Qazaqstan Tәuelsizdik jariyalaghan qarsanda men Kýitin qalasyndaghy Ile Oqu-aghartu inistitutynda oqyp jatqam.

Bir kýni әdebiyet teoriyasynan sabaq beretin, eluinshi jyldary Qabdesh Jýmәdilovtermen birge QazGU-ge kelip eki jyl oqyp, qaytyp ketken Myrzahan Qúrmanbaev aghayymyz: «Qazaqstanda ómir boyy mahabbatty jyrlap kele jatqan Túmanbay Moldaghaliyev degen aqyn bar!» dedi.

Boyyn týzep, súlu qyzdargha kóz sala bastaghan, azdap óleng de jazyp jýrgen bozbalanyng qúlaghyn birden eleng etkizdi búl esim.

Sol kýnnen bastap men Túmaghanyng ólenderin izdey bastadym. Jýgirip kitaphanagha bardym. Onda Túmaghanyng «Tynyq múhit dәpteri» degen kitabynyng jalghyz danasy bar eken. Biraq, ol kitap Jeken Qauytúly degen múghalimning qolynda bolyp shyqty.

Zaulatyp otyryp, Jeken aghaydyng ýiine baryp, «Tynyq múhit dәpterin» bir әptege súrap aldym.

Áli esimde, kitaptaghy birinshi ólen: «Aytshy, Alatau». Joldan bir qalyng dәpter satyp aldym da, jataqhanagha kelip, әlgi dәpterge sol kitapty «Jaqsy dep úq kórsen-daghy qanday týs, Qanat qaqsang eng biyikte samghay týs. Senderdi bir tanghaldyrsam deymin de, Úzaq tangha kóz ilmeymin men bayqús...» degen shumaqtan bastap, men bayqús ta úzaq tangha kóz ilmey kóshirip jaza bastadym. Tura bir apta boyy toqtausyz kóshirdim. Uәdeli uaqyt bitken son, óleng kóshirgen dәpterimdi jastyghymnyng astyna tygha saldym da, Jeken aghanyng ýiine tarttym. Rahmet aityp, kitabym tabystadym.

Qaytyp jataqhanama oralsam, andyp jýrgen bolsa kerek, managhy Túmaghanyng óleni tolghan dәpterimdi bir onbaghan úrlap ketipti.

«Sýiinshindi bereyin, bolmasa sol ólendi dәl sonday basqa bir dәpterge týgel kóshirip bereyin...» dep, ainalamdaghylardyng bәrine ólerdey jalyndym, eshkim qaytaryp bermedi. Bir apta boyy kóz mayymdy tauysyp kóshirgen esil enbegim on sinuttyng ishinde selge ketti. Ishim uday ashyp, zarladym da qaldym...

Áriyne, ol dәpterdi sol menimen birge oqyp jýrgenderding ishindegi óleng jazyp, aqyn bolghysy kelip jýrgenderding bireui úrlaghany anyq. Biraq, sol jyldary sol kursta menimen birge oqyghandardyng ishinen birde-bireui keyin men qúsap tógiltip óleng jazyp, aqyn bola alghan joq.

Sóitip, 1993 jyly shilde aiynda oqudy tauysyp, auylgha qayttyq. Kurstastarymyzben Qazaqstanda qauyshatyn bolyp qoshtastyq. Túmaghamnan biraz jyl alystap qaldym. Ishim qonqyldap jýrgen kýnderding birinde, 1995 jyly bolsa kerek, Ýrimji men Almaty arasynda әue qatynasy ashylyp, Shynjannan bir top óner men әdebiyetting tanymal túlghalary alghashqy úshaqpen Almatygha úshty.

Sol delegasiyanyng qúramynda bolghan qazaqtyng asa kórnekti qalamgeri Orazhan Ahmetov aghamyz Almatydan Túmaghanyng tandamaly ýsh tomdyghyn әkelip berdi.

Túmagha jazushy Orazhan Ahmetov pen aqyn Shәken Onalbaevty ýiine qonaqqa shaqyrypty.

Orazhan aghagha ýsh tomdyghyn ózi syilapty.

Shәken Onalbaev pen Túmanbay agha Altay men Almatyda oqyp jýrgen sonau eluinshi jyldary bir-birine hat jazysyp jýrgen ejelgi dostar eken.

Orazhan agha sol kitaptardy berip jatyp, maghan Túmagha turaly óte әdemi әngimeler aityp, auzymnyng suyn odan ary qúrytty.

