayta oyatqanday. Kremli strategteri Ukraina da saylau ótkizip, Zelenskiydi biylikten taydyryp, ornyna orysshyl bireudi qoyyp, basyp alghan 4 oblysty ghana emes, kýlli Ukrainany perde artynan basqaryp otyrmaq. Budjet shyghynyn jeleu etip Kennedy zamanynan kele jatqan Halyqaralyq damu agentin jauyp, Aq ýiding shetelderde demokratiyalyq inistitutty damytu missiyasyna shekteu qoyghan Tramp ta oghan ýnsiz kelisip otyrghan siyaqty. AQSh pen Reseyding kezdesuinen keyingi BAQ ókilderin qabyldaghan Tramp: "Soghysqa jetkizbeu kerek edi", - dep Zelenskiydi kinalay sóilegen.

Tramp qyzyqqan, Amerikanyng joghary ghylym-tehnikasyna asa qajet Ukrainanyng siyrek kezigetin metaldar qosyndysy qorynyng basym bóligi Donbasta ekeni belgili. Ukraina taraptyng jazuynsha, Resey qosyp alghan bóligindegi shiykizat qoryn iygeruge Qytaydyng 10 kompaniyasy әldeqashan kirisip ketken. Tramp úsynghan 500 milliard dollarlyq kelisimge Zelenskiyding qol qoymauy da tegin emes eken.

"Sezikti búryn sekiredi" degendey, Tramptyng Memlekettik hatshysy Rubio Reseyge salynghan sanksiyanyng Putin kelisimge kelgenshe alynbaytynyn aityp aqtalghanday boldy. Lavroptyng da, Reseyding BÚÚ-daghy ókilining de, Peskovtyng da birining auzyna biri týkirgendey basyp alghan 4 oblystyng orys jeri bolyp qala beretinin aityp jahangha jar saluy jaydan jay bolmay shyqty. Aq ýy men Kremli qojayyny Ukraina mәselesin eki elding paydasyna sheshuding eng tiyimdi joly - Zelenskiydi biylikten ketiru dep sheshken siyaqty.

Abai.kz