Qazaqstanda әielder arasynda jýrek, onkologiya jәne tynys alu aurulary jii tirkelip otyr. Densaulyq saqtau ministrligining resmy jauabyna sýiensek, jas ereksheligine baylanysty auru týrlerining de aitarlyqtay aiyrmashylyghy bar.

Densaulyq saqtau ministrligi әielder densaulyghyna qatysty ózekti mәlimetterdi úsyndy. Vedomstvo dereginshe, elimizde әielder jii shaldyghatyn aurular birneshe negizgi topqa bólinedi.

1. Jýrek-qan tamyrlary aurulary

Búl dert – әsirese 50 jastan asqan әielder arasyndaghy ólim-jitimning basty sebebi. Arteriyalyq giypertenziya, jýrek iyshemiyasy, insulit sekildi aurular jii kezdesedi.

2. Onkologiyalyq aurular

Áyelder arasynda sýt bezi qaterli isigi men jatyr moyny obyry – eng jii taralghan qaterli isik týrleri. Erte diagnostika men profilaktikalyq tekseris búl aurulardyng aldyn alugha kómektesedi.

3. Tynys alu joldarynyng aurulary

Ókpening sozylmaly obstruktivti aurulary (ÓSOA), demikpe jәne basqa da tynys joldary dertteri – әielder arasynda jii tirkeletin aurular qatarynda.

4. Tirek-qimyl apparatynyng aurulary

Osteoporoz jәne artrit sekildi aurular, әsirese egde jastaghy әielderde jii bayqalady. Búl – qimyl-qozghalysty shektep, ómir sapasyn tómendetetin faktorlardyng biri.

5. Psihikalyq búzylular

Depressiya men mazasyzdyq – әielder arasynda jii kezdesetin psihikalyq densaulyq problemalary. Stresske tózimsizdik pen gormonaldy ózgerister búl jaghdaylardy ushyqtyruy mýmkin.

Jas ereksheligi boyynsha aurushandyq qalay ózgeredi?

30 jasqa deyingi әielder: Búl kezende giynekologiyalyq aurular, infeksiyalar jәne reproduktivti jýiege qatysty basqa da dertter jii kezdesedi.

30-50 jas:Jýrek-qan tamyrlary aurularynyng belgileri arta bastaydy, qaterli isikke shaldyghu qaupi de osy jasta bayqalady.

50 jastan joghary: Onkologiya, jýrek aurulary men tirek-qimyl apparatynyng búzylystary jiyiledi.

Reproduktivti densaulyq jәne ana ólimi

Ministrlikting mәlimetinshe, bedeulik, endometrioz jәne jatyr miomasy siyaqty aurular reproduktivti jastaghy әielder arasynda keng taralghan.
Qazaqstanda otbasyn josparlau men reproduktivti densaulyq qyzmetterin jaqsartu boyynsha birqatar baghdarlama iske asyp jatyr. Búl kórsetkish ana ólimining tómendeuine de yqpal etip otyr. Degenmen, shalghay ónirlerde medisinalyq kómekting qoljetimdiligi әli de ózekti mәsele bolyp qalyp otyr.

Eske salayyq, búghan deyin Qazaqstanda balalar men jastar arasynda jii kezdesetin 6 auru týri jóninde jazghan edik. Densaulyq saqtau ministrligi deregine sәikes, balalar men jasóspirimder sanatyndaghy azamattar arasynda birqatar auru týrleri jii kezdesedi.

Sonymen qatar, Qazaqstanda zeynetkerler arasynda jii kezdesetin 6 auru týri turaly da jazdyq. Densaulyq saqtau ministrligining Strategiya jәne damu departamentining mәlimetinshe, búl qúbylys tek Qazaqstanda ghana emes, kóptegen elderde bayqalady.

Abai.kz