Sol kýnderden bastap, Túmaghanyng ýsh tomyn basyma jastanyp jatyp oqy bastadym. Qayda barsam janymnan tastamay kóterip jýrdim.

Shynymdy aitsam, naghyz syrshyl poeziyanyng qanday bolatynyn, aqyndyq degenning ne ekenin men sonda baryp týsingen siyaqtymyn.

1998 jyldyng qazan aiynda qasiyetti Qazaqstannyng qara topyraghyna mening de tabanym tiydi.

Demek, men de Jaqsylyq Sәmiytúly bastaghan Úly kóshke ergen bala taylaqpyn ghoy.

Arghy bette jatyp Túmaghanyng jýrekjardy jyrlaryn oqyp, onyng býkil jan-dýniyesin, ótken-ketkenin, arman-tilegin, meyirimge toly jýregin, biyik adamgershiligin, adal kónilin, keng qúshaghyn... jan-tәnimmen sezingem.

Sonda maghan býkil Qazaqstan Túmanbay Moldaghaliyev bolyp elesteytin.

Oygha alghannyng bәri der kezinde birden oryndala bermeydi eken. Art-artynan aghalarym, әke-sheshem dýnie saldy. Jetim qalghan ini-qaryndastarymdy jetkizu kerek boldy. Sol Kýitindegi oquymdy bitire salyp ketemin degen basym, aragha bes jyl salyp әreng jettim Qazaqstangha.

Arghy bettegi qazaqtyng qara tanyp, qalam ústaghan qaymaqtary bergi betke qúlaq týrip, qorjynyna týsken kitaptaryn qoldan-qolgha qydyrtyp oqityn edi. Árkim ózine únaghan qazaqtyng marghasqalaryna syrtynan «en salyp», agha tútyp jýretin.

Mysaly, Nәbijan Múhamethannyng Manash Qozybaevty, Qayrat Ghabithannyng Ábduәly Qaydardy, Raqym Ayypúlynyng Aytan Nýsiphanovty, Bazarәli Áripúlynyng Álimqazy Dәulethanovty, Armiyabek Saghyndyqtyng Qabdesh Jýmәdilovty, Serik Núghymannyng Ábish Kekilbaev pen Múhtar Maghauindi qatarynan, Qayrat Qúl-Múhammedting Sherhan Múrtazany, Lәzzat IYgisinning Fariza Ongharsynovany, Rayys Áripjannyng Edil Erghojindy, Qúrmanbek Álimghazynyng Erjan Belghoziyevti, Jasan Zekeyding Múhtar Áliyevti, Duken Mәsimhannyng Joldasbay Túrlybaydy, Bilisbek Ábdirazaqtyng Janat Ahmәdiydi, Múrat Shaymarannyng Bauyrjan Jaqypty, Kerim Elemesting Múqaghaly Maqataevtyng qara shanyraghyn ruhany tirek tútyp, alghashqy atbaylary sanap, kónilge týiip kelgenin, iyә, men jaqsy bilemin.

Almatygha kele salyp, men de alyp úshqan jýrekpen Túmaghany izdedim. Auyryp qalghandyghy sebepti, jolygha almay, birinshi barghanymda jabyrqap qayttym. Aghamdy kórmey túryp arnap ólender jazdym.

Kelesi kelgenimde baryp didarlasudyng sәti týsti.

Qúdaygha tәube, Túmanbay agha aman-esen sauyghyp, qyzmetin istep jýr eken. Sәlem berip aldyna bardym. Qaydan, qashan kelgenimdi jasqana otyryp aittym. Ózine arnaghan ólenimdi jatqa oqyp berdim. Asa yqylaspen tyndap, qatty riza bolghanyn birden bayqatty. «Balam, men ótken jyly qatty auyrdym. Edige dosymdy shaqyryp, qoshtasugha deyin bardym. Sening tileginmen aman qalghan ekem ghoy...»,-dep, aghynan jaryldy.

Mening ózin sonshama jaqsy kóretinimdi, pana tútyp kelgenimdi jautandaghan kózimnen oqyp ýlgirdi jaqsy agha. Ólenimning de ózining ólenderine tartqanyn aityp, maqtap ta qoydy.

Sosyn bar jaghdayymdy, Qazaqstanda qalghymnyng keletinin súrap úqty da, ózining maghan agha bolugha dayyn ekenin, qolynan kelgenshe kómektesetinin aityp, kelesi kýnge ýiine shaqyrdy. Bir japyraq qaghazgha ýiining mekenjayyn, telefonyn jazyp, qolyma ústatty.

