Mәjilis deputaty Maqsat Tolyqbaev elimizde fonogrammamen әn salugha tyiym salu bastamasyn qayta kóterdi. Onyng aituynsha, fonogrammamen әn salghan jaghdayda aldymen tyndarmangha eskertu kerek.

«Qoldanystaghy zang boyynsha fonogrammamen әn aitqan kezde konsert úiymdastyrushylary kórermenderdi eskertuge mindetti, әnshi auzyn jybyrlatyp fonogrammamen aitady deu kerek. Biraq, búl ereje mýldem júmys istemeydi. Sondyqtan biz búl jobasynda fonogrammamen әn salugha tyiym saludy belgileuge baghyttalghan týzetuler engizudi úsyndyq, biraq Mәdeniyet jәne aqparat ministrligi qoldamay otyr, aitatyn syltau kóp, ónirlerdegi tehnikalyq qúraldardyng 70%-y tozghan deydi. Jaraydy dep, normany jenildetip berdik, konsert zaly tehnikalyq qúraldarmen tolyq qamtamasyz etilse, fonogrammany paydalanugha tyiym salynady dedik, biraq búl norma da ótpey otyr. Taghy bir syltau bilikti dybys rejisserleri jetispeydi eken, súranys bolmaghan song әriyne jetispeydi. Fonogrammany alyp tastasa, eng qymbat gonorardy dybys rejisserleri alady. Odan bólek, taghy bir jenildik úsyndyq, eger konsert ótetin oryn jabdyqtalmasa, mysaly, konsert stadionda ótse, auditoriyany habardar ete otyryp, fonogrammany paydalanugha rúqsat etiledi dedik, búghan da qarsy bolyp otyrsyzdar», - dedi Maqsat Tolyqbaev Mәjilisting jalpy otyrysynda.

Halyq qalaulysy kótergen fonogramma mәselesine qatysty Mәdeniyet jәne aqparat viyse-ministri Aybek Sydyqov týsinik berdi.

«Fonogrammagha qatysty birneshe júmys tobynyng otyrysy ótti, qyzu talqylanyp jatyr. Memlekettik organ retinde mamandardyng pikirin tyndap, mýddeli jandardyng basyn qosyp, ashyq talqylau kerek degen mәmilege keldik. 11 nauryzda shou biznes ókilderi, mәdeny mekemeler basshylary, rejisserler jәne basqa mamandarmen sizder úsynghan mehanizmderdi talqylap, egjey-tegjeyli pysyqtap Mәjilistegi zang jobasynyng ekinshi oqylymyna deyin bir sheshimge kelemiz degen senimdemin», - dep jauap berdi ministrding orynbasary.

Viyse-ministr fonogrammamen konsert ótetin kezde kórermenderdi eskertu is jýzinde oryndalmay otyrghanyn moyyndady.

Eske sala ketsek, elimizde fonogrammany eskertusiz qoldanu zanmen qadaghalanatyny 2020 jyldan beri aitylyp keledi.

Byltyr Mәdeniyet jәne aqparat ministri Aida Balaeva fonogrammamen әn aitu, avtorlyq qúqyq mәselesi zang arqyly retteletinin aitqan edi.

Býgin Mәjilis «Qazaqstan Respublikasynyng keybir zannamalyq aktilerine mәdeniyet jәne bilim beru mәseleleri boyynsha ózgerister men tolyqtyrular engizu turaly» zang jobasyn birinshi oqylymda maqúldady.

Abai.kz