Qazaqstan qarjygerlerining qauymdastyghy men Kaspi Bank, Forte Bank, "Euraziyalyq bank" jәne "Jusan bank" (Alatau City Bank) qyzmetkerlerining úiymdasqan qylmystyq top isine qatysy bar degen aqparattan keyin birlesken mәlimdeme jasady.

Bankter prokuraturadan búrynghy nemese qazirgi qyzmetkerlerining tergeuge ilingeni turaly resmy habarlama almaghanyn habarlady.

"Bankter prokuratura organdarynan olardyng búrynghy nemese qazirgi qyzmetkerlerining atalghan tergeu isine qatysy bar ekendigi jóninde resmy habarlama alghan joq", – delingen Qazaqstan qarjygerleri qauymdastyghy jariyalaghan habarlamada.

Qarjy úiymdary resmy aqparat týsken jaghdayda, qúqyq qorghau organdaryna tergeu barysynda jәne kliyentterding qúqyqtaryn qorghau ýshin barynsha kómek kórsetuge dayyn ekenderin atap ótti.

Sonymen birge, bank ókilderi qarjy instituttarynyng iskerlik bedeline әser etui mýmkin taqyryptargha qatysty jariya mәlimdemeler jasauda barynsha abay bolu qajettigin aitty.

"Qazaqstannyng kәsiby qarjy qauymdastyghy prokuratura men ózge de qúqyq qorghau organdaryn qarjy instituttarynyng bedeline núqsan keltirui yqtimal taqyryptargha qatysty jariya mәlimdemelerde salmaqty ústanym tanytugha shaqyrady", – delingen habarlamada.

Eske salayyq, 2 qyrkýiekte Aqmola oblysynyng prokurorlary qazaqstandyqtardy úrlap, olardyng atyna nesie rәsimdegen qylmystyq topty anyqtaghan bolatyn. Úiymdasqan qylmystyq top qúramynda "Kaspi Bank", "Forte Bank", "Euraziyalyq Bank", "Jusan bank" qyzmetkerleri bolghany aytylghan.

Abai.kz