Qunap, jaynap shyqtym asyl aghanyng aldynan.

Ómirimde búdan ótken quanyshty, júldyzdy sәtimning bolghanyn eske týsire almay, qatty tolqydym.

Agha didaryn óz kózimmen kórsem, sәlem bersem degen úzaq jyl kýtken armanym sәtti oryndaldy. Mine, Atajúrtqa oralsam degen Úly armannan keyingi taghy bir asqaq armanym – qazaqtyng asa kórneti aqyny Túmanbay Moldaghaliyevti kóru edi.

Alla ol armanymyma da jetkizdi...

Men ýshin búdan artyq qanday baqyt kerek!

Adamda «Ishki týisik» degen bolady. Sonday bir sezgishtik mende de bar. IYә, Túmagha jayly ishki týisigim aldamaghan eken. Ol kisi turaly arghy bette jatyp oilaghan oidyn, kórgen týsting bәri bir-aq kýnde jarqyraghan shyndyqqa ainalyp shygha keldi.

Osydan bastap Túmagha maghan tughan agha bolyp ketti.

Eng aldymen Kýltay tәtemning qolynan dәm tatyrdy.

Ýiine birinshi barghanymda, bala demey iyghyma shapan japqanyn qaytersin.

Sosyn, meni ózim ólenderinen oqyp bilgen, didarlassam dep yntyghyp jýretin jan dostary Edige Sapaev, Núrqoja Orazov, Jolmúhan Týrikpenov, Qaltan Bastaubaev, Ály Núrtaev, Nyghymet Ábenov, Shortanbay Hamziyn, Qalen Kidibasov, Tileuimbet Sәnәliyev, Bek Toghysbaev, Dәuitbay, Júmaghaly Býienbaev aghalarymmen, ol kisilerding ýiindegi tәtelerimmen birtindep tanystyra bastady.

«Myna bala Qytaydan meni arnayy izdep kelipti. Ózi aqyn eken. Taghy mening ólenderimdi jatqa soghady. Týri de ózime úqsaydy. Qytaygha barmasam da, núrymmen tughyzgham. Qúday ózi aidap әkelgen balam...»-deydi Túmagham sol dostaryna meni tanystyrghanda.

Túmaghanyng janynda jýrgen on jyldan asa uaqyttaghy mening kýnderim talay-talay úmtylmas kezdesulerge, saparlargha toly ómir mektebi boldy. Ol kisi ýnemi ýlken keshterge, saltanatty jinalystargha tastamay ertip barady.

Dәrejem jetpese de, kitaptaryn oqyghan, attaryna qanyq ataqty aqyn-jazushylardyn, memleket qayratkerlerining birazymen tanystym. Astananyng on jyldyq toyyna kelgen Resey, Týrkiya, Gýruziya bastaghan on elding preziydentterin men Túmaghanyng qasynda otyryp, qamshy salym jerden kórdim.

Túmaghagha ilesip baryp, ataqty Kәkimbek Salyqov pen Erkeghaly Rahmadiyev, Múzafar Álimbaev aghalardyng da dastarhanynyn shay ishtim. Gharyshker Talghat Músabaevpen de bir ýstelding shetinde otyrghan kýnder boldy.

Elge qalay ekenin bilmeymin, Atajúrtqa kelgen alghashqy jyldary múnyng bәri men ýshin tek biyik mәrtebe, zor maqtanysh bolatyn.

Túmaghamen sol alghashqy tanysqan kýnnen-aq qúsagha, múngha tolyp kelgen mening keudeme kóktemning әsem qústary qona bastady. Synyq jýzim núrlanyp, alandap túratyn kónilim sabasyna týsti. Anadaydan ýmit oty jarqyrap janyp túratyn boldy. Alatauday aqynnyng qasynda jalbandap jýrgenimdi ýlken baqyt, zor quanysh sanadym...

Búl habar arghy bettegi tuystardyng da qúlaghyna jetipti jeldey esip.

Qytaydan kelgen óz aghalaryna azdap ókpelep qalghan Bilisbek dosyma:

«Almatyda jyr bolyp sen sebele,

Seni jalghyz degenge el sene me.

Qadirindi óz aghang bilmegen son,

Agha tauyp almadyng menshe nege?!» - dep, óleng shygharyp, qaghyna bastadym men.

