Ukraina men AQSh preziydentteri Aq ýide kezdesti. Tikeley efirde, jariya týrde talqy jasady. Sondaghy basty eki әngime boldy. Birinshisi – AQSh pen Ukraina arasyndaghy tabighy resurstar turaly kelisim. Ekinshisi – beybit kelisimning jay-japsary.

Áuelde Tramp ta, Zelenskiy de bir-birine iltipat sózder aityp, bir-birining arqasynan qaghyp, sypayy sóilese bastaghan. Ayaghy dauys kóteruge, bir-birine ulitimatum qoigha deyin jetti. Zelenskiy men Tramptyng kezdesui asa shiyelenisti jaghdayda ótti.

Zelenskiy:

– Putin Ukrainamen jasasqan úrysty toqtatu rejiymin 25 mәrte búzghan adam. Ol kelisimdi saqtamaydy. Men ony jaqsy bilemin. Sol sebepti de biz ýshin úrysty uaqytsha toqtatu nәtiyjege әkelmeydi. Putindi birlese toqtatu kerek, - dedi.

– Putin Ukrainany qiratty. Ol qún tóleui tiyis. Biz Europanyng nege dayyn ekenin bilemiz, al AQSh nege dayyn? Men sony bilgim keledi. Sol turaly preziydent myrzadan súraghym keledi, - dedi.

Tramp:

– Biz Ukrainagha 350 mlrd dollar berdik. Ukraina bizge alghys aituy tiyis. Bizding qaruymyz bolmaghanda búl soghys birneshe aptada biter edi, - dedi.

– Siz ózinizding bizge degen qúrmetsizdiginizdi kórsetip otyrsyz. Jaghday ýshinshi dýniyejýzilik soghysqa jyljyp barady. Búl oinaytyn nәrse emes. Sizding qolynyzda qanday da bir kózir joq, - dedi.

– Biz búl kelisimdi jasaymyz, ne búl kelisimnen siz (Zelenskiy) shyghasyz, - dedi.

– Zelenskiyding Putinge degen óshpendiligin kórip túrsyz. Ol ony qatty jek kóredi. Óte qatty. Múnday sәtte kelisim jasau óte qiyn, - dedi.

Zelenskiy:

– Sizder bizdi óz qalaularynyzdy jasaugha mәjbýrley almaysyzdar, - dedi.

Tramp:

– Siz bizge: «Anany qalaymyn, mynany qalaymyn», - dep «diktovka» jasay almaysyz, - dedi.

Sózge AQSh-tyng viyse-preziydenti Vens aralasyp:

– Sizder dәl qazir ýlken problemagha kelip tireldinizder, - dedi.

Zelenskiy:

– Sizder bizde ne bolyp jatqanyn egjey-tegjeyli bilmeysizder. Sizder múhittyng arghy jaghyndasyzdar, - dedi.

Tramp:

– Sizderding qoldarynyzda myqty karta joq. Ony biz berip otyrmyz. Sol ýshin bizge alghys aitularynyz kerek! Obama sizge eshtene bergen joq. Al men sizge Javelin berdim, - dedi.

Zelenskiy:

– Men múnda karta oinaugha kelgen joqpyn, - dedi.

Tramp:

– Men karta oinaugha kelmegeninizdi bilemin! Ne biz kelisimge qol qoyamyz, ne әri qaray jalghyz ózderiniz, bizsiz soghysasyzdar! Sizderde sarbaz jetispeydi. Soghysta kóp adam qyrylyp jatyr. Biz soghysty toqtatu ýshin kýsh saludamyz. Sol ýshin bizge riza bolularynyz kerek, - dedi.

Zelenskiy:

– Siz óziniz bizge kelip, kózinizben kóriniz, - dedi.

Qosymsha: Kezdesuding basynda taraptar tabighy resurs boyynsha kelisimge keletini, AQSh Ukrainagha qaru-jaraq berudi jalghastyratyny turaly aitqan. Jariya sóztalastan song Zelenskiy men Tramp kelisimge kele almady. Zelenskiy Aq ýiden jospardaghydan erte ketti. Baspasóz maslihaty da, basqasy da bolmaytyn boldy!

Tramp:

– Men qorytyndygha keldim. Zelenskiy beybitshilikke dayyn emes. Beybit kelissózge AQSh aralassa, búl oghan (Zelenskiyge) kelissóz kezinde basymdyq beredi dep esepteydi. Maghan basymdyq kerek emes, beybitshilik kerek! Ol AQSh-qa qúrmetsizdik kórsetti! Ol beybitshilikke dayyn bolghan kezde qayta kelse bolady, - dep jazba jariyalady.

«Fox News»: «AQSh pen Ukraina arasyndaghy tabighy resurstar boyynsha kelisimge qol qoyylmaytyn boldy», - dep jazdy. Búl aqparatty Aq ýiding baspasóz qyzmeti de rastady.

Abai.kz