Býgin Memlekettik qyzmet isteri agenttigining tóraghasy Darhan Jazyqbay Preziydenttik jastar kadr rezervine kezekti irikteuding erekshelikteri men kezenderi turaly aitty.

Agenttik tóraghasy, Preziydenttik jastar kadr rezervi – daryndy, bastamashyl, kәsiby bilikti jastardy memlekettik basqaru jýiesine tartugha baghyttalghan manyzdy joba ekendigine nazar audardy. Memleket basshysy Preziydenttik jastar kadr rezervining forumynda atap ótkendey, «elimizdegi biznes, auyl sharuashylyghy, qarjy, medisina, bilim jәne basqa da sektorlarda tabysty enbek etip jýrgen adamdar jetkilikti. Naqty nәtiyjege úmtylyp, tútynushynyng qajettiligin óteu ýshin júmys isteytin osynday mamandardyng әleuetin júmyldyru kerek».

Búghan deyin 2019, 2021 jәne 2023 jyldary ótken irikteulerge qatysugha jalpy 60 mynnan astam qazaqstandyqtar qyzyghushylyq tanytty. Irikteuler qorytyndysy boyynsha rezervke 400 adam qabyldandy. Býginde olardyng 318-i jauapty qyzmetterge taghayyndalyp, ekonomikanyng týrli salalarynda elimizding damuyna óz ýlesterin qosuda.

Atap aitqanda, 167 - ortalyq memlekettik organdarda, 37 -jergilikti atqarushy organdarda, 62 - últtyq kompaniyalarda, 52 - ózge úiymdarda qyzmet atqaruda. Sonday-aq 39 rezervshi sayasy lauazymdarda, 3 - «A» korpusynyng lauazymdarynda, 2 - Mәjilis deputaty, 1 - mәslihat deputaty bolyp qyzmet etude.

Suret: gov.kz saytynan alyndy.

Darhan Jazyqbaydyng aituynsha, biylghy irikteuding basty ereksheligi – әr baghyt boyynsha kandidattardyng birkelki sanyn qamtamasyz etu maqsatynda әrbir kezende proporsionaldy irikteu ótkizu. Rezervting әr salalyq baghyty boyynsha kvotalar qarastyrylyp, irikteu sol salalyq baghyt boyynsha ghana jýrgiziletin bolady. Búl әdis salalar arasyndaghy tengerimdi qamtamasyz etip, naqty baghyttar boyynsha ýmitkerlerdi irikteudi qamtamasyz etedi.

Irikteu memlekettik apparattyng salalyq kadrlargha qajettiligin eskere otyryp, infraqúrylym, ónerkәsip jәne sauda sayasaty, agroónerkәsiptik keshen jәne qorshaghan orta, syrtqy sayasat jәne investisiyalar; ekonomikalyq jәne qarjylyq sayasat, sifrlandyru, әleumettik sayasat jәne azamattyq qogham syndy 6 negizgi sala boyynsha jýrgiziledi. Kandidat tirkelu kezinde kórsetilgen salalyq baghyttardyng birin tandauy qajet.

Ýmitkerlerge qoyylatyn talaptar ózgerissiz qalady: irikteuge jasy 35-ten aspaghan, joghary bilimi jәne 5 jyl jalpy júmys tәjiriybesi bar, memlekettik tildi V1 dengeyinen tómen emes mengergen Qazaqstan Respublikasynyng azamaty qatysa alady.

Preziydenttik jastar kadr rezervining mýshesi bolu ýshin ýmitkerler 6 kezennen túratyn keshendi irikteuden ótui tiyis.

Qújattardy qabyldau – 1-30 mausym aralyghynda pkrezerv.gov.kz resmy platformasynda onlayn rejimde jýzege asyrylady. Irikteuding obektivtiligin qamtamasyz etu ýshin kandidattardyng derekteri jeke nómir beru arqyly jasyrylady. Baghalaushylar ýshin ýmitkerding kim ekendigi beymәlim bolady.

Mәtindik jәne sandyq aqparatpen júmys isteu qabiletin baghalau – testileu proktoring jýiesimen, audio jәne beynefiksasiyamen ótedi, әdildik pen ashyqtyq qamtamasyz etiledi. Talaptargha sәikes keletin barlyq kandidattar mәtindik aqparatpen júmys isteu qabiletin baghalaudan ótedi. Búl rette sandyq testileuge әr salalyq baghyt boyynsha eng kóp ball jinaghan kandidattardyng 50%-y jiberiledi.

Situasiyalyq tapsyrmalardy sheshu kezeni – kandidattardyng tandaghan salalyq baghyttaryna baylanysty naqty problemalardy sheshu boyynsha úsynystaryn baghalaugha baghyttalghan. Búl kezeng onlayn-rejimde esse jazu formatynda ótedi.

Assessment-ortalyghy men qúzyretter boyynsha súhbat – oflayn formatta, Preziydent janyndaghy memlekettik basqaru akademiyasynda ótetin búl kezende ýmitkerler minez-qúlyq indikatorlary jәne kәsiby qúzyretter boyynsha toptyq jәne jeke tapsyrmalardan ótedi. Onlayn formattaghy jeke súhbat kәsiby HR-menedjerlermen ótkiziledi.

Sarapshylyq komissiyamen әngimelesu – arnayy komissiyamen súhbattasu týrinde jýzege asyrylady. Onyng qorytyndysy boyynsha Últtyq komissiya otyrysyna 100-den aspaytyn kandidattar tizimi úsynylady.

Últtyq komissiyanyng otyrysynyng qorytyndysymen ýzdik 50 kandidat Preziydenttik jastar kadr rezervine qabyldanady.

Irikteuding ashyqtyghy men әdildigin qamtamasyz etu maqsatynda kandidattardy baghalau nәtiyjeleri olardyng jeke kabiynetinde jәne kezeng qorytyndysy boyynsha aqparat resmy saytta jariyalanady.

Agenttik tóraghasy el mýddesine qyzmet etemin degen belsendi jas azamattardy Preziydenttik jastar kadr rezervine qatysugha shaqyrdy.

«Bilimdi, enbekqor, otangha qyzmet etudi paryz sanaytyn jastar – elimizding túraqty damuynyng basty qozghaushy kýshi. Jastardyng bilimin, әleueti men kýsh-jigerin el iygiligi ýshin tiyimdi paydalanu, qoghamdyq mýddelerge negizdelgen kәsiby memlekettik qyzmetshilerding jana buynyn qalyptastyru – Agenttik júmysynyng basty baghyttarynyng biri», - dedi Darhan Jazyqbay.

Abai.kz