Sol shaqtardy osy kýni oilasam boldy, kózime tek móldirep ystyq jas keledi de túrady.

Qamqor agha maghan qolynan kelgenning bәrin jasady.

Menen jetisken ghalym shyqpaghany bolmasa, Qazaqtyng Abay atyndaghy Almaty memlekettik uniyversiytetining aspiranturasyna týsirdi; Túnghysh kitabyma alghysóz jazyp, batasyn berdi; Bir auyz sózimen-aq shetten oralghan aghayyndargha jasalyp jatqan kómeten iygiliktendirdi; Astyma aq túlparyn da mingizdi; Qol astyna júmysqa da aldy; Shyghystyng Gýlbayan degen bir súlu qyzyna Ózi Kýltayy men Edige dosyn ertip baryp qúda týsip, artynan bir jylqysyn soyyp toy jasap, ýilendirdi; ómirden ótkenshe qasynan tastamay ertip jýrdi, tughan balasynday kórdi. Qysqasy, әkem Múqiybek pen sheshem Býbýjan oryndaugha ýlgirmey ketken paryzdy Túmagham men Kýltay tәtem oryndady...

Men maqtamasam da Túmanbay Moldaghaliyev halqymyzdyng asa kórnekti aqyny. Alash júrtynda onyng bedeli de, ataghy da óte joghary boldy. IYә, býkil dýnie jýzindegi qazaq Túmanbay Moldaghaliyevting ózin de, sózin de biledi. Qazaqstannyng halyq jazushysy, Qazaqtyng memlekettik Abay atyndaghy, Býkil Týrki dýniyesi Fizuly atyndaghy syilyqtardyng lauriaty. Asqan darynymen, eren enbegimen bir halyqtyng bedeline ainalghan iri túlgha..

Seksen jyldyghynyng qarsanynda Dәuren Qauat «Qazaq Ádebiyeti» gazetine Túmaghany «Qazaq lirikasynyng karoly» dep atap, kólemdi maqala basty.

Túmaghanyng aqyndyghynyng naghyz baghasy – osy!

Túmanbay Moldaghaliyev – Qazaq lirikasynyng karoly!

Áriyne, Túmaghanyng qasynda men eshkim de emespin!

Qytayda, bir saydyng quysyndaghy qoyshynyng qara qosynda tughan, shamasy jetkenshe oqyghan, aghalaryna eliktep azdap óleng jazatyn qazaqtyng qarapayym bir balasymyn.

Ákem Múqiybek óz ruymyzdyng zәngisi bolyp, әli jetkenshe el biylegen eken.

Inisi Múqabay kezinde ótken ghasyrdyng qyrqynshy jyldary Ýrimjiden oqyghan, qytay tilin jetik mengergen, Qúljadaghy «Qazaq-qyrghyz mәdeni-aghartu úishymasyn» genaral Ysqaqbek Mononvtan keyin eki jyl basqaryp, el sauatyn ashugha enbek sinirgen túlgha bolypty.

Sonan son, Múqabay atam Álihan tóre qúrghan Shyghys Týrkistan Respublikasy Oqu-aghartu mengermesi tóraghasynyng orynbasary bolypty.

Keyin Qytayda komunistik biylik ornaghanda pantýrkist, últshyl bolghandyghy sebepti, 1951 jyly komunis Qytay jendetterining qolymen atylypty.

Sol nәbetten bastap әkemning basynan da qara búlt arylmapty. Bir-eki jyl týrmege de otyrypty. Tipti, oqqa úshqan inisining sýiegin arulap jerleuge de mýmkindigi bolmapty. Sosyn basqa audangha kóship ketip, tuys-tughannan shalghayda ómir sýrgen.

Qytayda jýrgizilgen sandaghan sayasy dauyldardyng bizding shanyraqty ainalyp ótpegeni joq. Óz kindik qanyng tógilgen, ata-babannyng sýiegi jatqan, tughan jerindi әbden es bilip, etek japqanda baryp artqa tastap, ekinshi bir jerge baryp ómir sýruding onay sharua, adam pendesining basyna bermeytin qasiret ekenin jan әkem kózi tiri kezinde qamyghyp otyryp talay әngimelegenin estigem. Qonys audarudyn, shet júrtta ómir súruding qiyndyghy odan qúlaghymda qalghan...

Biraq, men Túmaghamnyng arqasynda eshteneni sezgem joq. Qazaqstanymnan adal dostar taptym. Kәdimgi Oimanbúlaghymda jýrgendey emin-erkin jýrmin!

