قازاقستان قارجىگەرلەرىنىڭ قاۋىمداستىعى مەن Kaspi Bank, Forte Bank, "ەۋرازيالىق بانك" جانە "Jusan bank" (Alatau City Bank) قىزمەتكەرلەرىنىڭ ۇيىمداسقان قىلمىستىق توپ ىسىنە قاتىسى بار دەگەن اقپاراتتان كەيىن بىرلەسكەن مالىمدەمە جاسادى.

بانكتەر پروكۋراتۋرادان بۇرىنعى نەمەسە قازىرگى قىزمەتكەرلەرىنىڭ تەرگەۋگە ىلىنگەنى تۋرالى رەسمي حابارلاما الماعانىن حابارلادى.

"بانكتەر پروكۋراتۋرا ورگاندارىنان ولاردىڭ بۇرىنعى نەمەسە قازىرگى قىزمەتكەرلەرىنىڭ اتالعان تەرگەۋ ىسىنە قاتىسى بار ەكەندىگى جونىندە رەسمي حابارلاما العان جوق", – دەلىنگەن قازاقستان قارجىگەرلەرى قاۋىمداستىعى جاريالاعان حابارلامادا.

قارجى ۇيىمدارى رەسمي اقپارات تۇسكەن جاعدايدا، قۇقىق قورعاۋ ورگاندارىنا تەرگەۋ بارىسىندا جانە كليەنتتەردىڭ قۇقىقتارىن قورعاۋ ءۇشىن بارىنشا كومەك كورسەتۋگە دايىن ەكەندەرىن اتاپ ءوتتى.

سونىمەن بىرگە، بانك وكىلدەرى قارجى ينستيتۋتتارىنىڭ ىسكەرلىك بەدەلىنە اسەر ەتۋى مۇمكىن تاقىرىپتارعا قاتىستى جاريا مالىمدەمەلەر جاساۋدا بارىنشا اباي بولۋ قاجەتتىگىن ايتتى.

"قازاقستاننىڭ كاسىبي قارجى قاۋىمداستىعى پروكۋراتۋرا مەن وزگە دە قۇقىق قورعاۋ ورگاندارىن قارجى ينستيتۋتتارىنىڭ بەدەلىنە نۇقسان كەلتىرۋى ىقتيمال تاقىرىپتارعا قاتىستى جاريا مالىمدەمەلەردە سالماقتى ۇستانىم تانىتۋعا شاقىرادى", – دەلىنگەن حابارلامادا.

ەسكە سالايىق، 2 قىركۇيەكتە اقمولا وبلىسىنىڭ پروكۋرورلارى قازاقستاندىقتاردى ۇرلاپ، ولاردىڭ اتىنا نەسيە راسىمدەگەن قىلمىستىق توپتى انىقتاعان بولاتىن. ۇيىمداسقان قىلمىستىق توپ قۇرامىندا "Kaspi Bank", "Forte Bank", "ەۋرازيالىق بانك", "Jusan bank" قىزمەتكەرلەرى بولعانى ايتىلعان.

Abai.kz