QR Kólik viyse-ministri Jәnibek Tayjanov «Dostyq-Moyynty» temirjolynyng ekinshi jelisining ashyluy elimizge birneshe strategiyalyq sebepter boyynsha qajettigin aitty, – dep habarlaydy Aykin.kz.

Onyng aituynsha, eng aldymen  «Dostyq-Moyynty» temirjol jobasy Qazaqstangha tranzittik jәne eksporttyq әleuetti arttyrugha, jetkizu merzimderin qysqartugha, halyqaralyq kólik dәlizderin damytugha ýlesi zor.

– Birinshiden, tranzittik jәne eksporttyq әleuetti arttyra týsedi. Búl uchaske Qazaqstandy Qytaymen Dostyq shekaralyq beketi arqyly baylanystyrady. Ekinshi temirjol jelisining salynuy ótkizu qabiletin edәuir keneytip, jýk qozghalysyn jedeldetuge mýmkindik beredi. Tranzitten tabys tabatyn el ýshin búl – asa manyzdy.

Ekinshiden, jetkizu merzimderin qysqarta týspek. Qosymsha joldardyng arqasynda jýkting qozghalysy qarqyndy baghytta jyldamdaydy. Búl Qazaqstan arqyly ótetin «Qytay–Europa» baghytynyng balama dәlizdermen salystyrghanda bәsekege qabilettiligin arttyrady.

Ýshinshiden, halyqaralyq kólik dәlizderin damyta týsedi. Joba negizgi bastamalardyng qúramdas bóligi bolyp sanalady, olar – Transkaspiy halyqaralyq kólik baghyty (THKB) jәne «Soltýstik–Ontýstik» dәlizi. Ol Qazaqstangha Qytaydy, Ortalyq Aziyany, Reseydi, Europany jәne Parsy shyghanaghy elderin baylanystyratyn aimaqtyq hab retindegi mәrtebesin bekituge kómektesedi.

Tórtinshiden, ekonomikalyq әserde bar. Atap aitsaq, tranzit kólemining artuy valutalyq týsimder әkeledi. Joba ilespe infraqúrylymnyng qúrylysyn yntalandyrady. Sonymen qatar ónirlerde júmys oryndary ashylady.

Besinshiden, búl jobanyng geosayasy manyzy zor. Strategiyalyq temirjol torabyn baqylauda ústau – Qazaqstannyng jahandyq logistikalyq tizbekterdegi senimdi seriktes retindegi rólin kýsheytedi. Búl elding Qytaymen, Reseymen, EO-men jәne ózge de oiynshylarmen kelissózderdegi pozisiyasyn nyghaytady. Qorytyndy: «Dostyq-Moyynty» tek temirjol jelisi turaly emes, ol Qazaqstannyng jahandyq saudadaghy rólin kýsheytu, ekonomikanyng ósui jәne geosayasy yqpalyn bekitu, – deydi Viyse-ministr Jәnibek Tayjanov.

Abai.kz