Últ ýshin «Tәuelsiz Otan!» degen, әriyne, tendesi joq baqyt!

Qasym-Jomart Kemelúly óte dúrys aitady, Tәuelsizdik bәrinen qymbat!

Biraq, sol TÁUELSIZDIKTI ornyqtyru, ústap túru onay sharua emes eken.

Úzaq jyl oiran salghan otarshylyqtyng kesirinen dinnen, tilden, salt-dәstýrden aiyryla bastaghan, endi ghana bostandyghyn qolyna alyp, jappay júmyssyzdyq pen joqshylyq, jemqorlyq pen burokratiya  jaylaghan jas memleket ózining derbestigin qalay saqtap qalam dep qyl ýstinde túrghanda, otyryqshy elding de, shetel asyp kelip, múnda qonystanghan qazaqtardyng da kórgen qiynshylyghy, tartqan azaby men tozaghy az bolghan joq.

«Oralman» dep atalghan aghayyndar eng aldymen tilden qinaldy, halal tamaqtan taryqty. Soghan shydamay, qayta kóship ketkender de boldy. Japagha shydap qalghandary joqtan bar, azdan kóp jasap, búl kýnderi el qataryna qosyldy. Auqatty azamattardyng qarasyn kóbeytti.

Shyny kerek, bizding boyymyzgha Alla bergen darhandyqtyn, izgiliktin, bauyrmaldyqtyng keregesin Kenestik jýie shayqaltyp-aq jibergen eken.

Eki alyp imperiyanyng tizginin ústaghan Mao men Hrushevting bas arazdyghy, odan qala berdi kenestik «Otan sýigishtik tәrbiye» týbi bir týrik túrmaq, tútas bir últty bir birine jat qyp, tipti birin birine jau etip kórsetip, birine birin aidap salumen boldy ghoy.

Keshe ghana jylap aiyrylysqan bir atanyng úrpaghy, bir әkening shekaranyng eki betinde tirlik keshken eki balasy bir-birine kýdiktene, jatyrqay qaraytyn kýige jetkizipti.

Tipti, jay bizdi bylay qoyyp, ataqty Mústafa Óztýrikti júmbaq jaghdayda jazym etkender de, ómir boyy azattyq ýshin arpalysyp ótken Hasan Oraltaydyng ózin qolynda biyligi bar, «últtyng joqshysy» bolyp jýrgen aqbas aghalarymyzdyng «Elim-aylap ótken ómir» kitabyn sol Tәuelsizdikting alghashqy jyldary Qazaqstangha kirgizbey, ózin ózekke tepkeni de sol zaghip sananyn, kenestik qúdaysyzdyqtyng kesirinen bolghan qasiret ekeni dausyz.

Taghdyrsheshti jerde otyrghan alpysynshy jyldary kelgenderding balalarynyng Úly kóshke jasalyp jatqan tosqauyl men qastandyqty kórip túryp, miz baqpay bezireyip otyrghandary da sol kenes dәuirinen qalghan jetesizdikting júghyny emey, nemene?!

Búrynghymyz ainalayyn eken, býginde qay kensege kirseng siresken burokratiya, qay bastyqqa barsang shalqayghan keude shyghyp otyrdy aldymyzdan. Tipti, aldynda otyrghan keybir qara kózding qazaq ekenine, ózing ansap jetken qandasyng ekendigine kýmandana bastaytyn kýnder de boldy-au. Birdemeni bilip túryp istese meyli ghoy, bilmeytin sheneunikke týsindire almaudan ótken qasyret joq shyghar?!

Áriyne, eng basty qúndylyq – Tәuelsizdik.

Jәne osy Tәuelsizdikti tútas últymyzdyng úiysuyna qyzmet ettirgen qazaqtyng últshyl ziyalylarynyn, ruhany kóshbasshylarynyng enbegi ekendigin aitpay ketu kýnә!

Eger, kósh bastaghan sol qauymgha atbaylar aghalary, qúqyqtyq negizdi qalyptastyrghan memleketshil túlghalary jebeu bolmaghanda, qazaq kóshining taghdyry qalay bolaryn kózge elestetuding ózi – qorqynyshty.

Sondyqtan da mening sol ótken atababamnyng jolyn quyp, dәstýrin ústanyp, býkil týrki dýniyesin dýbirletken, iysi qazaqtyng Túmaghasyn izdeuim, kólenkesin sayalauym eshkimge de ersi kórinbese kerek.

