Putinning 2022 jyly 24 aqpanda Ukrainagha ashqan soghysy Europany úiqydan oyatty. Jýieden әlem elderi de ekige jaryldy. Ukraina - erkindikti, demokratiyany qorghaudyng simvolyna ainaldy. Resey bolsa - ótken ghasyrlardaghy imperiyalyq basqynshylyqtyng qayta tirilgen qorqynyshty elesindey baghalandy.

Amerika bastaghan NATO elderi strategiyalyq mýddesi túrghydan Ukrainany qoldasa, ózge elder әr týrli jol tandady. AQSh-tan keyingi ekonomikasy quatty el - Qytay Resey jaghyna shyqty. Kóriniske beytarap maydan ústanghan siyaqty kóringenimen, Batys sanksiyasynan әlemnen oqshaulanghan Reseyding basty sauda әriptesine ainaldy. Europa men AQSh kýni býginge deyin Qytay biyligin Reseyge astyrtyn kómek berip keledi dep aiyptaumen keledi.

Tramp Aq ýige kelgennen keyin ýsh jyldan bergi qalyptasqan jogharydaghy geosayasy qarym-qatynastar ózgere bastady. Tramp Bayden siyaqty Reseydi oqshaulau sayasatyn emes, halyqaralyq arenegha qayta tartu baghytyn ústandy. Europalyq әriptesterining qarsylyghyn elep jatqan joq. Ol sonymen birge, Qytaygha sauda soghysyn kýsheytip, Qytay tauarynan tarifti tarihta bolmaghan dengeyge kóterip, ashyq qarsylyqqa kóshti.

Kórip otyrghanymyzday әlemning qazirgi geosayasy beynesi AQSh pen Qytaydyn, Europa men Reseyding teke-tiresine ainalyp kele jatyr.

Europa men Reseyding qaqtyghysy Ukraina mәselesinde aiqyn kórinis tauyp otyr. Ukrainany qoyyp, Finlandiya, Baltyq tenizi respublikalary Reseymen shekarasyna mina kómip tastady. NATO tóraghasy kýni keshe Tramptyng Putinmen beybitshilik kelisimine kelip, soghysty toqtatamyn deuining qiyn sharua ekenin ashyq aitty.

Qytay tóraghasynyng Vietnam, Malayziya, Kambodjagha sapary kezinde AQSh pen Flippin әskeri birlesken әskery jattyghudy bastady. AQSh pen Qytaydyng sauda soghysy ushyghyp, әskery qaqtyghysqa úlassa, Tynyq múhit aimaghy men Qytaydyng Ontýstik teniz alaby soghys alanyna ainalady degen sóz.

Resey men Ukraina soghysy kelissózderding bastalghanyna qaramastan toqtaudyng ornyna ushyghyp barady. Orys әskeri shabuyldy ýdetip jatyr. Kremli Tramptyng tarif sayasatynyng әlem elderin әnki-tәnki etkenin jaqsy týsinip otyr. Soghysty úzarta týsuge taptyrmaytyn oray ekenin payymdap jantalasuda.

Qytay da AQSh-qa jyly qabaq tanytpauda. Aldynda ghana Syrtqy ister baspasózi: "AQSh-pen kez kelgen soghysqa dayynbyz", - dep mәlimdegen edi. AQSh pen Qytay, Europa men Resey qaqtyghysy ushyqsa dýniyejýzilik ýshinshi soghysqa alyp kelui mýmkin.

Abai.kz