Ýlken basymen, Alatauday ataghymen jan aghamnyng qúraq úshyp qol ýshin berui, aghalyq qamqorlyghyn kórsetui, mandayymnan syipap ayalauy taza tektiliktin, ýlken azamattyqtyng belgisi ekenin, qazaqtyng osy túmaghalarmen qazaq bolyp qalghanyn aitqym keledi.

Birde Túmagha Sәken Imanasov, Bek Toghysbaev bastaghan bir top dostaryn tau etegindegi sayajayyna shaqyryp, qarta oinady.

Kenet aldymda túrghan telefonym shyryldap qoya berdi. Kartanyng qyzyghy búzylmasyn dep, telefondy bylay syrghytpaq bolyp edim, Túmagha: «Al, balam, sóilesip al...»,-dep maghan búryldy.

Telefondy kótersem, arghy betten jaqynda oralghan aghayyndardyng bireui eken. Bayaghy qújattanudyng sharuasy.  Álgi kisige shamamnyng kelgeninshe tәpteshtep týsindirip jatyrmyn. Key týsyn eki qaytalap aitamyn. Karta jayyna qalyp, aghalardyng bәri maghan qarap otyr...

Aqyry ol kisimen Almatyda kezdesetin bolyp, telefondy jerge qoydym.

Oyynymyz bitip, aghalar oryndarynan túryp, baqsha jaqqa ketti.

Túmagha taghy maghan búrylyp, «Balam, janaghy kisige óte jaqsylap týsindirdin. Aghayyndaryna osylay kómektesip jýr, sauabyn alasyn. Eger, shamang jetpey jatsa, maghan ait, Túmanbay degen atym bar ghoy, men baryp aitayyn bastyghyna. Qinalyp qalmasyn...» dep jatyr.

Tolqyp kettim! Kózimnen ystyq jas yrshyp ketti...

Sonau Týrkiden, ata-babalarymyzdan jalghasyp kele jatqan bauyrmaldyqtyn, kendiktin, jomarttyqtyn, qonaqjaylyqtyn, adam sýigishtiktin... bәrin-bәrin men osy Túmaghamnyng boyynan kórdim.

Múqiybekting sol jaman úly Túmaghasynyng qasynda jýrip, Qazaqstannyng da qyry men syryna qanyqqan sekildi. Qazaqtyng Úly aqynynyng ystyq yqylasyna bólenip, aq batasyn alghandyqtan bolar, búl kýnde sol shetten oralghan býkil qauymnyng auzynda aty jýretin jigit aghasy bolyp qaldy.

Qazaq múny «Jaqsydan júqqan sharapat...» dep ataydy.

Qayda barsam da, qay esikti qaqsam da, әngimeni Túmaghamnan bastaymyn.

Túmaghanyng aty shyqqan jer jaynap ketedi.

Túmaghanyng atyn estigen estiyar jannyng bәri aghynan aqtarylyp jatady.

«Auytjan, jaqsy jaza bilsen, ólenning almaytyn qamaly joq!».

Búl – maghan Túmaghadan qalghan ósiyet!

Men Túmaghamnyng osy ósiyetimen 2013 jyldan beri Qazaq kóshin ýlken qaterlerden saqtap kelemin.

Sondyqtan da biz «bitke ókpelep, tonymyzdy otqa tastaytyndardyn» qatarynan emespiz. Alys-jaqyn shetelderden oralghan sol aghayyndar búl kýnde bir qauym el boldy. Al, qomaqty bóligi әli shekara syrtynda, taghdyry qyl ýstinde otyr. Kerek bolsa, biz sol shettegi qandastarymyz ýshin aghyngha qarsy jýzetinderding sapynanbyz!

Qazaqqa osy Túmagham men Kýltay tәtemdi bergen Qúdaydan ainaldym. osy kisilerding arqasynda jalghyzdyghym da, kedeyligim de, jetimdigim de bilinbey, el qatary, Tәuelsiz Qazaqstannyng bir azamaty bolyp, órli-qyrly shauyp jýrmin!

Alystan arnayy izdep kelgenderding ishinde sol jaqsy aghalardyng qadirine jetip, qyzyghyn kórgen – Qayrat Qúl-Múhamed ekeumiz boldyq-au deymin.

Biyl túmaghanyng tughanyna toqsan jyl!

Sol toqsan jyldyqty memleket óz dengeyinde atap ótedi dep senemin!! 

Auyt Múqiybek

Abai.kz